Fɩlɩpɩ Sɛbɛ 4:3 - A NAAŊMƖN PƲLƖ̃-TA-PAALAA

³ Ɩ mɩ sʋɔrʼã a fʋ̃ʋ na ɩ a ɩ̃ lãa-tʋ̃-dẽdẽ, a fʋ na sũo a pɔɔbɔ bala, a-na-ɩ ba dãa na pɔw ma a sɩ lãa jɛb a Naaŋmɩn ƴɛr-son jɛb lãa nɩ a Kilema nɩ a ɩ̃ lãa-tʋnbɔ bala a yoe na sɛb a baafʋ sɛbɛ pʋɔ.

Fɩlɩpɩ Sɛbɛ 4:3 Iomraidhean Croise

Luki Sɛbɛ 10:20

A be na a lɛ ɩ̃-cɛ nyɩ taa cɩlɛ a-na-ɩ a kɔ̃tɔnsɩ balʼã a ba mɩ̃ɛ a nyɩ jie wa, ɩ̃-cɛ nyɩ́ cɩlɛ a-na-ɩ a Naaŋmɩn sɛbʼã a nyɩ yoe a be a saa juu.”

Orom Sɛbɛ 12:1

Ala-ɩ̃-sɔ yɛɛr, a mɩnɛ a Naaŋmɩn na bɔ̃w sɩ a nãw, ɩ̃ kpãkpana nyɩ na a nyɩ de a nyɩ mɩ̃ɛ kʋ a Naaŋmɩn, a nyɩ ɩ a baar-lo-bõ-mimir na ɩ a cɛcɛ kpɛ a Naaŋmɩn nyãa; a-na-ɩ lɛ ɩ̃ ɩ a puor-son nyɩ na sɛw nyɩ puoro ʋ.

Orom Sɛbɛ 16:12

Nyɩ́ mɩ lɛ puor a Tɩrɩfɛn nɩ a Tɩrɩfɔsɩ, na ɩ a pɔɔbɔ bala na tʋnɔ a Nɩ-kpɛ̃ɛ tʋmɔ, ɩ̃ mɩ puor a ɩ̃ yɛ-pɔw nʋnaa Pɛrsɩdɩ na tʋ̃ a tʋn yaw kʋ ʋ.

Orom Sɛbɛ 16:9

Nyɩ́ lɛ puor a Ʋrbɛ̃ na ɩ a sɩ lãa-tʋnɔ a Kirisi tʋmɔ pʋɔ, nɩ a ɩ̃ baraa Sɩtakɩ.

Fɩlɩpɩ Sɛbɛ 1:12

Yɛɛr, ɩ̃ bʋɔrɔ na nyɩ bɔ̃w ka a ala na ta ma, ɛ̃ɛ na maal a Naaŋmɩn ƴɛr-son ʋ tɔ cen nii-sɔw.

Fɩlɩpɩ Sɛbɛ 1:16

A bala, nʋfʋ ba tɛrɛ ƴɛrɛ nɩ, a-na-ɩ ba bɔ̃w ka a Naaŋmɩn biin ma na a ka ɩ̃ na var a bala na cɩɩrɛ a ʋ ƴɛr-son bar.

Fɩlɩpɩ Sɛbɛ 1:27

A ala saarɩ̃ wɔ̃ mɩnɛ, nyɩ́ ɩ a nyɩ maalfʋ á tuure a Kirisi ƴɛr-son, a mɩnɛ a maa wa tʋɔ wɩ ꞌwuor nyɩ je kãa, mɩɩ maa wɩ wa, ɩ̃ ɩ̃ na tʋɔ wõ á nyɩ tɛrɛ na tɩɛrʋ̃ bõ-ƴen ɩraa nɩ cĩcĩ, mɩ tɛrɛ nɩ nɔ-bõ-ƴen jɛbɛ nɩ a ƴɛr-son ƴɔ̃w-nyãa jɛb.

Fɩlɩpɩ Sɛbɛ 1:5

a mɩnɛ nyɩ na sũo ma a Naaŋmɩn ƴɛr-son tʋmɔ pʋɔ a nyɔwfʋ bibir wa ta nɩ a ƴɛ̃ƴɛrɩ̃

Fɩlɩpɩ Sɛbɛ 1:7

A vɩɛlɛ na ɩ̃ na tɛrɛ a tɩɛrɩ̃-lɛ a nyɩ jaa ɩnɛ, a-na-ɩ nyɩ kpɛ ma na nyãa. A ala ɩ a kasu pʋɔ ɩ̃ na be, mɩɩ a mɩnɛ ɩ̃ na cɩɩrɛ taa nɩ a nɩbɛ a Naaŋmɩn ƴɛr-son ɩnɛ miile nɩ a ʋ ɩ na yel-mɩ̃ɛ, a nyɩ jaa fɛw ɓã ma na, a sɩ lãa pɔw a Naaŋmɩn sũofʋ.

Fɩlɩpɩ Sɛbɛ 4:2

Ɩ̃ sʋɔrɔ na a Evodi nɩ a Sɩ̃tɩsɩ a ba ɓaalɩ̃ taa bɩlɛ a mɩnɛ ba na ɩ a yɛɛr a Nɩ-kpɛ̃ɛ pʋɔ.

Kɔlɔsɩ Sɛbɛ 1:7

A Epafɩrasɩ na ɩ a sɩ lãa-tʋnɔ sɩ na nʋ ɩ̃ dãa jaan nyɩ a ala, Ʋ ɩ na a *Kirisi tʋ̃tʋ̃-dẽdẽ na tʋnɔ a sɩ ɩnɛ.

Miilfʋ Sɛbɛ 13:8

A tẽw pʋɔ nɩbɛ ba jaa, a bala a ba yoe na ma sɛb a baafʋ sɛbɛ pʋɔ wa, nɔɔ gbure na a dume puoro ʋ, a lɛ yelʼã a bala yoe na ma sɛb a Péle sɛbɛ pʋɔ wa, a ʋlɔ ba na dãa kú a tẽw nyɔwfʋ daar jaa.

Miilfʋ Sɛbɛ 17:8

A wɛ-dʋ̃ɔ ʋlɔ fʋ na nyɛ, dãa na be ka, ɩ̃ ꞌwaa lɛ cãa wa, ɩ̃ ʋ nɔɔ lɛ yi na a bɔw ʋlɔ pʋɔ na ma tɛrɛ a bɛwfʋ wa, cen a wɛfʋ jie. A tẽw nɩbɛ bala yoe ba na ma sɛb ƴɔ̃w a baafʋ sɛbɛ pʋɔ a tẽw nyɔwfʋ daar jaa wa, a nʋɔr na ko ba na, a mɩnɛ ba na nyɛrɛ a wɛ-dʋ̃ɔ ʋlɔ, a-na-ɩ ʋ dãa na be ka, ɩ̃ ma lɛ cãa wa, ɩ̃-cɛ ʋ na lɛ wa na.

Miilfʋ Sɛbɛ 20:12

Ala ɩ̃ baar, ɩ̃ nyɛ na a bibiir nɩ a nɩ-bɛrɛ bala na dãa kpi, a ba ɩraa a naa-dakɔw nii-sɔw, ɩ̃ a ba yuo sɛbsɩ bin, ɩ̃ lɛ yuo sɛb-kpee na ɩ a baafʋ sɛbɛ. Ba guorʼã a kũusɩ bala ƴɛrɩ̃ tu nɩ a ala ba na dãa maal, a ba sɛb ƴɔ̃w a sɛbsɩ pʋʋr.

Miilfʋ Sɛbɛ 20:15

Ɩ̃ ba mɩ lɔbʼã a nɩrɛ lɛ na ma tɛrɛ a ʋ yuor a baafʋ sɛbɛ pʋɔ wa ƴɔ̃w a vũu bɔw pʋɔ.

Miilfʋ Sɛbɛ 21:27

Ɩ̃-cɛ bõ-dɛɛr kãw ma kpɛɛrɛ be fɩ̃ɩ wa. A nɩrɛ lɛ na maala a yel-kpansɩ, mɩɩ na ŋmara a jirsɩ ma mɩ kpɛɛrɛ wa, ɩ̃ a bala a yoe na sɛb a Naaŋmɩn Péle baafʋ sɛbɛ pʋɔ tɛw na kpɛ.

Miilfʋ Sɛbɛ 3:5

A ʋlɔ na ɩrɛɛ a tʋɔfʋ sʋbɔ na mɩ su na cẽcẽ-pɛlɛ a ba kaarɩ̃, ɩ̃ maa sãwna a ʋ yuor a baafʋ sɛbɛ pʋɔ bara wa. Ɩ̃ ɩ̃ na cã na yel a ɩ̃ Sãa nii-sɔw nɩ a ʋ sɩ-tʋnɩsɩ nii-sɔw, a ʋ ɩ na a ɩ̃ ben.