Orom Sɛbɛ 9:1 - A NAAŊMƖN PƲLƖ̃-TA-PAALAA

^1-2 Yel-mɩ̃ɛ ɩ̃ yele nyɩ, a mɩnɛ ɩ̃ na ɩ a *Kirisi nɩrɛ, maa ŋmaa jiri wa. A nã-kpɛ̃ɛ be na a ɩ̃ suur pʋɔ a daar a jaa, a suur nyɩrɩ̃ sãw ma. A ɩ̃ mɩ̃ɛ bɔ̃wfʋ a Naaŋmɩn Sɩɛ na tɔwrɔ, mɩ man ma na a lɛ.

Orom Sɛbɛ 9:1 Iomraidhean Croise

1 Timote Sɛbɛ 2:7

Yel-mɩ̃ɛ ɩ̃ yele, maa ŋmaa jiri wa, a Naaŋmɩn ƴɔ̃w ma na ɩ̃ ɩ a ƴɛƴɛrɛ nɩ a *nɩ-tʋnaa a ala ɩnɛ, mɩ mana nɩ a nɩ-bʋrɔ bʋrɔ a ƴɔ̃w-nyãa nɩ yel-mɩ̃ɛ.

Orom Sɛbɛ 1:9

A Naaŋmɩn ʋlɔ tʋn ɩ̃ na tʋnɔ nɩ a ɩ̃ suur ʋ jaa, hiere nɩ a ƴɛr-son ʋlɔ na yi a ʋ Bie jie, bɔ̃w ma na. Ʋ bɔ̃w na ka ɩ̃ ma tɩɛrɛ nɩ nyɩ na a daar a jaa

Galatɩ Sɛbɛ 1:20

A ala ɩ̃ na yel nyɩ, a Naaŋmɩn bɔ̃w na ka a maa ŋmaa jiri wa.

Fɩlɩpɩ Sɛbɛ 1:8

A Naaŋmɩn bɔ̃w na ka maa ŋmaa jiri wa a mɩnɛ ɩ̃ na yel nyɩ á ɩ̃ tɩɩ na nʋ nyɩ nɩ a Jeeju-Kirisi nʋfʋ.

2 Kɔrɛ̃tɩ Sɛbɛ 11:10

Ɩ̃ na tʋɔ na yel nɩ a Kirisi yel-mɩ̃ɛ ʋlɔ na be nɩ ma, nɩrɛ ma be na tʋɔ mɔ̃w ma a ʋna pɔl-maalfʋ a Akayi wɩɛr pʋɔ ʋ jaa wa.

Orom Sɛbɛ 8:16

A Naaŋmɩn Sɩɛ mɩ̃ɛ nɩ a sɩ sɩɛ pɔw na taa ɩ̃ man sɩ a sɩ ɩ na a Naaŋmɩn bibiir.

1 Timote Sɛbɛ 1:5

A kpãkpanfʋ ʋlɔ par ɩ na a ba na tɛrɛ a nʋfʋ na yire a su-cɛcɛ pʋɔ, mɩ tɛrɛ nɩ a mɩ̃ɛ-bɔ̃wfʋ na vɩɛlɛ, nɩ a yel-mɩ̃ɛ ƴɔ̃w-nyãa.

1 Tɛsaloniki Sɛbɛ 2:5

Nyɩ bɔ̃w ka saa dãa wɩ a nyɩ jie nɩ yɛ̃ ƴɛrɩ̃sɩ wa, ɩ̃ saa mɩ lɛ wɩ nɩ a nɔ-kãa bʋɔrɔ sɩ pɔw bom kãw wa. A Naaŋmɩn mɩ̃ɛ bɔ̃w na a sɩ tɛw.

2 Kɔrɛ̃tɩ Sɛbɛ 12:19

Yɛ-nʋnɩsɩ, nyɩ ma tɩɛrʼã a korĩ-cɛ á sɩ ma bʋɔrɔ na sɩ miil a sɩ torfʋ a nyɩ nii-sɔw, ɩ̃-cɛ aa ɩ lɛ ʋ wa. Sɩ ma ƴɛrɛ na a ala a jaa a Naaŋmɩn nii-sɔw a *Kirisi pʋɔ, a mɩnɛ nyɩ na tʋɔrɔ karɛɛ dɔɔlɔ a nyɩ ƴɔ̃w-nyãa pʋɔ.

2 Kɔrɛ̃tɩ Sɛbɛ 1:12

Nyɛ a ala na ɩ a sɩ yo-yifʋ, a sɩ mɩ̃ɛ-bɔ̃wfʋ na mɩ man sɩ: a sɩ maalfʋ be na a cãa pʋɔ, ma tɛrɛ bɛlɩ̃fʋ ka a tẽw pʋɔ, wa yele nɩ a nyɩ jie wa. A ala a jaa yi na a Naaŋmɩn jie. Aa yi a nɩrɛ yɛ̃ jie wa, ɩ̃-cɛ a Naaŋmɩn sũofʋ jie a yi.

1 Timote Sɛbɛ 5:21

Ɩ̃ kpãkpana fʋ na a Naaŋmɩn nɩ a *Jeeju-Kirisi nɩ a sɩ-tʋnɩsɩ sono nii-sɔw, jɔrɔ a ana ƴɛrɩ̃sɩ kɔ̃ ꞌwuoro a nɩbɛ kpee kpee wa. Taa wa maala bom nɩ gõgolĩfʋ wa.

2 Kɔrɛ̃tɩ Sɛbɛ 11:31

A Naaŋmɩn na ɩ a Nɩ-kpɛ̃ɛ *Jeeju-Kirisi Sãa, ú pɔw a pɛwfʋ a daar a jaa. Ʋlɔ ɩ̃ bɔ̃w á maa ŋmara jiri wa.

2 Kɔrɛ̃tɩ Sɛbɛ 1:23

Ɩ̃ de na a Naaŋmɩn ʋ ɩ a ɩ̃ yel-mɩ̃ɛ ƴɛr-mana, ṹ kpãa ma a ala ɩ jiri ɩ̃ na ŋmaa: a nyɩ cɩ̃ɛfʋ ɩnɛ ɩ̃ bar a Kɔrɛ̃tɩ-tẽw gɔr wɩfʋ.

Orom Sɛbɛ 2:15

A-na-ɩ ba miilʼã a lɛ, áa ala a ƴɛr-kpɛn na bʋɔrɔ sɛbʼã a ba sube pʋʋr, ɩ̃ a ba mɩ̃ɛ bɔ̃wfʋ mɩ miile ba na a ʋna maalfʋ. A daar kãw a ba mɩ̃ɛ tɩɛrɩ̃sɩ ma ƴɔ̃w ba na a ƴɛrɩ̃, mɩɩ a yifʋ jie.