Aposel 1:1 - Yesus Aqa Anjam Bole

¹ O Tiofilus, e nami anjam bei neŋgreŋyosim ni qa qariŋyem. Kumbra kalil Yesus na yoqnej qaji deqa ti anjam kalil a na tamo uŋgasari naŋgi minjroqnej qaji deqa ti utruq na neŋgreŋyem.

Aposel 1:1 Iomraidhean Croise

Matyu 11:5

Endegsib minjiye, ‘Tamo ŋam qandimnjro qaji naŋgi olo ŋam poinjreqnaq sawa uneqnub. Tamo jejamu lainjro qaji naŋgi olo walweleqnub. Tamo naŋgo jejamu yu na ugeeleŋo qaji naŋgo yu kalil koboeqnu. Tamo dabkala geteŋnjro qaji naŋgi olo poinjreqnaqa anjam queqnub. Tamo moreŋo qaji naŋgi olo tigeleqnub. Tamo iŋgi iŋgi saiqoji unub qaji naŋgi Qotei aqa anjam bole queqnub.’ Niŋgi aisib Jon degsib saiyosib minjiye.

Luk 1:24

Ariya olo bati bei aqa ŋauqali Elisabet a gumaŋej. Deqa a bai 5-pela aqa talq di soqnej. A boleq di walwelosaioqnej. Osiqa marej,

Luk 1:3

Deqa e dego anjam di neŋgreŋyosiy ni qa qariŋyqa are qalem. Are qalsimqa anjam aqa utru geregere qalieqajqa deqa nenemosim laqnem. Nenemosim laqnsimqa anjam aqa utru geregere qalieosim neŋgreŋyosim agi ni qa qariŋyonum.

Luk 14:22

Onaqa kaŋgal tamo a olo aisiqa tamo naŋgi di kalil joqsi bosiqa aqa tamo koba minjej, ‘O Tamo Koba, e ino anjam dauryosim agi naŋgi kalil joqsi bonum. Ariya ino tal tamo na maqosaiunu.’

Luk 24:19

Onaqa Yesus na kamba nenemnjrej, “Kumbra kie brantej?” Onaqa naŋgi aiyel na minjeb, “Yesus Nasaret qaji a ŋamburbasq di qalnab moiej. Iga kumbra deqa mareqnum. Yesus a Qotei aqa medabu o qaji tamo bei. A Qotei aqa siŋgila ti sosiq deqa a Qotei aqa maŋwa gargekoba yeqnaqa tamo uŋgasari naŋgi unoqneb. A Qotei aqa siŋgila ti sosiq deqa anjam bolequja mareqnaqa tamo uŋgasari naŋgi quoqneb.

Luk 3:23

Yesus aqa wausau 30 kereonaqa aqa wau utru atej. Naŋgi Yesus qa endegsib maroqneb, “A Josep aqa ŋiri.” Josep a Heli aqa ŋiri.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’