Ɛfɛɛsɩ Sɛbɛ 5:3 - A NAAŊMƖN PƲLƖ̃-TA-PAALAA

³ Nyɩ ɩ na a Naaŋmɩn deme, ala-ɩ̃-sɔ a gã-ta-burbur mɩɩ a maal-bi-kpansɩ mɩɩ a folʋ̃ʋ ƴɛrɩ̃sɩ a jaa ma sɛw a ma yi a nyɩ nɔɛ pʋʋr wa.

Ɛfɛɛsɩ Sɛbɛ 5:3 Iomraidhean Croise

Matie Sɛbɛ 15:19

A-na-ɩ a tɩɛrɩ̃-faar, a nɩrɛ kúfʋ, a pɔɔ-kpee nɩ a dab-kpee ganifʋ, a pebfʋ, a jufʋ, a mɩl-taa, nɩ a korfʋ,

Luki Sɛbɛ 12:15

Ɩ̃ na ʋ yel a nɩbɛ: “Nyɩ́ tɛrɛ jɩmɛ ɩ̃ mɩ tɛrɛ a nyɩ mɩ̃ɛ a yel-yaw bɔfʋ ɩnɛ, a-na-ɩ a nɩrɛ baafʋ ma yi a ʋ yel-yaw tɛrɛfʋ ɩnɛ wa.”

Luki Sɛbɛ 16:14

A *Farɩsɩ nɩbɛ, na dãa nʋ a libie, cɛlɛ na a ƴɛrɩ̃sɩ ala a jaa, ɩ̃ na ba laara a *Jeeju.

Nɩ-tʋnɩsɩ tʋmɔ Sɛbɛ 15:20

Ɩ̃-cɛ, sɩ́ maal a sɛbɛ tɩɩr kʋ ba, ɩ̃ yel ba, á ba taa wa dɩrɛ a tɩɩb bom wa, ɩ̃ bá tɛrɛ a ba mɩ̃ɛ a pebfʋ ɩnɛ, a ba taa wa mɩ ꞌwɔbɔ a dʋ̃ɔ ʋlɔ ba na cɩm kú wa, a ba taa wa mɩ ꞌwɔbɔ jɩ̃ɩ wa.

Nɩ-tʋnɩsɩ tʋmɔ Sɛbɛ 20:33

Maa dãa tɩɛrʼɩ̃ nɩrɛ kãw bom wa: a libie, mɩɩ a sɛlmɛ, mɩɩ a cẽcene wa.

Orom Sɛbɛ 1:29

Ba bɔ̃w na a gõgolĩfʋ tʋmɔ a jaa: a maal-fãa, a nɩbɛ yele jɩɛlfʋ, nɩ a bier maalfʋ. Ba mɩ sɛw nɩ na a nyuur, ɩ nɩ a nɩ-kúrbɔ, faara nɩ taa, bɛlɛ nɩ taa, tɛrɛ nɩ a tɩɛrɩ̃-bebe, mɩ cile nɩ taa.

Orom Sɛbɛ 16:2

a nyɩ na bɔ̃w de ʋ a Nɩ-kpɛ̃ɛ yuor pʋɔ, a mɩnɛ a na sɛw na maala a popuorbo sɔ̃w, ɩ̃ mɩ sũo ʋ a bom jaa lɛ pʋɔ ʋ na bʋɔrɔ. A ʋlɔ mɩ̃ɛ mɩ dãa na sũo nɩ-yaw, nɩ a ɩ̃ tɔr jaa.

Orom Sɛbɛ 6:13

Ɩ̃ nyɩ taa mɩ de a nyɩ ɩ̃gan ɓãbie a lɩɛb ɩ gõgolĩfʋ tʋmɔ yele a nyɩ maala nɩ a fãa wa. Ɩ̃-cɛ, a mɩnɛ nyɩ na ɩ a nɩbɛ bala na kpi ɩ̃ lɛ ir a kũu pʋɔ nyɩ́ de a nyɩ mɩ̃ɛ kʋ a Naaŋmɩn, a nyɩ ɩ̃gan ɓãbie mɩ lɩɛb ɩ a tʋ̃-son yele a Naaŋmɩn tʋmɔ pʋɔ.

1 Kɔrɛ̃tɩ Sɛbɛ 10:8

Sɩ taa mɩ maala a burbur gana nɩ taa a ba ŋmɛɛ kaarɩ̃ wa. A bala na maal a lɛ, nɩbɛ ture lɩjɛrʼɩ̃-ata lo na kpi a bibir bõ-ƴen.

1 Kɔrɛ̃tɩ Sɛbɛ 5:1

Ba ƴɛrɛ na a jiir a jaa á gã-ta-burbur be na a nyɩ sɔ̃w. A ʋna burburʼãa ma mɩ tʋɔrɔ beree a nɩ-bʋlsɩ mɩ̃ɛ sɔ̃w wa. A-na-ɩ a nyɩ sɔ̃w, kãw ma de na a ʋ sãa pɔw gana nɩ.

1 Kɔrɛ̃tɩ Sɛbɛ 6:13

Nyɩ ma mɩ yelʼã áa dɩb maalʼã a puor ɩnɛ, ɩ̃ a puor mɩ maal a dɩb ɩnɛ. A lɛ ʋ, ɩ̃-cɛ a Naaŋmɩn na wɛlʼã a ba jaa ayi bar. Ɩ̃-cɛ a nɩsaa-salaa ɩ̃gan ma maal a pebfʋ ɩnɛ wa, ɩ̃-cɛ a Nɩ-kpɛ̃ɛ ɩnɛ ba maal ʋ.

1 Kɔrɛ̃tɩ Sɛbɛ 6:18

Nyɩ́ taw yi a gã-ta-burbur pʋɔ! A maal-fãa lɛ a nɩrɛ na maala ma kpɛɛrɛ a ʋ ɩ̃gan pʋɔ wa; ɩ̃-cɛ a nɩrɛ ʋlɔ na de a ʋ mɩ̃ɛ ƴɔ̃w a gã-ta-burbur pʋɔ, a ʋ mɩ̃ɛ ɩ̃gan pʋɔ ʋ maala a fãa ƴɔnɔ.

2 Kɔrɛ̃tɩ Sɛbɛ 12:21

Ɩ̃ mɩ jɔrɔ na dãbɩ̃ɛ a mɩnɛ ɩ̃ nɔɔ wɩɛrɛ a Naaŋmɩn kɔ̃ wa ƴɔ̃w ma vĩ a nyɩ nii-sɔw wa, ɩ̃ na kono a bala ɩnɛ na dãa maal a fãa ɩ̃ ma lɩɛb a yɛ̃ a ba maal-bi-kpansɩ ɩnɛ, a gã-ta-burbur, nɩ a pebfʋ ala na dãa be a ba jie wa.

Ɛfɛɛsɩ Sɛbɛ 5:12

A ma ɩ na vĩ a ala ɩ fʋ mana na a ala ba na ma sɔɔlɩ̃ maal.

Ɛfɛɛsɩ Sɛbɛ 5:5

Nyɩ́ bɔ̃wnaa, a bala na gana taa a burbur ba jaa, nɩ a bala na maala a maal-bi-kpansɩ, nɩ a bala na kpɛ a mimir (a-na-ɩ a ʋlɔ na kpɛ a mimir wɔ̃ na taa nɩ a tɩɩb sʋbɔ) ma tʋɔrɔ kpɛɛrɛ pɔwrɔ a yel-sono ala na be a Naaŋmɩn fãw pʋɔ wa.

Fɩlɩpɩ Sɛbɛ 1:27

A ala saarɩ̃ wɔ̃ mɩnɛ, nyɩ́ ɩ a nyɩ maalfʋ á tuure a Kirisi ƴɛr-son, a mɩnɛ a maa wa tʋɔ wɩ ꞌwuor nyɩ je kãa, mɩɩ maa wɩ wa, ɩ̃ ɩ̃ na tʋɔ wõ á nyɩ tɛrɛ na tɩɛrʋ̃ bõ-ƴen ɩraa nɩ cĩcĩ, mɩ tɛrɛ nɩ nɔ-bõ-ƴen jɛbɛ nɩ a ƴɛr-son ƴɔ̃w-nyãa jɛb.

Kɔlɔsɩ Sɛbɛ 3:5

Ala-ɩ̃-sɔ nyɩ́ kú a nyɩ tẽw pʋɔ bɔb na ɩ a gã-ta-burbur, a maal-bi-kpansɩ, a vĩ yele bɔfʋ, a tɩɛrɩ̃-kpansɩ, nɩ a mimir kpɛfʋ na wɔ̃ taa nɩ a tɩɩb puorfʋ.

1 Tɛsaloniki Sɛbɛ 4:3

A-na-ɩ a Naaŋmɩn pʋ-tɩɛrʋ̃ ɩ na a nyɩ ow kpee, taw nɩ a nyɩ mɩ̃ɛ jãa nɩ a gã-ta-burbur pʋɔ,

1 Tɛsaloniki Sɛbɛ 4:7

A Naaŋmɩn ma bʋɔl sɩ a maal-bi-kpansɩ maalfʋ ɩnɛ wa, ɩ̃-cɛ ʋ bʋɔl sɩ na a sɩ na ɩ cɛcɛ.

1 Timote Sɛbɛ 2:10

Ɩ̃-cɛ a ala na sɛw nɩ a pɔɔbɔ bala na puoro a Naaŋmɩn ɩ na ba maala tʋ̃-vɛlɛ.

1 Timote Sɛbɛ 3:3

Ʋ taa ꞌlaar a dãa wa, ʋ taa mɩ ɩ suur sʋbɔ wa, ɩ̃ ú ɩ su-ɓaar sʋbɔ. Ʋ taa ɩ cɩcɩɩrɛ wa, mɩɩ nyɩrɩ̃ ꞌlaar a libie wa.

1 Timote Sɛbɛ 6:10

A-na-ɩ a libie nʋfʋ ɩ na a fãa bʋrɔ bʋrɔ juu. A nɩŋmɛɛ dãa na nyɩrɩ̃ bʋɔrɔ ʋ, ɩ̃ bɔr jãa taa nɩ a Naaŋmɩn ƴɛrɩ̃, ɩ̃ woor a won a sɛw a ba sube.

2 Timote Sɛbɛ 3:2

A-na-ɩ a nɩbɛ na ꞌwuoro na a ba mɩ̃ɛ tɛw, nyɩrɩ̃ nʋ a libie, bʋɔrɔ nɩ a yuor nɩ a ju-kpɛ̃ɛ, kpɛrɛ a Naaŋmɩn, wõw nɩ a toor a ba dɔɔrbɔ jie. Ba na bɛlɩ̃ na a puor, ɩ̃ ma ƴɔnɔ a Naaŋmɩn wa.

Tɩtɩ Sɛbɛ 1:11

A sɛw na a fʋ na maal ba a ba pɔw a nʋɔr, a-na-ɩ ba ma cenʼã na jaana a ala na ma sɛw wa, nyanyaana nɩ a yie ŋmɛɛ nɩbɛ ba jaa, bɛlɛ nɩ bʋɔrɔ nɩ a libie.

Tɩtɩ Sɛbɛ 1:7

A-na-ɩ a ni-diere ɩ̃ ɩ a Naaŋmɩn yir-ꞌwuoro. Aa sɛw ʋ tɛrɛ mabfʋ jie wa. Ʋ taa ɩ nɩrɛ na ꞌwuoro a ʋ mɩ̃ɛ tɛw, mɩɩ na ɩ a suur sʋbɔ wa. Ʋ taa mɩ ꞌlaar a dãa nɩ a jɛb jɛbfʋ wa, mɩɩ bɛlɛ a nɩbɛ bʋɔrɔ nɩ a libi-yaw wa.

Tɩtɩ Sɛbɛ 2:3

A lɛ ʋ mɩ, a pɔɔbɔ bala na kor, a ba cenfʋ á sɛw taa nɩ a bala na be a puorfʋ pʋɔ. A ba taa ɩ nɩ-korbo, mɩɩ a dãa gbãgbaar wa, ɩ̃-cɛ bá ɛ̃ɛ ɩ a ƴɛr-son-manba,

Eburo Sɛbɛ 12:16

Nyɩ́ mɩ jʋʋrɔ a mɩnɛ a nɩrɛ kɔ̃ wa ɩ pepebe, mɩɩ na wɔ̃ taa nɩ a Ejayu na ma dãa tɛrɛ puorfʋ tɩɛrʋ̃ wa, na mɩ dãa de a ʋ kpɛ̃ɛ ɩfʋ tɛw nɩ bõ-dɩraa gbɛ-bõ-ƴen tɛw dɩ.

1 Pɩɛr Sɛbɛ 5:2

Ɩ̃ kpãkpana nyɩ na a nyɩ na bɔ̃w cɩɩnɛ a Naaŋmɩn dʋn ʋ na kʋ nyɩ, a na nʋmɔ nyɩ a mɩnɛ a Naaŋmɩn na bʋɔrɔ, ɩ̃ a kɔ̃ ɩ ba fɛr nyɩ na wa. Nyɩ taa tʋnɔ a nyɩ tʋmɔ a libie pɔwfʋ ɩnɛ wa, ɩ̃-cɛ a na yi a nyɩ su-tɩɛrɩ̃sɩ pʋɔ a jaa.

2 Pɩɛr Sɛbɛ 2:10

A bala a kpãafʋ na nyɩrɩ̃ tor ɩ na a bala na tuure a ba ɩ̃gan buur tɩɛrɩ̃-kpansɩ, sãwna nɩ a ba mɩ̃ɛ, ɩ̃ mɩ kpɛrɛ a Naaŋmɩn na sɔ ba. A bana jir-ŋma-jaanba maa jɔ vĩ wa; a ba mɩ̃ɛ tɛw ba ma ꞌwuoro. Baa mɩ jɔrɔ a bala na nyɩlɛ a saa juu wa, ɩ̃-cɛ ba ma kpɛrɛ ba na.

2 Pɩɛr Sɛbɛ 2:14

Ba ma ꞌwuoro na a pɔɔbɔ a ꞌwuor-fãa, ɩ̃ maa bɛw a maal-fãa maalfʋ wa. Ba ma bɛlɛ na a bala na bal, ɩ̃ mɩ mɩlɩ̃ nɩ a yele jɩɛlfʋ. Ba be na a Naaŋmɩn pɔfʋ pʋɔ.

2 Pɩɛr Sɛbɛ 2:3

A-na-ɩ a jãjaanba bala, libi-bʋɔrbɔ ba ɩ, ma ƴɔ̃w a nɔ-kãa bɛlɛ nɩ nyɩ. A ba Ƴɛr-guoro gɔrʼã guor a ba ƴɛrɩ̃ korĩ-cɛ jaa, ɩ̃ a ba sãwfʋ cãa na be waara. A ʋlɔ na wɛlɛ ba ma gur wa.

Miilfʋ Sɛbɛ 2:14

Ɩ̃-cɛ ɩ̃ tɛrɛ nɩ fʋ na ƴɛrɩ̃. A-na-ɩ fʋ tɛrɛ na nɩbɛ a be na tɛrɛ a Balam jaanfʋ; a Balam na dãa jaan a Balakɩ ʋ maal a *Ɩsɩrayɛl nɩbɛ a ba lo a fãa pʋɔ na ba ꞌwɔbɔ a tɩbɛ nɩnɛ ɩ̃ mɩ maala a burbur gana nɩ taa.

Miilfʋ Sɛbɛ 2:21

Ɩ̃ kʋ ʋ na daar ʋ na tʋɔ lɩɛb a ʋ maalfʋ, ɩ̃ a ꞌwaa bʋɔrɔ ʋ bar a ʋ burbur wa.

Miilfʋ Sɛbɛ 21:8

Ɩ̃-cɛ a ala ɩ a dãbɩ̃-ŋman, nɩ a bala na ma tɛrɛ a ƴɔ̃w-nyãa wa, a nɩ-kpansɩ, a nɩ-kúrbɔ, a gã-ta-burbur deme, a tɩsɔw nɩbɛ, a tɩbɛ deme, nɩ a jir-ŋmarba ba jaa, a ba jie na be na a vũu bɔw pʋɔ, a jie a kʋsɩ-ꞌlerisɩ na dɩrɛ, na ɩ a gbɛɛ ayi kũu.”

Miilfʋ Sɛbɛ 22:15

Ɩ̃-cɛ a nɩ-kpansɩ, a tɩsɔw nɩbɛ, a gã-ta-burbur deme, a nɩ-kúrbɔ, a tɩbɛ deme, nɩ a bala ba jaa na nʋ a jirsɩ ŋmafʋ mɩ maala nɩ a jiri tʋmɔ, ba na ɩraa na be a yẽw.

Miilfʋ Sɛbɛ 9:21

Baa mɩ sɔw bar a ba nɩ-kúfʋ, nɩ a ba tɩsɔɔlʋ̃ʋ, a ba gã-ta-burbur, mɩɩ a ba jufʋ wa.