Ɛfɛɛsɩ Sɛbɛ 1:7 - A NAAŊMƖN PƲLƖ̃-TA-PAALAA

⁷ A ʋ jie sɩ pɔw a faafʋ a ʋ jɩ̃ɩ na cir ɩnɛ, ɩ̃ ʋ mɩ de na a sɩ bɩɛfʋ bar kʋ sɩ. Nyɩ́ nyɛ a mɩnɛ ʋ na nyɩrɩ̃ sũo sɩ

Ɛfɛɛsɩ Sɛbɛ 1:7 Iomraidhean Croise

Matie Sɛbɛ 20:28

A-na-ɩ a *Nɩbɛ Bie ma mɩ wa a ba na tʋnɔ kʋrɔ v wa, ɩ̃-cɛ v wa na na tʋnɔ kʋrɔ a nɩbɛ ɩ̃ naa v tɩɩr a v baafʋ tɛ̃w nɩ a nɩ-yaw baafʋ ɩ̃ faa ba.”

Matie Sɛbɛ 26:28

A-na-ɩ a naa ɩ̃ ɩ a ɩ̃ jɩ̃ɩ na cɔɔrɔ a *pʋlɩ̃-taa a Naaŋmɩn na pʋlɩ̃ nɩ a nɩ-yaw, na mɩ cire a mɩnɛ a Naaŋmɩn na de a ba maal-faar bar kʋ ba.

Matie Sɛbɛ 6:12

De a sɩ maal-faar bar kʋ sɩ, a mɩnɛ sɩ na ma mɩ de a maal-faar ala a nɩbɛ na maal sɩ bar kʋ ba.

Markɩ Sɛbɛ 14:24

A Jeeju yel ba: “A naa ɩ̃ ɩ a ɩ̃ jɩ̃ɩ, a jɩ̃ɩ ala nɔɔ cire cɔɔrɔ a *pʋlɩ̃-taa a Naaŋmɩn na pʋlɩ̃ nɩ a nɩ-yaw.

Luki Sɛbɛ 1:77

na fʋ miil a ʋ nɩbɛ a ba bɔ̃w a faafʋ sɔr,

Luki Sɛbɛ 24:47

Áa mɩ sɛw na ba de a ʋ yuor cenʼɩ̃ na hier kʋ a nɩbɛ, á bá lɩɛb a ba yɛ̃ a Naaŋmɩn na de a ba maal-faar bar kʋ ba. Á bá nyɔw be a Jerujalɛm ɩ̃ cen na ta nɩ a nɩ-bʋrɔ bʋrɔ ba jaa jie.

Jã Sɛbɛ 20:23

A nɩrɛ lɛ maal-faar nyɩ na diere bara kʋrɔ ʋ, a Naaŋmɩn na de na bar kʋ ʋ, ɩ̃ a ʋlɔ maal-faar nyɩ na ma sɔwrɔ diere bara wa, a Naaŋmɩn kɔ̃ de bar kʋ ʋ wa.”

Nɩ-tʋnɩsɩ tʋmɔ Sɛbɛ 10:43

A Jeeju ʋlɔ a Naaŋmɩn ƴɛr-hierbe ba jaa dãa miile yele nɩ áa nɩrɛ lɛ na sɔw de ʋ, áa Naaŋmɩn na de na a ʋ yuor barʼɩ̃ a sʋbɔ ʋlɔ maal-faar kʋ ʋ.”

Nɩ-tʋnɩsɩ tʋmɔ Sɛbɛ 2:38

a Pɩɛr yel ba: “Nyɩ́ lɩɛb a nyɩ yɛ̃, ɩ̃ a ba de a *Jeeju-Kirisi yuor mʋrʼɩ̃ nyɩ a kʋ̃ɔ bõ-ƴene-ƴene, a mɩnɛ a Naaŋmɩn na de a nyɩ maal-faar bar kʋ nyɩ, ɩ̃ nyɩ na pɔw na a Naaŋmɩn bõ-son na ɩ a ʋ Sɩɛ ʋ na kʋrɔ nyɩ.

Nɩ-tʋnɩsɩ tʋmɔ Sɛbɛ 20:28

Nyɩ́ tɛrɛ nyɩ mɩ̃ɛ, ɩ̃ mɩ ꞌwuoro a nɩbɛ bala ba jaa a Naaŋmɩn Sɩɛ na kʋ nyɩ a nyɩ ꞌwuoro a piir kaarɩ̃. Nyɩ́ bɔ̃w guolo a Naaŋmɩn *duo-puorbo ʋ na da nɩ a ʋ mɩ̃ɛ Bie jɩ̃ɩ sɔ.

Nɩ-tʋnɩsɩ tʋmɔ Sɛbɛ 3:19

Ala-ɩ̃-sɔ nyɩ́ lɩɛb a nyɩ yɛ̃ ɩ̃ lɩɛb wa a Naaŋmɩn jie, ʋ de a nyɩ maal-faar fɛ bar nyɩ.

Orom Sɛbɛ 2:4

Mu, fʋ mɛbɛ na a Naaŋmɩn yɛ̃ bɔ̃wfʋ na nyɩrɩ̃ ɩ a kpɛ̃ɛ, nɩ a ʋ su-nyɔwraa nɩ a ʋ su-ɓaar mɩɩ? Faa bɔ̃w ka a Naaŋmɩn yɛ̃-bɔ̃wfʋ tɔwrɔ fʋ na a fʋ na lɩɛb a fʋ yɛ̃ wa?

Orom Sɛbɛ 3:24

Ɩ̃-cɛ a ʋ wɩɛfʋ ɩnɛ ʋ lɩɛbɛ ba a ba toro a ʋ nii-sɔw, a mɩnɛ ʋ na da ba fáa ba a Jeeju-Kirisi tʋmɔ pʋɔ a pɔrɔ.

Orom Sɛbɛ 3:25

A ʋna *Kirisi, a Naaŋmɩn ƴɔ̃w ʋ na ʋ ɩ a baar-lo-bom, a mɩnɛ ʋ na deer a ʋ jɩ̃ɩ de nɩ a bala na sɔw de ʋ maal-faar bar kʋ ba. A nɔhɔ̃ a Naaŋmɩn bʋɔrɔ na ʋ miil a ʋ torfʋ. A korĩ-cɛ ʋ nyɔw na a suur, ɩ̃ ma kpãa a bala na maal a fãa wa.

Orom Sɛbɛ 9:23

Ʋ maalʼã a lɛ bʋɔrɔ ʋ miilʼɩ̃ a mɩnɛ a ʋ yo-yifʋ na nyɩrɩ̃ bɛrmɛ a bala ʋ na bɔ̃w nɩ a nãw jie, a bala ʋ na mɩ dãa de nĩe gbɛɛrɩ̃ a ʋ na-yele pɔwfʋ ɩnɛ.

1 Kɔrɛ̃tɩ Sɛbɛ 1:30

Ɩ̃-cɛ a Naaŋmɩn ɩnɛ nyɩ ɓã taa nɩ a *Jeeju-Kirisi, ɩ̃ ʋ ƴɔ̃w ʋ ʋ lɩɛb ɩ a sɩ kpaarfʋ. A Kirisi ɩnɛ sɩ tor a Naaŋmɩn nii-sɔw, ʋ mɩ ow sɩ kpee a sɩ ɩ a ʋ ben, ʋ faa sɩ yi nɩ a maal-fãa pʋɔ.

2 Kɔrɛ̃tɩ Sɛbɛ 8:9

Nyɩ bɔ̃w na a sɩ Nɩ-kpɛ̃ɛ *Jeeju-Kirisi wɩɛfʋ. Ʋ dãa na ɩ a naaba, ɩ̃ lɩɛb ɩ a nãw sʋbɔ a nyɩ ɩnɛ, a mɩnɛ a nyɩ na tʋɔ le a ʋ nãw ɩnɛ.

Ɛfɛɛsɩ Sɛbɛ 1:14

A Sɩɛ ʋlɔ mɩ miile sɩ na a yele ala a Naaŋmɩn na gbɛɛrɩ̃ bin a ʋ nɩbɛ ɩnɛ, a yele ala sɩ na pɔwrɔ a lɛdaar a Naaŋmɩn na faara a ʋ mɩ̃ɛ nɩbɛ ba jaa baara, a ba pɛwrɛ ʋ, a ʋ yuor na yire.

Ɛfɛɛsɩ Sɛbɛ 1:18

Ɩ̃ mɩ sʋɔrɔ ʋ na á ʋ yuo a nyɩ tɩɛrʋ̃ a nyɩ na tʋɔ bɔ̃w a yele ala ɩnɛ a Naaŋmɩn na bʋɔl nyɩ, nyɩ nɔɔ mɩ pɔwrɔ a ʋ jie a nɩdaar kãw, nɩ a na-yel-ɓɔmɔ ala ʋ na gbɛɛrɩ̃ bin a ʋ nɩbɛ ɩnɛ,

Ɛfɛɛsɩ Sɛbɛ 1:6

Ala-ɩ̃-sɔ, nyɩ́ ɩ a sɩ pɛwrɛ a Naaŋmɩn na yi a yuor a ʋ maal-vɩlaa pʋɔ a mɩnɛ ʋ na nyɩrɩ̃ sũo sɩ nɩ a ʋ Bi-nʋnaa.

Ɛfɛɛsɩ Sɛbɛ 1:8

ɩ̃ a ʋ maal-vɩlaa mɩ dɔɔlɔ taa a sɩ jie! Ʋ kʋ sɩ na a kpaarfʋ nɩ a yẽ a jaa

Ɛfɛɛsɩ Sɛbɛ 2:4

Ɩ̃-cɛ a Naaŋmɩn nã-bɔ̃wfʋ nyɩrɩ̃ na bɛrmɛ, ɩ̃ ʋ mɩ nyɩrɩ̃ nʋ sɩ,

Ɛfɛɛsɩ Sɛbɛ 2:7

A Naaŋmɩn maalʼã a lɛ bʋɔrɔ ʋ tʋɔ miil a daar ala na tuure pʋɔ a mɩnɛ a ʋ sũofʋ na nyɩrɩ̃ bɛrmɛ a ʋ yɛ̃ ʋlɔ ʋ na bɔ̃w nɩ sɩ a Jeeju-Kirisi jie.

Ɛfɛɛsɩ Sɛbɛ 3:16

sʋɔrɔ nɩ ʋ a ʋ de a ʋ Sɩɛ fãgã kʋ nɩ nyɩ a suur pʋɔ kpɛ̃w, a yi a ʋ na-yele na be a yo-yifʋ pʋɔ.

Ɛfɛɛsɩ Sɛbɛ 3:8

A Naaŋmɩn nɩbɛ pʋɔ, maa ɩ̃ ɩ a par-pɔwrɔ a ba jaa jie, ɩ̃-cɛ a Naaŋmɩn kʋ ma na a tʋɔfʋ ʋlɔ ɩ̃ mana nɩ a ʋ ƴɛr-son na ɩ a Kirisi yel-vɛlɛ na ma tɛrɛ baarfʋ wa, kʋrɔ a nɩ-bʋlsɩ,

Fɩlɩpɩ Sɛbɛ 4:19

Ɩ̃ a ɩ̃ Naaŋmɩn na kʋ nyɩ na a ala a jaa na bɔr nyɩ tu nɩ a ʋ na-yel-vɛlɛ na be a *Jeeju-Kirisi pʋɔ.

Kɔlɔsɩ Sɛbɛ 1:14

A ʋlɔ pʋɔ sɩ na be ɩnɛ, sɩ pɔw a faafʋ, ɩ̃ a Naaŋmɩn mɩ de a sɩ maal-faar bar kʋ sɩ.

Kɔlɔsɩ Sɛbɛ 1:27

A-na-ɩ a Naaŋmɩn bʋɔrɔ na ʋ maal ba a ba bɔ̃w a mɩnɛ a ʋna bõ-sɔɔlaa na nyɩrɩ̃ vɩɛlɛ gãw a yele a jaa a nɩ-bʋlsɩ jie. A ƴɛrɩ̃ ʋlɔ ɩ na, a Kirisi na be a nyɩ pʋ̃ɔ, maal nyɩ a nyɩ tɛrɛ a tɩɛrɩ̃-son cɛlɛ nɩ a Naaŋmɩn yo-yifʋ yele.

Kɔlɔsɩ Sɛbɛ 2:13

Nyɩ dãa na ɩ a kũusɩ a nyɩ maal-bebe ɩnɛ, nɩ a mɩnɛ nyɩ na ɩ a nɩ-bʋlsɩ bala ba na ma dãa ŋmaa a yʋɔr wa, ɩ̃ a Naaŋmɩn maal nyɩ na a nyɩ lãa irʼɩ̃ a Kirisi a kũu pʋɔ, ɩ̃ ʋ mɩ de a sɩ maal-bebe a jaa bar kʋ sɩ.

Kɔlɔsɩ Sɛbɛ 2:2

A ɩ̃ jɛb par ɩ na a ba na tɛrɛ ꞌlafʋ, mɩ tɛrɛ nɩ nɔ-bõ-ƴen nʋnɔ nɩ taa, a mɩnɛ ba na bɔ̃wnɔ a Naaŋmɩn ƴɛrɩ̃ ma tɛrɛɛ baalɩ̃fʋ wa, na ba mɩ nyɩrɩ̃ tɛrɛɛ a yɛ̃ wa bɔ̃wnɔ nɩ a Naaŋmɩn bõ-sɔɔlaa na ɩ a *Kirisi mɩ̃ɛ.

1 Timote Sɛbɛ 2:6

na tɩɩr a ʋ mɩ̃ɛ a kũu pʋɔ naa ʋ da nɩ a nɩbɛ ba jaa ɩ̃ faa ba. A nɔhɔ̃ a *Jeeju miilʼɩ̃ a Naaŋmɩn pʋ-tɩɛrʋ̃ a daar ʋlɔ na sɛw.

Tɩtɩ Sɛbɛ 2:14

Ʋ tɩɩrʼã a ʋ mɩ̃ɛ a sɩ ɩnɛ, na tʋɔ da sɩ faa a yel-faar a jaa pʋɔ, ɩ̃ pɛw sɩ bar a sɩ ɩ a ʋ mɩ̃ɛ tɛw ben, mɩ ɓĩɓine a tʋ̃-vɛlɛ a jaa maalfʋ ɩnɛ.

Tɩtɩ Sɛbɛ 3:6

A Sɩɛ ʋlɔ, a Naaŋmɩn deer ʋ na kʋ sɩ, a sɩ Fafaara *Jeeju-Kirisi ɩnɛ,

Eburo Sɛbɛ 9:22

A-na-ɩ a ƴɛr-kpɛn pʋɔ, a wɔ̃ na taa nɩ a jɩ̃ɩ ma cɔɔrɩ̃ a yele a jaa, ɩ̃ a jɩ̃ɩ ma deer wa, a maal-fãa de-barfʋ ma be wa.

1 Pɩɛr Sɛbɛ 2:24

A Kirisi ʋlɔ mɩ̃ɛ de na a sɩ maal-faar a ʋ ɩ̃gan pʋɔ do nɩ a nɩ-kʋ-daa juu, a mɩnɛ a sɩ na tʋɔ kpi a sɩ maal-faar pʋɔ, ɩ̃ lɛ ir ɩ nɩ-torisɩ a sɩ maal-bie pʋɔ. A ʋ ɩ̃gan sãwfʋ ɩnɛ a nyɩ wʋlɩ̃sɩ kpaar.

1 Pɩɛr Sɛbɛ 3:18

A-na-ɩ a Kirisi mɩ̃ɛ kpi na gbɛ-daa a nyɩ maal-fãa ɩnɛ. A ʋlɔ na dãa tor kpi na a bala na ma tor wa ɩnɛ, a mɩnɛ ʋ na tʋɔ wa nɩ nyɩ a Naaŋmɩn sɛ̃. Ba kú ʋ na a ɩ̃gan buur pʋɔ, ɩ̃-cɛ a Naaŋmɩn Sɩɛ lɛ maal ʋ ʋ ir a kũu pʋɔ.

1 Jã Sɛbɛ 2:12

Ɩ̃ bibiir, ɩ̃ sɛbɛ nyɩ na a-na-ɩ a Naaŋmɩn de na a nyɩ maal-fãa bar kʋ nyɩ a Kirisi yuor ɩnɛ.

1 Jã Sɛbɛ 2:2

Ʋ ɩ na a ʋlɔ na lɩɛb ɩ a baar-lo-bom na tʋɔ ir a sɩ maal-fãa bar; ɩ̃ aa ɩrɛ a sɩ ben tɛw ʋ wa, ɩ̃-cɛ a nɩbɛ ba jaa maal-fãa ʋ mɩ.

1 Jã Sɛbɛ 4:10

A nʋfʋ ɩ na: aa ɩ a sɩmɩ ɩ̃ dãa nʋ a Naaŋmɩn wa, ɩ̃-cɛ a ʋlɔ ɩ̃ nʋ sɩ, ɩ̃ tʋ̃ a ʋ Bie ʋ wa ɩ a baar-lo-bom a sɩ maal-faar ir-barfʋ ɩnɛ.

Miilfʋ Sɛbɛ 14:4

Ba ɩ na a bala na ma sãw a ba mɩ̃ɛ nɩ a pɔɔbɔ wa. Ba tɛrɛ na a ba mɩ̃ɛ cɛcɛ. Ba ma mɩ tuure na a Péle a jiir a jaa ʋ na cere. Ba da ba na fáa a nɩbɛ sɔ̃w a ba na ɩ a bõ-paala ba na kʋrɔ a Naaŋmɩn nɩ a Péle.

Miilfʋ Sɛbɛ 5:9

Ba dãa na cɩɛrɛ yel-paalaa na yel: “Fʋ̃ʋ sɛw na de a sɛbɛ ɩ̃ kar a jɩbsɩ ala bar, a-na-ɩ ba dãa na kú fʋ, ɩ̃ a fʋ jɩ̃ɩ fʋ da nɩ a nɩbɛ na yi a bal a jaa pʋɔ, nɩ a ƴɛr-bʋrɔ a jaa, nɩ a nɩ-bʋrɔ ba jaa, nɩ a ten a jaa kʋ a Naaŋmɩn.