Ɛfɛɛsɩ Sɛbɛ 2:3 - A NAAŊMƖN PƲLƖ̃-TA-PAALAA

³ A lɛ a sɩ jaa mɩ dãa be, mɩ maala a ala a sɩ ɩ̃gan buur na bʋɔrɔ, a ba kaarɩ̃. Sɩ dãa na de a sɩ mɩ̃ɛ ƴɔ̃w a ala a sɩ ɩ̃gan buur nɩ a sɩ pʋ-tɩɛrʋ̃ na bʋɔrɔ. Ɩ̃ a mɩnɛ sɩ na dãa wɔ̃ a lɛ, su-tuo ɩ̃ dãa gu sɩ a mɩnɛ ʋ na gu a nɩbɛ bala na mɩ wɔ̃ a lɛ.

Ɛfɛɛsɩ Sɛbɛ 2:3 Iomraidhean Croise

Markɩ Sɛbɛ 4:19

Ba ma wõ na a ƴɛrɩ̃, ɩ̃ a tẽw naa yele dɛn nɩ a naalʋ̃ʋ bɔfʋ nɩ a yel-kpee vɩláa kpɛ pɔw ba, piw a ƴɛrɩ̃ a aa wɔnɔ wa.

Jã Sɛbɛ 1:13

A dɔwfʋ ʋlɔ ma ɩ a tẽw na dɔwfʋ wa; aa mɩ yi nɩrɛ pʋ-tɩɛrʋ̃ pʋɔ, mɩɩ daba tɩɛrʋ̃ pʋɔ wa, ɩ̃-cɛ a Naaŋmɩn ɩ̃ ɩ a ba Sãa.

Jã Sɛbɛ 8:44

A nyɩ sãa ɩ na a Satã, ɩ̃ nyɩ mɩ bʋɔrɔ na nyɩ maal a nyɩ sãa pʋ-tɩɛrʋ̃. Wa nyɔw nɩ a korĩ-cɛ jaa, nɩ-kúrɔ ʋ ɩ, ɩ̃ ꞌwaa ɩraa a yel-mɩ̃ɛ pʋɔ wa, a-na-ɩ yel-mɩ̃ɛ ma be a ʋ jie wa. A ʋlɔ ɩ̃ wa ŋmaara a jiri, a ʋ wãa ɩ̃ be a lɛ, a-na-ɩ jir-ŋmara ʋ ɩ, ɩ̃ mɩ ɩ a jiri sãa.

Nɩ-tʋnɩsɩ tʋmɔ Sɛbɛ 14:16

A korĩ-cɛ ʋ dãa na bar a nɩbɛ ba jaa a ba tuure a ba mɩ̃ɛ sɔɛ,

Orom Sɛbɛ 1:24

Ala-ɩ̃-sɔ a Naaŋmɩn de ba bar a ba sube yel-kpansɩ bɔfʋ pʋɔ, a ba sãwna a ba ĩgana maala nɩ a vĩ yele a ba sɔ̃w.

Orom Sɛbɛ 11:30

A korĩ-cɛ, nyɩ dãa na wõw a toor a Naaŋmɩn jie, ɩ̃-cɛ a ƴɛ̃ƴɛrɩ̃ a Naaŋmɩn nã-bɔ̃wfʋ ta nyɩ na a Jufisɩ to-wõwfʋ ɩnɛ.

Orom Sɛbɛ 13:14

Nyɩ́ bar a Nɩ-kpɛ̃ɛ *Jeeju-Kirisi baa-paalaa ʋ pɔw nyɩ. Nyɩ taa bar a nyɩ mɩ̃ɛ ʋ tɛrɛ a ɩ̃gan buur tɩɛrʋ̃, maala nɩ a ala ʋ na bʋɔrɔ wa.

Orom Sɛbɛ 2:14

A-na-ɩ a lɛdaar a nɩ-bʋrɔ bʋrɔ na ma saarɩ̃ bɔ̃w a Mowisi ƴɛr-kpɛn wa, ɩ̃ a ba maalfʋ wãa tuure a ana ƴɛr-kpɛn, ba miile na á ba tɛrɛ na a ƴɛr-kpɛn a ba pʋɔ.

Orom Sɛbɛ 5:10

Naaŋmɩn sama-deme sɩ dãa ɩ. Ɩ̃ a ʋ bie kũu ɓaalɩ̃ sɩ, wa yele nɩ a mɩnɛ ʋ na ɓaalɩ̃ sɩ baar, a Naaŋmɩn kɔ̃ lɛ tʋɔ faa sɩ a ʋ bie baafʋ pʋɔ wa?

Orom Sɛbɛ 5:9

Ɩ̃ a mɩnɛ ʋ na lɩɛb sɩ a sɩ tor taa nɩ a Naaŋmɩn a ʋ jɩ̃ɩ ɩnɛ a lɛ, a lɛ sɩ mɩ sɩrɩ̃ bɔ̃w ka ʋ nɔɔ mɩ faa sɩ na a Naaŋmɩn su-tuo pʋɔ.

Orom Sɛbɛ 6:12

Ala-ɩ̃-sɔ, nyɩ taa ɩ a maal-fãa ʋ lɛ tɛrɛ a tʋɔfʋ a nyɩ ɩ̃gan pʋɔ a nyɩ na sɔw maala a ala a nyɩ ɩ̃gan buur na bʋɔrɔ wa.

Orom Sɛbɛ 7:18

A-na-ɩ ɩ̃ bɔ̃w ka a bõ-son ma be a ɩ̃ pʋɔ wa; ɩ̃ bʋɔrɔ na ɩ̃ yel a lɛ, a ɩ̃ mɩ̃ɛ wãa pʋɔ. A ala saarɩ̃ ɩ ɩ̃ bʋɔrɔ na a son maalfʋ, ɩ̃-cɛ a fãgã ma be be wa.

Orom Sɛbɛ 9:22

Aa ɩ lɛ a Naaŋmɩn mɩ dãa maal a nɩbɛ wa? Ʋ dãa na bʋɔrɔ a nɩbɛ ba bɔ̃w a ʋ su-tuo a ba maal-fãa ɩnɛ, ɩ̃ mɩ nyɛ a ʋ fãgã, ɩ̃-cɛ ʋ dãa na cãa tɛrɛ a su-nyɔwraa a ba jie, a bala a ʋ su-tuo na dãa sɛw na wɛl bar.

1 Kɔrɛ̃tɩ Sɛbɛ 4:7

Ala ɩ̃ ƴɔ̃w fʋ a kpɛ̃ɛ ɩfʋ? Bõ fʋ tɛrɛ ɩ̃ ma ɩ ba kʋ fʋ na wa? Ɩ̃ ala ɩ ba kʋ fʋ na, bõ ɩ a fʋ vʋnɔ a fʋ mɩ̃ɛ wɔ̃ taa nɩ fʋ mɩ̃ɛ bom ʋ?

2 Kɔrɛ̃tɩ Sɛbɛ 7:1

Ɩ̃ yɛɛr nʋnɩsɩ, a-na-ɩ sɩ tɛrɛ na a ana pʋlɩ̃fʋ ƴɛrɩ̃sɩ a nɔhɔ̃, nyɩ́ ɩ a sɩ pɔl a yele ala bar, na sɔbɔ a sɩ ɩ̃gan nɩ a sɩ sɩɛ, dɩ nɩ a tuo ɩ̃ ɩ cɛcɛ, jɔrɔ nɩ a Naaŋmɩn.

Galatɩ Sɛbɛ 3:22

Ɩ̃-cɛ a Naaŋmɩn Sɛbɛ miilʼã áa maal-fãa kpalʼã a nɩbɛ ba jaa a kasu pʋɔ a mɩnɛ a bala na sɔw de a *Jeeju-Kirisi na tʋɔ pɔw a bom ʋlɔ a Naaŋmɩn na pʋlɩ̃ nɩ a ƴɔ̃w-nyãa deme.

Ɛfɛɛsɩ Sɛbɛ 2:2

A ala pʋɔ nyɩ dãa be, maala a tẽw na nɩbɛ kaarɩ̃, jɔrɔ nɩ a nɩ-kpɛ̃ɛ ʋlɔ na be a sɛsɛb pʋɔ, a sɩɛ ʋlɔ na tɔwrɔ a nɩbɛ bala na wõw a toor a Naaŋmɩn jie.

Ɛfɛɛsɩ Sɛbɛ 4:22

Ala-ɩ̃-sɔ, a sɛw na a nyɩ korĩ-cɛ maal-bie a bɔr, a ana korĩ-cɛ maalfʋ na dãa tɛrɛ a jɩɛlfʋ bɛlɛ nɩ nyɩ cere nɩ a wɛfʋ jie.

Kɔlɔsɩ Sɛbɛ 1:21

A nyɩmɩ mɩ, nyɩ mɩ dãa na ŋma taa nɩ a Naaŋmɩn na nyɩ ɩ a ʋ sama-deme a nyɩ maal-bebe nyɩ na maala ɩnɛ, sɔnɔ nɩ ʋ.

1 Tɛsaloniki Sɛbɛ 4:13

Yɛɛr, saa bʋɔrɔ nyɩ tɛrɛ baalɩ̃fʋ a bala na kpi ɩnɛ wa, a mɩnɛ a kɔ̃ wa nyɩrɩ̃ dama nyɩ wɔ̃ taa nɩ a bala na ma bɔ̃w a ala nɔɔ tara a nɩdaar wa.

1 Tɛsaloniki Sɛbɛ 5:6

Ala-ɩ̃-sɔ sɩ taa wɔ̃ a nɩŋmɛɛ kaarɩ̃ na gure wa, ɩ̃-cɛ sɩ́ cɛl tɔ jʋʋrɔ ɩ̃ mɩ bɔ̃w tɛrɛ a sɩ mɩ̃ɛ.

1 Timote Sɛbɛ 6:9

A bala na bʋɔrɔ a lefʋ, ba ma lo na a bɩɩrfʋ pʋɔ kpɛ a cakpo pʋɔ, a-na-ɩ a yel-yaw vɩláa na nyɔw ba na, a yele na ɩ a dãbol yele nɔɔ ƴɔnɔ ba a fãa pʋɔ. A yele ala ma gãw na a nɩbɛ, taw ba kpɛ nɩ a sãwfʋ nɩ a wɛfʋ pʋɔ.

Tɩtɩ Sɛbɛ 3:3

A-na-ɩ a korĩ-cɛ, a sɩmɩ mɩ, sɩ mɩ dãa na ɩ a gẽgemsɩ nɩ a to-wownbo na dãa bɔr. Sɩ dãa na ɩ a yel-kãkan nɩ a yele ala na kʋrɔ sɩ a vɩláa gbãgbaar. Fãa pʋɔ sɩ dãa be, tɛrɛ nɩ a nyuur, a ba ꞌlaar sɩ, ɩ̃ a sɩ mɩ lɩɛb ꞌlaar taa.

1 Pɩɛr Sɛbɛ 1:14

Nyɩ́ wono a Naaŋmɩn toor, ɩ̃ nyɩ taa cãa maala a korĩ-cɛ maal-bie ala nyɩ na dãa maala tuure nɩ a nyɩ ɩ̃gan buur yele bɔfʋ, a mɩnɛ nyɩ na ma dãa bɔ̃w a Naaŋmɩn sɛr wa.

2 Pɩɛr Sɛbɛ 2:14

Ba ma ꞌwuoro na a pɔɔbɔ a ꞌwuor-fãa, ɩ̃ maa bɛw a maal-fãa maalfʋ wa. Ba ma bɛlɛ na a bala na bal, ɩ̃ mɩ mɩlɩ̃ nɩ a yele jɩɛlfʋ. Ba be na a Naaŋmɩn pɔfʋ pʋɔ.

2 Pɩɛr Sɛbɛ 2:18

Yo-bɔb ƴɛr-pɔrsɩ ba ma ƴɛrɛ bɛlɛ nɩ a nɩbɛ. A ɩ̃gan buur tɩɛrɩ̃sɩ nɩ a burbur maalfʋ ba ma de bɛlɛ nɩ a bala na cãa faara a ba mɩ̃ɛ a bala na bɔrɔ sɔ̃w.

1 Jã Sɛbɛ 2:16

A-na-ɩ a ala a jaa na be ka a tẽw pʋɔ, wɔ̃ taa nɩ a ɩ̃gan buur yele bɔfʋ, mɩɩ a ala sɩ na ma nyɛ ɩ̃ jɩɛlɛ, mɩɩ a yel-yaw tɛrɛfʋ yo-bɔb, ma yi a Sãa jie wa, ɩ̃-cɛ a tẽw pʋɔ a yi,

1 Jã Sɛbɛ 2:8

Ɩ̃-cɛ a cãa na ɩ a ƴɛr-kpɛ̃w paalaa ɩ̃ sɛbɛ nyɩ, ɩ̃ a ʋ yel-mɩ̃ɛ miile na a *Kirisi jie, nɩ a nyɩ jie mɩ, a-na-ɩ a libe tɔlɔ na ɩ̃ a yel-mɩ̃ɛ cãa gɔr caara.