Ɛfɛɛsɩ Sɛbɛ 5:2 - A NAAŊMƖN PƲLƖ̃-TA-PAALAA

² Nyɩ́ tɛrɛ nʋfʋ a nyɩ baafʋ pʋɔ, wɔ̃ taa nɩ a *Kirisi na nʋ sɩ ɩ̃ de a ʋ mɩ̃ɛ kʋ sɩ. A-na-ɩ ʋ de na a ʋ mɩ̃ɛ kʋ a Naaŋmɩn, na ʋ lɩɛb ɩ a baar-lo-bom, nyuure vɩlaa kpɛɛrɛ ʋ.

Ɛfɛɛsɩ Sɛbɛ 5:2 Iomraidhean Croise

Matie Sɛbɛ 20:28

A-na-ɩ a *Nɩbɛ Bie ma mɩ wa a ba na tʋnɔ kʋrɔ v wa, ɩ̃-cɛ v wa na na tʋnɔ kʋrɔ a nɩbɛ ɩ̃ naa v tɩɩr a v baafʋ tɛ̃w nɩ a nɩ-yaw baafʋ ɩ̃ faa ba.”

Jã Sɛbɛ 13:34

Yɛr-paalaa ɩ̃ kʋrɔ nyɩ: nyɩ́ nʋnɔ taa. A mɩnɛ ɩ̃ na nʋ nyɩ, a sɛw na a nyɩ na mɩ nʋnɔ taa a lɛ.

Jã Sɛbɛ 6:51

Maa ɩ̃ ɩ a baafʋ dɩb na yi a saꞌlon ɩ̃ suu. A nɩrɛ ɩ̃ dɩ a ʋna dɩb, ʋ na tɛrɛ na a baafʋ daadaa kpoolaa. A dɩb ʋlɔ ɩ̃ nɔɔ kʋrɔ a nɩbɛ ɩ na a ɩ̃ ɩ̃gan. Ɩ̃ kʋrɔ ba na a lɛ a ba na tʋɔ tɛrɛ a baafʋ.”

Orom Sɛbɛ 15:16

a mɩnɛ ʋ na ƴɔ̃w ma ɩ̃ ɩ a *Jeeju-Kirisi tʋ̃tʋnɔ a nɩ-bʋlsɩ jie. A Naaŋmɩn tʋ̃-cɛcɛ ɩ̃ tʋnɔ hiere nɩ a ʋ ƴɛr-son, a mɩnɛ ɩ̃ na tʋɔ diere a nɩ-bʋlsɩ kʋrɔ a Naaŋmɩn a baar-lo-bom kaarɩ̃ na kpɛ ʋ a nyãa, a ʋ Sɩɛ na mɩ ow kpee, a ba ɩ a ʋ ben.

Orom Sɛbɛ 4:25

Ʋ ɩ na a Jeeju ʋlɔ ba na dãa ƴɔ̃w a ba kú a sɩ bɩɛfʋ ɩnɛ a Naaŋmɩn jie, ɩ̃ a Naaŋmɩn lɛ maal ʋ ʋ ir a kũu pʋɔ a sɩ na tor a ʋ nii-sɔw.

Orom Sɛbɛ 8:3

A Naaŋmɩn maalʼã a ala a Mowisi ƴɛr-kpɛn na ma dãa tʋɔrɔ wa, a-na-ɩ a nɩrɛ wãa balʼã. Ʋ tʋ na a ʋ mɩ̃ɛ Bie, ʋ tɛrɛ a ɩ̃gan buur a maal-fãa sʋbɔ kaarɩ̃ a maal-fãa ɩnɛ, ɩ̃ ƴɔ̃w ʋ a kũu pʋɔ sãw nɩ a nɩrɛ maal-fãa fãw bar,

Orom Sɛbɛ 8:37

Ɩ̃ a ala a jaa fɛw pʋɔ, sɩ nyɩrɩ̃ na lɛ tɛrɛ a tʋɔfʋ, a yi a ʋlɔ na nʋ sɩ jie.

1 Kɔrɛ̃tɩ Sɛbɛ 16:14

Nyɩ́ mɩ maala a yele a jaa nɩ nʋfʋ.

1 Kɔrɛ̃tɩ Sɛbɛ 5:7

Nyɩ́ ir a tabɩr kʋraa na ɩ a maal-fãa a nyɩ sɔ̃w bar, a mɩnɛ a nyɩ na tʋɔ ɩ a bur-paalaa na ma tɛrɛ tabɩr wa. A lɛ nyɩ sɩrɩ̃ wɔ̃, a-na-ɩ ba de na a *Kirisi na ɩ a sɩ Pakɩ fɛtɩ baar-lo-pele lo nɩ a baar.

2 Kɔrɛ̃tɩ Sɛbɛ 2:14

Naaŋmɩn sɔ pɛwfʋ, a ʋlɔ na tɔwrɔ sɩ a daar a jaa, a mɩnɛ sɩ na pɔw a tʋɔfʋ a *Kirisi pʋɔ, kpaarɩ̃ taa ŋmeere nɩ a cɛlɩ̃sɩ, cere nɩ. A sɩmɩ a Naaŋmɩn ma de ƴɔ̃w a sɩ na maala a nɩbɛ a ba bɔ̃w a Kirisi yuor a jiir a jaa, wɔ̃ taa nɩ kã-nƴuu na nyuure.

2 Kɔrɛ̃tɩ Sɛbɛ 2:15

Sɩ ɩ na a kã-nyu-vɩlaa ʋlɔ a Kirisi na tɩɩrɛ kʋrɔ a Naaŋmɩn. A lɛ sɩ be a nɩbɛ bala jie na be a faafʋ sɔr pʋɔ, nɩ a bala mɩ jie na be a wɛfʋ sɔr pʋɔ mɩ.

2 Kɔrɛ̃tɩ Sɛbɛ 8:9

Nyɩ bɔ̃w na a sɩ Nɩ-kpɛ̃ɛ *Jeeju-Kirisi wɩɛfʋ. Ʋ dãa na ɩ a naaba, ɩ̃ lɩɛb ɩ a nãw sʋbɔ a nyɩ ɩnɛ, a mɩnɛ a nyɩ na tʋɔ le a ʋ nãw ɩnɛ.

Galatɩ Sɛbɛ 1:4

A *Kirisi ʋlɔ de na a ʋ mɩ̃ɛ ƴɔ̃w a kũu pʋɔ na ʋ faa sɩ a sɩ maal-faar pʋɔ a mɩnɛ ʋ na tʋɔ wɩɛ sɩ a daarʼãa yel-kpansɩ pʋɔ, tu nɩ a sɩ Sãa Naaŋmɩn pʋ-tɩɛrʋ̃.

Galatɩ Sɛbɛ 2:20

a mɩnɛ a kɔ̃ cãa ɩ a maa sɔ a baafʋ ʋlɔ na be a ɩ̃ pʋɔ wa, ɩ̃-cɛ a Kirisi sɔ. A ɩ̃gan buur baafʋ ʋlɔ ɩ̃ na tɛrɛ a ƴɛ̃ƴɛrɩ̃ na, ɩ̃ tɛrɛ ʋ na a Naaŋmɩn Bie ɩ̃ na ƴɔ̃w a nyãa ɩnɛ, a ʋlɔ na nʋ ma ɩ̃ de tɔ a ɩ̃ ɩnɛ kpi.

Ɛfɛɛsɩ Sɛbɛ 1:4

A lɛdaar ʋ na ma dãa maal a tẽw sɛr wa, ʋ vɛl sɩ na ir ƴɔ̃w a Kirisi pʋɔ a mɩnɛ a sɩ na tʋɔ ɩ a cɛcɛ, kɔ̃ tɛrɛ sãwfʋ jie a ʋ nii-sɔw wa. A mɩnɛ ʋ na nʋ sɩ,

Ɛfɛɛsɩ Sɛbɛ 3:17

Ɩ̃ mɩ sʋɔrɔ ʋ na a mɩnɛ a *Kirisi na tʋɔrɔ beree a nyɩ suur pʋɔ a nyɩ ƴɔ̃w-nyãa ɩnɛ, a nyɩ na ba ɩraa cĩcĩ a ʋ nʋfʋ pʋɔ,

Ɛfɛɛsɩ Sɛbɛ 3:19

Ɩ̃ sʋɔrfʋ ɩ na a nyɩ na tʋɔ bɔ̃w a ʋ nʋfʋ ʋlɔ na gãw a bɔ̃wfʋ a jaa, a mɩnɛ nyɩ na tʋɔ sɛw nɩ a Naaŋmɩn ʋlɔ a bom kãw na ma ɓɔr wa.

Ɛfɛɛsɩ Sɛbɛ 4:15

Ɩ̃-cɛ a sɩmɩ, a mɩnɛ sɩ na ƴɛrɛ a yel-mɩ̃ɛ ƴɛrɩ̃ nɩ a nʋfʋ, sɩ na karɩ̃ na a yele a jaa pʋɔ a Kirisi jie na ɩ a juu.

Ɛfɛɛsɩ Sɛbɛ 4:2

Nyɩ́ ɩ nɩbɛ bala na wur a ba mɩ̃ɛ, ɩ nɩ nɩ-hɛlɛlɛ, tɛrɛ nɩ a su-nyɔwraa a daar a jaa, mɩ diere nɩ a bɩɛfʋ jiir bara kʋrɔ taa nɩ nʋfʋ.

Ɛfɛɛsɩ Sɛbɛ 5:15

Ala-ɩ̃-sɔ nyɩ́ bɔ̃w tɛrɛ nyɩ mɩ̃ɛ a nyɩ maalfʋ pʋɔ, kɔ̃ maala wɔ̃ taa nɩ a bala na ma bɔ̃w bom wa, ɩ̃-cɛ nyɩ́ maala nɩ-kpaarsɩ maalfʋ.

Ɛfɛɛsɩ Sɛbɛ 5:25

Sɩrbɛ, nyɩ́ nʋnɔ a nyɩ pɔɔbɔ wɔ̃ taa nɩ a mɩnɛ a Kirisi na mɩ nʋ a duo-puorbo, ɩ̃ de a ʋ mɩ̃ɛ kʋ ba.

Fɩlɩpɩ Sɛbɛ 4:18

Ɩ̃ pɔw na a yele a jaa nyɩ na tɩɩr, lɛ ɩ tɛraa sʋbɔ. A-na-ɩ a mɩnɛ a Epafurodi na wa nɩ a yele ala nyɩ na tɩɩr kʋ ma, a sɛw ma na. A ana yele wɔ̃ na taa nɩ a baar-lo-yele na nyuure vɩlaa kpɛɛrɛ a Naaŋmɩn, ʋ na nyɛ a mɩ vɩɛlɛ ʋ.

Kɔlɔsɩ Sɛbɛ 3:14

A ala a jaa pʋɔ, a kpɛ̃ɛ ɩ na a nyɩ na tɛrɛ a nʋfʋ na maala nyɩ a nyɩ na bɔ̃w lãw taa ɩ bõ-ƴen.

1 Tɛsaloniki Sɛbɛ 4:9

Ɩ̃-cɛ a ƴɛ̃ƴɛrɩ̃, a ala ɩ a nʋ-taa ƴɛrɩ̃ ʋ, aa lɛ sɛw ɩ̃ lɛ sɛb nyɩ sɛbɛ a ala ɩnɛ go wa, a-na-ɩ nyɩmɩ mɩ̃ɛ jaana a Naaŋmɩn jie a nyɩ nʋ-taa ƴɛrɩ̃,

1 Timote Sɛbɛ 2:6

na tɩɩr a ʋ mɩ̃ɛ a kũu pʋɔ naa ʋ da nɩ a nɩbɛ ba jaa ɩ̃ faa ba. A nɔhɔ̃ a *Jeeju miilʼɩ̃ a Naaŋmɩn pʋ-tɩɛrʋ̃ a daar ʋlɔ na sɛw.

1 Timote Sɛbɛ 4:12

Taa ɩ nɩrɛ ʋ kpɛrɛ fʋ a-na-ɩ polbile fʋ ɩ wa, ɩ̃-cɛ fʋ̃ ɩ bõ-tɔɔnaa a popuorbo jie, a fʋ ƴɛrɩ̃sɩ pʋɔ, nɩ a fʋ maalfʋ pʋɔ, nɩ a fʋ nʋfʋ pʋɔ, nɩ a fʋ ƴɔ̃w-nyãa pʋɔ, nɩ a mɩnɛ fʋ na ɩrɛɛ nɩ a cɛcɛ.

Tɩtɩ Sɛbɛ 2:14

Ʋ tɩɩrʼã a ʋ mɩ̃ɛ a sɩ ɩnɛ, na tʋɔ da sɩ faa a yel-faar a jaa pʋɔ, ɩ̃ pɛw sɩ bar a sɩ ɩ a ʋ mɩ̃ɛ tɛw ben, mɩ ɓĩɓine a tʋ̃-vɛlɛ a jaa maalfʋ ɩnɛ.

Eburo Sɛbɛ 8:3

A *baar-lo-nɩ-bɛrɛ ba jaa, a yele tɩɩrfʋ nɩ a baar lofʋ ɩnɛ ba biin ba. Ala-ɩ̃-sɔ a sɩ baar-lo-nɩ-kpɛ̃ɛ mɩ, mɩ sɛw na na tɛrɛ bom ʋ na tɩɩrɛ kʋrɔ a Naaŋmɩn.

Eburo Sɛbɛ 9:14

A ala ɩ a lɛ ʋ, nyɛ a mɩnɛ a Kirisi jɩ̃ɩ na nyɩrɩ̃ ɩ a bõ-son! A Naaŋmɩn Sɩɛ na ma tɛrɛ a baarfʋ daar wa, tɔw ʋ na, ʋ lɩɛb ɩ a baar-lo-bom cɛcɛ a Naaŋmɩn nii-sɔw, a ʋ jɩ̃ɩ na pɛw na a sɩ tɩɛrɩ̃sɩ a sɩ tʋ̃-pɔrsɩ na sãw, a sɩ na tʋɔ puoro a Naaŋmɩn-mimir.

Eburo Sɛbɛ 9:23

A dãa na sɩrɩ̃ sɛw a ba na cɔɔrɩ̃ a saa juu yele ala ba na tɔɔn a nɔhɔ̃, ɩ̃-cɛ, a ala na ɩ a saa juu yele mɩ̃ɛ, a bʋɔrɔ na a baar-lo-yele ala na gãw a dãdãw ben.

Eburo Sɛbɛ 9:26

A ala dãa ɩ a lɛ ʋ, ʋ naa dãa na nyɛ a hʋʋr gbɛɛ yayaw, wa nyɔw nɩ a tẽw maalfʋ daar wa ta nɩ a ƴɛ̃ƴɛrɩ̃. Ɩ̃-cɛ a mɩnɛ a baarfʋ daar na pɩɛlɛ, a Naaŋmɩn miilʼɩ̃ ʋ na a gbɛ-daa a daar a jaa ɩnɛ, ʋ na hɛl a maal-fãa a ʋ mɩ̃ɛ ʋ na lo nɩ a baar ɩnɛ.

1 Pɩɛr Sɛbɛ 4:8

A ala na ɩ a kpɛ̃ɛ ɩ na, nyɩ́ nyɩrɛ nʋnɔ taa bõ-ƴene-ƴene, a-na-ɩ a nʋfʋ ma piw na a maal-fãa yaw tɛɛlɛ.

1 Jã Sɛbɛ 3:16

A mɩnɛ sɩ na ɩrɛ ɩ̃ wa bɔ̃wnɔ a nʋfʋ ɩ na, áa *Jeeju-Kirisi tɩɩrʼã a ʋ baafʋ a sɩ ɩnɛ. Ɩ̃ a sɩmɩ mɩ sɛw na na tɩɩr a sɩ baafʋ a sɩ yɛɛr ɩnɛ.

1 Jã Sɛbɛ 3:23

Nyɩ́ nyɛ a ala ʋ na kpãkpan sɩ, á sɩ ƴɔ̃w a ʋ Bie *Jeeju-Kirisi a nyãa, tɩɛrɛ nɩ a ʋ yuor, ɩ̃ mɩ nʋnɔ taa tuure nɩ a ƴɛr-kpɛ̃w ʋlɔ a *Kirisi na dãa kʋ sɩ.

Miilfʋ Sɛbɛ 1:5

nɩ a *Jeeju-Kirisi jie. A *Kirisi ʋlɔ ɩ na a yel-mɩ̃ɛ ƴɛr-man-dẽdẽ, nɩ a dãdãw sʋbɔ na ir a kũu pʋɔ, nɩ a tẽw jamansɩ Nɩ-kpɛ̃ɛ. Ʋ nʋ sɩ na ɩ̃ ir sɩ yi nɩ a sɩ maal-faar pʋɔ, a ʋ kũu ɩnɛ,

Miilfʋ Sɛbɛ 5:9

Ba dãa na cɩɛrɛ yel-paalaa na yel: “Fʋ̃ʋ sɛw na de a sɛbɛ ɩ̃ kar a jɩbsɩ ala bar, a-na-ɩ ba dãa na kú fʋ, ɩ̃ a fʋ jɩ̃ɩ fʋ da nɩ a nɩbɛ na yi a bal a jaa pʋɔ, nɩ a ƴɛr-bʋrɔ a jaa, nɩ a nɩ-bʋrɔ ba jaa, nɩ a ten a jaa kʋ a Naaŋmɩn.