5 A-na-ɩ a lɛdaar sɩ na dãa cere tuure a ala a sɩ ɩ̃gan buur na bʋɔrɔ, a ƴɛr-kpɛn ma dãa na jawra a fãa vɩláa a sɩ ɩ̃gan pʋɔ, a sɩ maala a ala na cere nɩ sɩ a kũu pʋɔ.
Ɩ̃ nyɩ taa mɩ de a nyɩ ɩ̃gan ɓãbie a lɩɛb ɩ gõgolĩfʋ tʋmɔ yele a nyɩ maala nɩ a fãa wa. Ɩ̃-cɛ, a mɩnɛ nyɩ na ɩ a nɩbɛ bala na kpi ɩ̃ lɛ ir a kũu pʋɔ nyɩ́ de a nyɩ mɩ̃ɛ kʋ a Naaŋmɩn, a nyɩ ɩ̃gan ɓãbie mɩ lɩɛb ɩ a tʋ̃-son yele a Naaŋmɩn tʋmɔ pʋɔ.
A nɩbɛ maal-bie ɩ̃ de miile nɩ nyɩ a ƴɛrɩ̃ na, a-na-ɩ a nyɩ ɩ̃gan buur balʼã. A ala ɩ nyɩ dãa na de a nyɩ ɩ̃gan ɓãbie bar a tʋ̃-kpansɩ pʋɔ, maala nɩ a burbur bʋrɔ bʋrɔ, a lɛ ʋ mɩ a ƴɛ̃ƴɛrɩ̃ na, nyɩ́ de a nyɩ ɩ̃gan ɓãbie ƴɔ̃w a ɩ a torfʋ gbãgba-tʋmɔ yele, a nyɩ na tʋɔ ɩ a cɛcɛ a nyɩ maalfʋ pʋɔ.
ɩ̃-cɛ ɩ̃ nyɛ na a ƴɛr-kpɛ̃w kãw ʋ be a ɩ̃ ɩ̃gan pʋɔ jɛbɛ nɩ a ƴɛr-kpɛn ala na be a ɩ̃ tɩɛrɩ̃sɩ pʋɔ. Ʋ ɩ na a maal-fãa ƴɛr-kpɛ̃w na tʋnɔ a ʋ tʋmɔ a ɩ̃ ɩ̃gan pʋɔ, pɔw nɩ ma a kasu pʋɔ.
Ɩ̃-cɛ nabier na nyɔw na a nɩrɛ lɛ na bʋɔrɔ a torfʋ a ƴɛr-kpɛn jɔfʋ pʋ̃ɔ, a-na-ɩ a sɛbʼã a Naaŋmɩn Sɛbɛ pʋɔ áa nɩrɛ lɛ na ma jɔrɔ a ala a jaa na sɛb a *Naaŋmɩn ƴɛr-kpɛn Sɛbɛ pʋɔ wa, á ʋ na pɔw na nabier.
Ala-ɩ̃-sɔ nyɩ́ cãa bɔ̃w nɩ a mɩnɛ ba na dɔw nyɩ a nyɩ ɩ a nɩ-bʋlsɩ, a nyɩmɩ a Jufisɩ na ma bʋɔlɔ a nɩ-pɔrsɩ. A-na-ɩ a bala, ba ma ɩ na a ba ŋmaa ba a yʋɔr, ɩ̃-cɛ a nyɩmɩ, nyaa tɛrɛ a jɩbaa ʋlɔ a nyɩ ɩ̃gan pʋɔ wa. Nyɩ́ tɩɛrʼɩ̃ a ala nyɩ na dãa ɩ a korĩ-cɛ.
A lɛ a sɩ jaa mɩ dãa be, mɩ maala a ala a sɩ ɩ̃gan buur na bʋɔrɔ, a ba kaarɩ̃. Sɩ dãa na de a sɩ mɩ̃ɛ ƴɔ̃w a ala a sɩ ɩ̃gan buur nɩ a sɩ pʋ-tɩɛrʋ̃ na bʋɔrɔ. Ɩ̃ a mɩnɛ sɩ na dãa wɔ̃ a lɛ, su-tuo ɩ̃ dãa gu sɩ a mɩnɛ ʋ na gu a nɩbɛ bala na mɩ wɔ̃ a lɛ.
Ala-ɩ̃-sɔ nyɩ́ kú a nyɩ tẽw pʋɔ bɔb na ɩ a gã-ta-burbur, a maal-bi-kpansɩ, a vĩ yele bɔfʋ, a tɩɛrɩ̃-kpansɩ, nɩ a mimir kpɛfʋ na wɔ̃ taa nɩ a tɩɩb puorfʋ.
A-na-ɩ a korĩ-cɛ, a sɩmɩ mɩ, sɩ mɩ dãa na ɩ a gẽgemsɩ nɩ a to-wownbo na dãa bɔr. Sɩ dãa na ɩ a yel-kãkan nɩ a yele ala na kʋrɔ sɩ a vɩláa gbãgbaar. Fãa pʋɔ sɩ dãa be, tɛrɛ nɩ a nyuur, a ba ꞌlaar sɩ, ɩ̃ a sɩ mɩ lɩɛb ꞌlaar taa.