Ɛfɛɛsɩ Sɛbɛ 2:12 - A NAAŊMƖN PƲLƖ̃-TA-PAALAA

¹² A ʋna daarʼãa nyaa dãa bɔ̃w *Kirisi wa. Sáanba nyɩ dãa ɩ, ma be tɔ a *Ɩsɩrayɛl nɩbɛ pʋɔ wa. Nyaa mɩ dãa be tɔ a pʋlɩ̃-tar ala pʋɔ a Naaŋmɩn na pʋlɩ̃ nɩ a ʋ nɩbɛ wa. Nyaa mɩ dãa tɛrɛ tɩɛrɩ̃-son, ɩ̃ ma mɩ dãa tɛrɛ Naaŋmɩn ka a tẽw pʋɔ wa.

Ɛfɛɛsɩ Sɛbɛ 2:12 Iomraidhean Croise

Luki Sɛbɛ 1:72

Lɛ ʋ ma miilʼɩ̃ a ʋ nã-bɔ̃wfʋ a sɩ sãa-kʋnbɔ jie, ɩ̃ ma mɩ tɩɛr bɔ̃w nɩ a ʋ pʋlɩ̃-son,

Jã Sɛbɛ 10:16

Ɩ̃ mɩ tɛrɛ na piir ŋmɛɛ na ma be a jaw na pʋɔ wa. A sɛw na ɩ̃ na kpa ba wa nɩ; ba na cɛlɛ na a ɩ̃ kɔkɩr ɩ̃ a ba jaa nɔɔ ɩ na a dʋ̃-bõ-ƴen ɩ̃ mɩ tɛrɛ a dɔ-cɩɩn-bõ-ƴen.

Jã Sɛbɛ 15:5

“Maa ɩ̃ ɩ a dɩvɛ̃ tɩɛ, ɩ̃ nyɩmɩ ɩ̃ ɩ a wulbie. A ʋlɔ na mar ɩraa a ɩ̃ pʋɔ, ɩ̃ mɩ mar ɩraa a ʋ pʋɔ, ʋ ma wɔ̃ na wɔmɔ yaw, a-na-ɩ a maa ma be nɩ nyɩ wa, nyaa tʋɔrɔ bom maala wa.

Jã Sɛbɛ 4:22

A nyɩmɩ Samari deme, nyɩ puoro na a ala nyɩ na ma bɔ̃w wa, ɩ̃ a sɩmɩ Jufisɩ, sɩ bɔ̃w na a ala sɩ na puoro, a-na-ɩ a Fafaara yi na a Jufisɩ jie.

Nɩ-tʋnɩsɩ tʋmɔ Sɛbɛ 2:39

A-na-ɩ a nyɩmɩ nɩ a nyɩ bibiir a Naaŋmɩn pʋlɩ̃ nɩ, nɩ a bala ba jaa na be a nɩdaa mɩ, a bala ba jaa a sɩ Nɩ-kpɛ̃ɛ Naaŋmɩn nɔɔ bʋɔlɔ.”

Nɩ-tʋnɩsɩ tʋmɔ Sɛbɛ 28:20

A ala ɩnɛ ɩ̃ bʋɔrɔ ɩ̃ nyɛ nyɩ, na ɩ̃ ƴɛrʼɩ̃ nyu A-na-ɩ ba lũ nɩ ma na a bɔ̃jɔrɩ̃sɩ asɩmɛ a ʋlɔ ɩnɛ a *Ɩsɩrayɛl nɩbɛ na gure a ʋ waa.”

Nɩ-tʋnɩsɩ tʋmɔ Sɛbɛ 3:25

A pʋlɩ̃fʋ ʋlɔ a Naaŋmɩn na de a ƴɛr-hierbe pʋlɩ̃ nɩ ɩ na a nyɩ ben, ɩ̃ nyɩ mɩ be na tɔ a *pʋlɩ̃-taa ʋlɔ pʋɔ a Naaŋmɩn na pʋlɩ̃ nɩ a sɩ sãa-kʋnbɔ, a mɩnɛ ʋ na yel a Abʋraham: ‘Ɩ̃ na sũo na a tẽw bal-bʋrɔ bʋrɔ nɩbɛ ba jaa a fʋ bal nɩbɛ ɩnɛ.’

Orom Sɛbɛ 9:8

A lɛ yelʼã, aa ɩ a bala ba na dɔw a ɩ̃gan buur dɔwfʋ ɩ̃ ɩ a Naaŋmɩn bibiir wa. A bala tɛw ba na dɔw tu nɩ a Naaŋmɩn pʋlɩ̃fʋ ba de a ba ɩ a Abʋraham bal nɩbɛ.

Galatɩ Sɛbɛ 4:8

A korĩ-cɛ, nyaa dãa bɔ̃w a Naaŋmɩn wa, ɩ̃ dãa ɩ a gbãgbaar, tʋnɔ kʋrɔ a yele ala na ma sɩrɩ̃ ɩ a Naaŋmɩn wa.

Ɛfɛɛsɩ Sɛbɛ 2:19

Ala-ɩ̃-sɔ nyaa lɛ cãa ɩ sáanba mɩɩ tẽ-kpee nɩbɛ wa, ɩ̃-cɛ nyɩ be na tɔ a Naaŋmɩn nɩbɛ pʋɔ, ɩ a ʋ yir deme.

Ɛfɛɛsɩ Sɛbɛ 4:18

A ba tɩɛrɩ̃sɩ be na a libe pʋɔ. Baa pɔw a Naaŋmɩn baafʋ fɩ̃ɩ wa. A ba sube nyɩrɩ̃ na kpɛmɛ a baa bɔ̃w bom wa.

Kɔlɔsɩ Sɛbɛ 1:21

A nyɩmɩ mɩ, nyɩ mɩ dãa na ŋma taa nɩ a Naaŋmɩn na nyɩ ɩ a ʋ sama-deme a nyɩ maal-bebe nyɩ na maala ɩnɛ, sɔnɔ nɩ ʋ.

Kɔlɔsɩ Sɛbɛ 1:27

A-na-ɩ a Naaŋmɩn bʋɔrɔ na ʋ maal ba a ba bɔ̃w a mɩnɛ a ʋna bõ-sɔɔlaa na nyɩrɩ̃ vɩɛlɛ gãw a yele a jaa a nɩ-bʋlsɩ jie. A ƴɛrɩ̃ ʋlɔ ɩ na, a Kirisi na be a nyɩ pʋ̃ɔ, maal nyɩ a nyɩ tɛrɛ a tɩɛrɩ̃-son cɛlɛ nɩ a Naaŋmɩn yo-yifʋ yele.

Kɔlɔsɩ Sɛbɛ 1:5

A ala yi na a nyɩ tɩɛrɩ̃-son nyɩ na tɛrɛ a yele ala ɩnɛ a Naaŋmɩn na gbɛɛrɩ̃ bin nyɩ a saa juu, nyɩ na dãa de nĩe wõ a lɛdaar a Jeeju-Kirisi ƴɛr-son, na ɩ a yel-mɩ̃ɛ ƴɛrɩ̃, na ta a nyɩ sɛ̃.

1 Tɛsaloniki Sɛbɛ 4:13

Yɛɛr, saa bʋɔrɔ nyɩ tɛrɛ baalɩ̃fʋ a bala na kpi ɩnɛ wa, a mɩnɛ a kɔ̃ wa nyɩrɩ̃ dama nyɩ wɔ̃ taa nɩ a bala na ma bɔ̃w a ala nɔɔ tara a nɩdaar wa.

1 Tɛsaloniki Sɛbɛ 4:5

ꞌWaa bʋɔrɔ nyɩ de a nyɩ mɩ̃ɛ lɔb bar a pebfʋ pʋɔ wa, wɔ̃ taa nɩ a nɩ-kpeesɩ na ma bɔ̃w a Naaŋmɩn wa.

2 Tɛsaloniki Sɛbɛ 2:16

Ɩ̃ sʋɔrɔ na a sɩ Nɩ-kpɛ̃ɛ Jeeju-Kirisi mɩ̃ɛ, nɩ a sɩ Sãa Naaŋmɩn á ú kʋ nyɩ a ꞌlafʋ a nyɩ sube pʋʋr mɩ sũo nyɩ a nyɩ tɛrɛ a fãgã a tʋ̃-sono nɩ a ƴɛr-sono a jaa pʋɔ. A-na-ɩ ʋ nʋ sɩ na ɩ̃ kʋ sɩ a ꞌlafʋ a daar a jaa, a sɩ na mɩ tɛrɛ nɩ ʋ a tɩɛrʋ̃ son, a yi a ʋ su-pɩlaa jie.

1 Timote Sɛbɛ 1:1

A maa Pol ɩ̃ tɩɩrɛ a sɛbɛ na kʋrɔ a Timote na ɩ a ɩ̃ bi-tɔr a ƴɔ̃w-nyãa pʋɔ, a maa na ɩ a *Jeeju-Kirisi *nɩ-tʋnaa a sɩ Fafaara Naaŋmɩn, nɩ a Jeeju-Kirisi ʋlɔ juu sɩ na dɔɔl a sɩ tɩɛrɩ̃sɩ na tʋ̃. A sũofʋ nɩ a nã-bɔ̃wfʋ nɩ a pɩɛnfʋ na yi a sɩ Sãa Naaŋmɩn nɩ a sɩ Nɩ-kpɛ̃ɛ Jeeju-Kirisi sɛ̃, á be a fʋ jie.

Eburo Sɛbɛ 11:34

Ba mɩ kpiinʼã a vũu-bɛrɛ bar, ɩ̃ mɩ cɩ̃ɛ a bãjɩnsɩ ba naa dãa kú nɩ ba. A ba ƴɔ̃w-nyãa ɩnɛ a bala na dãa bal lɛ pɔw a fãgã, lɛ lɩɛb ɩ gãdar a jɛb pʋɔ, diw a sɔdaal-sáanba bar.

Eburo Sɛbɛ 6:18

A nɔhɔ̃ a Naaŋmɩn de na a yele ayi na ma tɛrɛ lɩɛbfʋ wa, a ʋ pʋlɩ̃fʋ nɩ a ʋ yuor ʋ na de pʋlɩ̃ nɩ ɩnɛ. A-na-ɩ Naaŋmɩn ma tʋɔrɔ ŋmaara jiri a ʋ ƴɛrɩ̃ ɩnɛ wa. Ala-ɩ̃-sɔ, a sɩmɩ na jɔ sɔɔlɩ̃ a ʋ pʋɔ, sɩ pɔw na a ꞌlafʋ yaw nyɔw nɩ a sɩ gufʋ tɩɛrʋ̃ son cĩcĩ, a tɩɛrʋ̃ son ʋlɔ sɩ na tɛrɛ gure nɩ a ala a Naaŋmɩn na gbɛɛrɩ̃ a sɩ ɩnɛ.

Eburo Sɛbɛ 8:6

Ɩ̃-cɛ a ƴɛ̃ƴɛrɩ̃ na, a *Jeeju tɛrɛ na a tʋmɔ na vɩɛlɛ gãw a ba ben, tu nɩ a mɩnɛ a pʋlɩ̃-ta-paalaa na mɩ vɩɛlɛ gãw a korĩ-cɛ ben, a-na-ɩ ʋ dɔɔlʼã a pʋlɩ̃fʋ ƴɛrɩ̃sɩ na vɩɛlɛ gãw a ala na dãa tɔl, ɩ̃ a Jeeju mɩ̃ɛ ɩ̃ ɩ a *lɔlʋɔrɔ.

1 Pɩɛr Sɛbɛ 1:21

A ʋlɔ ɩnɛ nyɩ sɔw de a Naaŋmɩn na maal ʋ ʋ ir a kũu pʋɔ, kʋ nɩ ʋ a ju-kpɛ̃ɛ. A nɔhɔ̃ a nyɩ ƴɔ̃w-nyãa nɩ a nyɩ tɩɛrʋ̃ son be na a Naaŋmɩn jie.

1 Pɩɛr Sɛbɛ 1:3

A Naaŋmɩn na ɩ a sɩ Nɩ-kpɛ̃ɛ *Jeeju-Kirisi Sãa ɩ̃ sɔ pɛwfʋ! A mɩnɛ ʋ na maal a Jeeju-Kirisi ʋ ir a kũu pʋɔ, ʋ bɔ̃w sɩ na a nãw ɩ̃ dɔw sɩ a dɔw-paalaa, a sɩ na tʋɔ tɛrɛ a tɩɛrʋ̃ son a ʋna baafʋ pʋɔ,

1 Pɩɛr Sɛbɛ 3:15

Nyɩ́ ƴɔnɔ a *Kirisi a nyɩ suur pʋɔ ʋ ɩ a nyɩ Nɩ-kpɛ̃ɛ. A daar a jaa a ala ɩ a nɩrɛ wa soor nyɩ na a nyɩ tɩɛrʋ̃ son ʋlɔ nyɩ na tɛrɛ a nyɩ suur pʋɔ ɩnɛ, nyɩ́ sɔw man ʋ a par,

1 Jã Sɛbɛ 3:3

A nɩrɛ lɛ na tɛrɛ a tɩɛrʋ̃ son ʋlɔ a *Kirisi pʋɔ, ma cɔɔrɔ na a ʋ mɩ̃ɛ ɩrɛ cɛcɛ, a mɩnɛ a *Jeeju-Kirisi mɩ̃ɛ na ɩ a cɛcɛ.