Ɛfɛɛsɩ Sɛbɛ 2:10 - A NAAŊMƖN PƲLƖ̃-TA-PAALAA

¹⁰ A-na-ɩ a Naaŋmɩn ɩ̃ maal sɩ, ɩ̃ ir sɩ a sɩ be a Jeeju-Kirisi jie, a sɩ na tʋɔ maala a tʋ̃-vɛlɛ ala ʋ na dãa de nĩe cɔɔrɩ̃ bar sɩ.

Ɛfɛɛsɩ Sɛbɛ 2:10 Iomraidhean Croise

Matie Sɛbɛ 5:16

A lɛ ʋ mɩ, a sɛw na a nyɩ na ɩ a nyɩ cãa ʋ caara a nɩbɛ nii-sɔw, a mɩnɛ a ba na tʋɔ nyɛ a nyɩ tʋ̃-sono, ɩ̃ kʋrɔ a nyɩ Sãa na be a saa juu a ju-kpɛ̃ɛ.

Jã Sɛbɛ 3:21

Ɩ̃-cɛ a nɩrɛ ʋlɔ tʋ̃-bie na tor, ʋ ma yi na a cãa pʋɔ, a mɩnɛ a ba na nyɛ bɔ̃w ka a ʋ tʋ̃-bie pʋɔ, a ʋ jɔrɔ na a Naaŋmɩn.”

Nɩ-tʋnɩsɩ tʋmɔ Sɛbɛ 9:31

A lɛ, a *duo-puorbo dãa na be a pɩɛnfʋ pʋɔ a Jude nɩ a Galile nɩ a Samari wɛɛ a jaa. Ba pɔwrɔ na a fãw jɔrɔ nɩ a Nɩ-kpɛ̃ɛ, ɩ̃ a mɩnɛ a Naaŋmɩn Sɩɛ na sũono ba, a nɩbɛ wɩɛrɛ na dɔɔlɔ a ba pʋɔ.

Nɩ-tʋnɩsɩ tʋmɔ Sɛbɛ 9:36

Pɔw be na be a Jope ɩ̃ ɩ a popuoro a ba bʋɔlɔ Tabɩta, a ʋna yuor a Gɩrɛkɩ nɩbɛ lɩɛb bʋɔlɔ a Dɔrkasɩ, a lɛ yelʼã a “Wʋl-pɩɛl.” Tʋ̃-vɛlɛ ʋ dãa tʋnɔ a daar a jaa sũono nɩ a nãw deme.

Orom Sɛbɛ 8:1

Ala-ɩ̃-sɔ a ƴɛ̃ƴɛrɩ̃ na, yel ma lɛ pɔwrɔ a bala na be a *Jeeju-Kirisi pʋɔ wa.

Orom Sɛbɛ 8:29

A korĩ-cɛ jaa a Naaŋmɩn vɛlʼã ir a nɩbɛ bala ʋ na bɔ̃w, ɩ̃ ƴɔ̃w ba a ba na lɩɛb wɔ̃ a ʋ Bi-daba kaarɩ̃, a mɩnɛ a ʋ Bi-daba na tʋɔ ɩ a kpɛ̃ɛ a yɛɛr yaw sɔ̃w.

1 Kɔrɛ̃tɩ Sɛbɛ 3:9

A sɩmɩ, sɩ ɩ na a lãa-tʋnbɔ a Naaŋmɩn tʋmɔ pʋɔ, ɩ̃ a nyɩ ɩ a Naaŋmɩn puo. Nyɩ mɩ ɩ na a yir ʋlɔ a Naaŋmɩn na mɩɛrɛ.

2 Kɔrɛ̃tɩ Sɛbɛ 5:17

A ala ɩ a nɩrɛ be na a Kirisi pʋɔ ʋ ɩ na a nɩ-paalaa; a yel-koro tɔlʼã, ɩ̃ a yel-paala lɛ wa.

2 Kɔrɛ̃tɩ Sɛbɛ 5:5

A Naaŋmɩn mɩ̃ɛ ɩ̃ gbɛɛrɩ̃ sɩ a lɩɛbfʋ ʋlɔ ɩnɛ, ɩ̃ de nĩe kʋ sɩ a ʋ Sɩɛ na miile a yele ala na cãa cɛ tuure.

2 Kɔrɛ̃tɩ Sɛbɛ 9:8

A Naaŋmɩn na tʋɔ na kʋ nyɩ a yel-vɛlɛ bʋrɔ bʋrɔ a jaa, ɩ̃ lɛ cãa dɔɔl nyɩ, a mɩnɛ a nyɩ na tʋɔ tɛrɛ a ala na sɛw nyɩ a daar a jaa, ɩ̃ lɛ cãa tɛrɛ sũono nɩ a tʋ̃-vɛlɛ a jaa.

Galatɩ Sɛbɛ 6:15

A ala ɩ̃ ɩ nɩrɛ ŋmaa na a yʋɔr mɩɩ ꞌwaa ŋmaa wa, aa ɩ bom wa. A ala na ɩ a bom ɩ na fʋ ɩ nɩ-paalaa.

Ɛfɛɛsɩ Sɛbɛ 1:1

A maa Pol a Naaŋmɩn na vɛl ir ɩ̃ ɩ a *Jeeju-Kirisi *nɩ-tʋnaa ɩ̃ tɩɩrɛ a sɛbɛ na kʋrɔ a nyɩmɩ na ɩ a Naaŋmɩn nɩbɛ na be a Ɛfɛɛsɩ-tẽw na mɩ ɩ a nɩ-dẽdẽsɩ a Jeeju-Kirisi jie.

Ɛfɛɛsɩ Sɛbɛ 1:4

A lɛdaar ʋ na ma dãa maal a tẽw sɛr wa, ʋ vɛl sɩ na ir ƴɔ̃w a Kirisi pʋɔ a mɩnɛ a sɩ na tʋɔ ɩ a cɛcɛ, kɔ̃ tɛrɛ sãwfʋ jie a ʋ nii-sɔw wa. A mɩnɛ ʋ na nʋ sɩ,

Ɛfɛɛsɩ Sɛbɛ 2:13

Ɩ̃-cɛ a ƴɛ̃ƴɛrɩ̃ na nyɩ na be a *Jeeju-Kirisi pʋɔ, a nyɩmɩ na dãa jãa taa nɩ a Naaŋmɩn lɛ pɩɛlʼɩ̃ ʋ na a Kirisi kũu ɩnɛ.

Ɛfɛɛsɩ Sɛbɛ 2:15

ɩ̃ mɩ sãw a ƴɛr-kpɛn nɩ a ƴɛr-ciirsɩ a jaa bar na be a Mowisi sɛbɛ pʋɔ, a mɩnɛ ʋ na maal a nɩ-kpee kpee bala a ba lɩɛb ɩ bõ-ƴen a ʋ jie, a pɩɛnfʋ na pãa be.

Ɛfɛɛsɩ Sɛbɛ 2:2

A ala pʋɔ nyɩ dãa be, maala a tẽw na nɩbɛ kaarɩ̃, jɔrɔ nɩ a nɩ-kpɛ̃ɛ ʋlɔ na be a sɛsɛb pʋɔ, a sɩɛ ʋlɔ na tɔwrɔ a nɩbɛ bala na wõw a toor a Naaŋmɩn jie.

Ɛfɛɛsɩ Sɛbɛ 2:6

A mɩnɛ sɩ na be a *Jeeju-Kirisi jie, a Naaŋmɩn lãa na ir sɩ a kũu pʋɔ ɩ̃ ƴɔ̃w sɩ a sɩ lãa jɛ nɩ ʋ a saa juu.

Ɛfɛɛsɩ Sɛbɛ 4:1

Ala-ɩ̃-sɔ, a maa na ɩ a kasu sʋbɔ a Nɩ-kpɛ̃ɛ ɩnɛ ɩ̃ kpãkpana nyɩ, nyɩ́ ɩ a nyɩ maalfʋ a cere tuure nɩ a ala ɩnɛ a Naaŋmɩn na bʋɔl nyɩ.

Ɛfɛɛsɩ Sɛbɛ 4:24

Nyɩ́ lɩɛb maala a maal-bi-paala ala na tuure a Naaŋmɩn ben na mɩ yi a ʋ jie, tɛrɛ a torfʋ nɩ a cɛcɛ ɩfʋ ala na ɩ a yel-mɩ̃ɛ.

Fɩlɩpɩ Sɛbɛ 1:6

Ɩ̃ barʼã nyãa áa Naaŋmɩn ʋlɔ na nyɔw a tʋ̃-vɩlaa a nyɩ sɔ̃w na cenʼɩ̃ na wa baar a *Jeeju-Kirisi lɛwaa bibir.

Fɩlɩpɩ Sɛbɛ 2:13

a-na-ɩ a Naaŋmɩn ɩ̃ ɩ a ʋlɔ na tʋnɔ a ʋ tʋmɔ a nyɩ sɔ̃w, a nyɩ na tʋɔ tɛrɛ a bɔfʋ na maalʼɩ̃ a ala ʋ na bʋɔrɔ.

Kɔlɔsɩ Sɛbɛ 1:10

a nyɩ maalfʋ na cere tuure nɩ a mɩnɛ a Nɩ-kpɛ̃ɛ na bʋɔrɔ, a na mɩ nʋmɔ ʋ a daar a jaa. A nɔhɔ̃, nyɩ na maala na a tʋ̃-vɛlɛ bʋrɔ bʋrɔ, ɩ̃ a nyɩ bɔ̃wfʋ mɩ karɛɛ a Naaŋmɩn pʋɔ.

Kɔlɔsɩ Sɛbɛ 3:10

ɩ̃ lɩɛb ɩ a nɩ-paala a Naaŋmɩn na lɩɛbɛ cɔɔrɔ a daar a jaa, a nyɩ na lɩɛb be a ʋlɔ Naaŋmɩn na mɛ nyɩ kaarɩ̃, a nyɩ na tʋɔ bɔ̃w ʋ cɛcɛ.

1 Timote Sɛbɛ 2:10

Ɩ̃-cɛ a ala na sɛw nɩ a pɔɔbɔ bala na puoro a Naaŋmɩn ɩ na ba maala tʋ̃-vɛlɛ.

1 Timote Sɛbɛ 5:10

a nɩbɛ bá mɩ bɔ̃w ʋ a ʋ tʋ̃-vɛlɛ ɩnɛ: a ʋ bibiir ʋ na dãa guolo, a sáanba ʋ na dãa bɔ̃w a defʋ, mɩ dãa pɛwrɛ nɩ a popuorbo gbɛɛ, sũono nɩ a bala na dãa be a won pʋɔ, maala nɩ a tʋ̃-vɛlɛ bʋrɔ bʋrɔ a jaa.

1 Timote Sɛbɛ 5:25

A lɛ ʋ mɩ, a tʋ̃-vɛlɛ mɩ be na a cãa pʋɔ, ɩ̃ a ala saarɩ̃ ɩ a ŋmɛɛ ma nyɩr sɛr wa, aa tʋɔrɔ sɔɔlɔ wa.

1 Timote Sɛbɛ 6:18

Yel ba á bá maala a ala na vɩɛlɛ, tʋnɔ nɩ a tʋ̃-vɛlɛ bʋrɔ bʋrɔ, ɩ nɩ a yɛ̃-bɔɔnbɔ, kɔ̃ bɛlɩ̃ puor wa.

2 Timote Sɛbɛ 2:21

Ala-ɩ̃-sɔ, a ala ɩ a nɩrɛ taw na a ʋ mɩ̃ɛ vɩrɩ̃ nɩ a yel-burbur ala pʋɔ, ba na de ʋ na ƴɔ̃w a tʋ̃-vɛlɛ pʋɔ, ow ʋ kpee, ʋ sɛw nɩ a Nɩ-kpɛ̃ɛ tʋmɔ, na tʋɔrɔ maala a tʋ̃-vɛlɛ bʋrɔ bʋrɔ a jaa.

2 Timote Sɛbɛ 3:17

A nɔhɔ̃, a Naaŋmɩn tʋ̃tʋnɔ na tʋɔ sɩrɩ̃ bɩ, mɩ tɛrɛ a ala na sɛw ʋ a tʋ̃-sono a jaa pʋɔ.

Tɩtɩ Sɛbɛ 2:14

Ʋ tɩɩrʼã a ʋ mɩ̃ɛ a sɩ ɩnɛ, na tʋɔ da sɩ faa a yel-faar a jaa pʋɔ, ɩ̃ pɛw sɩ bar a sɩ ɩ a ʋ mɩ̃ɛ tɛw ben, mɩ ɓĩɓine a tʋ̃-vɛlɛ a jaa maalfʋ ɩnɛ.

Tɩtɩ Sɛbɛ 2:7

Ɩ̃ a fʋ̃ʋ mɩ, fú ɩ a bõ-tɔɔnaa a tʋ̃-vɛlɛ a jaa ɩnɛ; a fʋ jaanfʋ ʋ taa tɛrɛ saanaa wa. Fú ɩ nɩ-hɛlɛlɛ,

Tɩtɩ Sɛbɛ 3:1

Jaw a popuorbo a ba na jɔrɔ a tẽw nɩ-bɛrɛ nɩ a fãgã deme, ɩ̃ mɩ wono ba a toor, sɔw maala nɩ a tʋ̃-vɛlɛ a jaa.

Tɩtɩ Sɛbɛ 3:14

A vɩɛlɛ na a sɩ nɩbɛ na jaana a tʋ̃-son maalfʋ a daar a jaa a ala na ba ba ɩnɛ, a mɩnɛ a ba kɔ̃ jɛ pɔrɔ wa.

Tɩtɩ Sɛbɛ 3:8

A ƴɛrɩ̃ na ɩ na yel-mɩ̃ɛ. Ɩ̃ bʋɔrɔ na fʋ bɔ̃w kpãkpan ba a ana yele ɩnɛ, a mɩnɛ a bala na ƴɔ̃w a Naaŋmɩn nyãa, a ba na de a ba mɩ̃ɛ ƴɔ̃w a tʋ̃-vɛlɛ maalfʋ pʋɔ. A asɩmɛ ɩ a yel-sono na sũono a nɩbɛ.

Eburo Sɛbɛ 10:24

Á sɩ́ cɛlɛ taa, kpãkpana nɩ taa a nʋfʋ nɩ a tʋ̃-vɛlɛ ɩnɛ.

Eburo Sɛbɛ 13:21

A ʋna Naaŋmɩn, ú sũo nyɩ a vɩlaa maal-bʋrɔ bʋrɔ pʋɔ a jaa, a nyɩ maala a ʋ pʋ-tɩɛrʋ̃, ɩ̃ mɩ maal a sɩ pʋɔ a ala na nʋmɔ ʋ, a yi a Jeeju-Kirisi jie. A ʋlɔ sɔ a yo-yifʋ a daar a jaa. *Amɛn.

1 Pɩɛr Sɛbɛ 2:12

Nyɩ́ ɩ a nyɩ maalfʋ a vɩɛlɛ a bala na ma puoro wa jie, a mɩnɛ a bala wa saarɩ̃ kpɛrɛ nyɩ yele nɩ á nɩ-bebe nyɩ ɩ, ɩ̃-cɛ a nyɩ tʋ̃-vɛlɛ na maal ba a ba pɛwrɛ a Naaŋmɩn a ʋ waa bibir.

1 Jã Sɛbɛ 1:7

A sɩmɩ cere a cãa pʋɔ a mɩnɛ a ʋlɔ mɩ̃ɛ na be a cãa pʋɔ, lãw-taa na be na a sɩ sɔ̃w, ɩ̃ a ʋ Bie *Jeeju jɩ̃ɩ na pɛɛrɛ na a sɩ maal-fãa a jaa bara.

1 Jã Sɛbɛ 2:6

a ʋlɔ na yel á ʋ ɩ na a Naaŋmɩn ben, a ʋ baafʋ sɛw na ʋ wɔ̃ a mɩnɛ a *Kirisi baafʋ na dãa be.