Ɛfɛɛsɩ Sɛbɛ 4:31 - A NAAŊMƖN PƲLƖ̃-TA-PAALAA

³¹ Nyɩ́ bar a nɩrɛ pʋ̃ɔ ƴɔ̃wfʋ, nɩ a su-damfʋ, nɩ a suur nyɛfʋ a jaa. Nyɩ́ mɩ bar a gɔ̃-pɔɔr, a kpɛfʋ, nɩ a pʋ-to-tʋmɔ a jaa, a bɔr a nyɩ sɔ̃w.

Ɛfɛɛsɩ Sɛbɛ 4:31 Iomraidhean Croise

Nɩ-tʋnɩsɩ tʋmɔ Sɛbɛ 21:30

A gɔ̃-pɔɔr pɔw na a tẽw ʋ jaa, a nɩbɛ yi a tẽw pʋɔ a jiir a jaa ɩ̃ jɔrɔ wɩɛrɛ. Ba nyɔw na a Pol taw yi nɩ a Naaŋmɩn puor-yir kpɛ̃ɛ cɛ̃cɛ̃w ɩ̃ pɔw a pana a jie naan.

Orom Sɛbɛ 3:14

A pɔfʋ nɩ a ƴɛr-tor ɩ̃ ma yire a ba nʋɔr pʋɔ.

1 Kɔrɛ̃tɩ Sɛbɛ 14:20

Yɛɛr, nyɩ taa wɔ̃ taa nɩ bibiir a yɛ̃ pʋɔ wa, ɩ̃-cɛ a ala ɩ̃ ɩ a bier maalfʋ ʋ, nyɩ́ ɩ bi-pɩɩlsɩ, ɩ̃ bɩ a yɛ̃ pʋɔ.

1 Kɔrɛ̃tɩ Sɛbɛ 5:8

Ala-ɩ̃-sɔ, a sɩ *Pakɩ fɛtɩ ʋlɔ a Kirisi na cɔɔrɩ̃ kʋ sɩ, sɩ taa dɩrɛ nɩ ʋ a buru ʋlɔ na tɛrɛ a tabɩr kʋraa na ɩ a bier nɩ a fãa maalfʋ wa. Ɩ̃-cɛ nyɩ́ ɩ a sɩ ɛ̃ɛ dɩrɛ nɩ ʋ a bur-pʋɔr na miile a sɩ cɛcɛ ɩfʋ nɩ a sɩ yel-mɩ̃ɛ tɛrɛfʋ.

2 Kɔrɛ̃tɩ Sɛbɛ 12:20

Ɩ̃ jɔrɔ na dãbɩ̃ɛ a mɩnɛ ɩ̃ nɔɔ wɩɛrɛ a be a nyɩ jie, a nyɩ kɔ̃ wa wɔ̃ a mɩnɛ ɩ̃ na ma bʋɔrɔ wa, mɩɩ ɩ̃ wɔ̃ a mɩnɛ nyɩ na ma bʋɔrɔ wa. Ɩ̃ jɔrɔ na dãbɩ̃ɛ a mɩnɛ ɩ̃ kɔ̃ wa nyɛ a jɛb, a nyuur, a suur nyɛfʋ, a yo-bɔb tʋmɔ, a korfʋ, a cilĩ-taa, a nyɩ mɩ̃ɛ vʋ̃fʋ, nɩ a nyanyaafʋ a be a nyɩ sɔ̃w wa.

Galatɩ Sɛbɛ 5:20

A mɩ ɩ na a tɩbɛ-lofʋ, a tɩsɔɔlʋ̃ʋ, a ꞌlaar-taa, a faa-taa, a nyuur, a suur nyɛfʋ nɩ a yo-bɔb tʋmɔ. A mɩ lɛ ɩ na a kpee kpee ŋmafʋ, a jir-ƴɛrɩ̃sɩ,

Ɛfɛɛsɩ Sɛbɛ 4:22

Ala-ɩ̃-sɔ, a sɛw na a nyɩ korĩ-cɛ maal-bie a bɔr, a ana korĩ-cɛ maalfʋ na dãa tɛrɛ a jɩɛlfʋ bɛlɛ nɩ nyɩ cere nɩ a wɛfʋ jie.

Ɛfɛɛsɩ Sɛbɛ 4:25

Ala-ɩ̃-sɔ nyɩ́ ɩ a jirsɩ a bɔr. Nyɩ jaa bõ-ƴene-ƴene nyɩ́ yele taa a yel-mɩ̃ɛ, a-na-ɩ sɩ jaa ɩ na ɩ̃gan bõ-ƴen ɓãbie.

Ɛfɛɛsɩ Sɛbɛ 4:26

A ala ɩ nyɩ wa nyɛ na suur, nyɩ́ tɛrɛ nyɩ mɩ̃ɛ kɔ̃ wa maal fãa wa. Nyɩ taa ɩ a mɔtɔ̃w ʋ wa mʋr pɔw a nyɩ suur wa,

Kɔlɔsɩ Sɛbɛ 3:19

Sɩrbɛ, nyɩ́ nʋnɔ a nyɩ pɔɔbɔ. Nyɩ taa maala ba bier wa.

Kɔlɔsɩ Sɛbɛ 3:8

Ɩ̃-cɛ a ƴɛ̃ƴɛrɩ̃ na, nyɩ́ bar a yele ala a jaa na wɔ̃ taa nɩ a suur, a nʋɔr vʋ̃fʋ, nɩ a bɩcɩɩr. Nyɩ taa wa ɩrɛ a korfʋ nɩ a ƴɛr-kpansɩ a lɔɔ yire a nyɩ nʋɔr pʋɔ wa.

1 Timote Sɛbɛ 3:11

A ala ɩ a pɔɔbɔ ʋ mɩ, a sɛw na a ba mɩ ɩ nɩ-hɛlɛlɛ, kɔ̃ ɩ nɩ-korbo wa. Bá tɛrɛ a yɛ̃, ɩ nɩ nɩ-dẽdẽsɩ a yele a jaa pʋɔ.

1 Timote Sɛbɛ 3:3

Ʋ taa ꞌlaar a dãa wa, ʋ taa mɩ ɩ suur sʋbɔ wa, ɩ̃ ú ɩ su-ɓaar sʋbɔ. Ʋ taa ɩ cɩcɩɩrɛ wa, mɩɩ nyɩrɩ̃ ꞌlaar a libie wa.

1 Timote Sɛbɛ 5:13

Ba ma mɩ lɩɛbʼã ɩ tõtol deme, yʋɔrɔ nɩ a yie. Ɩ̃ aa ɩ a tõtol tɛw ʋ wa. Ba ma mɩ ƴɛrɛ na folõ-folõ yʋɔrɔ nɩ, kpɛɛrɛ nɩ a yele ala pʋɔ na ma mɩ ba ba wa, mɩ ƴɛrɛ nɩ a ala na ma vɩɛlɛ wa.

2 Timote Sɛbɛ 2:23

Taw yi a dãbol ƴɛrɩ̃sɩ ba na mana taa a pɔrɔ, a-na-ɩ fʋ bɔ̃w ka a maa yaarɩ̃ wa nɩ gɔ̃-bɔfʋ wa.

2 Timote Sɛbɛ 3:3

Ba mɩ kpɛ na a bɩcɩɩr, ɩ nɩ a nɩ-bebe nɩ a cicilbe, maala nɩ a burbur, ɩ nɩ a gbor-gbor deme, mɩ ꞌlaarʼɩ̃ a son maalfʋ.

Tɩtɩ Sɛbɛ 1:7

A-na-ɩ a ni-diere ɩ̃ ɩ a Naaŋmɩn yir-ꞌwuoro. Aa sɛw ʋ tɛrɛ mabfʋ jie wa. Ʋ taa ɩ nɩrɛ na ꞌwuoro a ʋ mɩ̃ɛ tɛw, mɩɩ na ɩ a suur sʋbɔ wa. Ʋ taa mɩ ꞌlaar a dãa nɩ a jɛb jɛbfʋ wa, mɩɩ bɛlɛ a nɩbɛ bʋɔrɔ nɩ a libi-yaw wa.

Tɩtɩ Sɛbɛ 2:3

A lɛ ʋ mɩ, a pɔɔbɔ bala na kor, a ba cenfʋ á sɛw taa nɩ a bala na be a puorfʋ pʋɔ. A ba taa ɩ nɩ-korbo, mɩɩ a dãa gbãgbaar wa, ɩ̃-cɛ bá ɛ̃ɛ ɩ a ƴɛr-son-manba,

Jakɩ Sɛbɛ 1:19

Ɩ̃ yɛ-nʋnɩsɩ, nyɩ́ bɔ̃w nɩ a asɩmɛ: a nɩrɛ lɛ sɛw na ʋ ma kpãkpana a ƴɛrɩ̃ cɛlfʋ. Ɩ̃-cɛ a ala ɩ a ƴɛrɩ̃ ƴɛrfʋ ʋ, ʋ taa ma pɔɔrɔ wa, ʋ taa ma mɩ nyɛrɛ suur pʋrpʋr wa.

Jakɩ Sɛbɛ 3:14

A ala ɩ a nyɩ sube pʋʋr a nyuur kʋrɔ nyɩ na faara, ɩ̃ a nyɩ ma faara taa bʋɔrɔ nɩ a ju-kpɛ̃ɛ, nyɩ taa bʋɔrɔ a yuor sãwna nɩ a yel-mɩ̃ɛ bara wa.

Jakɩ Sɛbɛ 4:11

Ɩ̃ yɛɛr, nyɩ taa sãwna taa yoe wa. A nɩrɛ ɩ̃ sãwna a ʋ yɛbɛ kãw yuor, mɩɩ jɛ guoro a ʋ ƴɛrɩ̃, a Naaŋmɩn ƴɛr-kpɛn ʋ guoro a lɛ, ƴɛrɛ nɩ a bier ƴɔnɔ ʋ. Ɩ̃-cɛ a ala ɩ fʋ guoro na a ala a ƴɛr-kpɛn na yele, a miilʼã a faa ɩ a ʋlɔ na jɔrɔ a ƴɛr-kpɛn wa, ɩ̃ fʋ ɩ na a ƴɛr-kpɛn-guoro.

1 Pɩɛr Sɛbɛ 2:1

Ala-ɩ̃-sɔ nyɩ́ jaar a maal-bebe bʋrɔ bʋrɔ a jaa bar, lãa nɩ a bɛlɩ̃fʋ, a poe ayi tɛrɛfʋ, a nyuur, nɩ a cilũ.

1 Jã Sɛbɛ 3:12

ɩ̃ a sɩ kɔ̃ wɔ̃ taa nɩ a Kayɩ̃ na dãa ɩ a Fãa Sʋbɔ ben ɩ̃ kú a ʋ yɛbɛ wa. Ɩ̃ bõ ɩnɛ ʋ kú ʋ? Ʋ kú ʋ na a-na-ɩ a ʋ maalfʋ dãa na ɩ a fãa, ɩ̃ a ʋ yɛbɛ ben dãa tor.

1 Jã Sɛbɛ 3:15

A nɩrɛ lɛ na ꞌlaara a ʋ yɛbɛ ɩ na nɩ-kʋrɔ. Ɩ̃ nyɩ bɔ̃w ka nɩ-kʋrɔ lɛ ma tɛrɛ a baa-kɔ̃-tɛw wa.

Miilfʋ Sɛbɛ 12:10

Ɩ̃ lɛ wõ na kɔkɩr kpɛ̃w a saꞌlon na yel: “A ƴɛ̃ƴɛrɩ̃ na, a faafʋ daar pãa na ta. A sɩ Naaŋmɩn miil sɩ na a ʋ kpɛ̃w nɩ a mɩnɛ ʋ na ɩ a Jamana, nɩ a mɩnɛ a ʋ *Kirisi na tɛrɛ a tʋɔfʋ mɩ, a-na-ɩ ʋ lɔbʼã a sɩ yɛɛr cicile bar a tene, a ʋlɔ na ma dãa ɩraa a Naaŋmɩn nii-sɔw a mɔtɔ̃w nɩ a tɩsɔw cile ba.