Ɛfɛɛsɩ Sɛbɛ 1:13 - A NAAŊMƖN PƲLƖ̃-TA-PAALAA

¹³ A nyɩmɩ mɩ, a mɩnɛ nyɩ na wõ a Naaŋmɩn yel-mɩ̃ɛ ƴɛr-son ʋlɔ na miil nyɩ a cɩ̃ɛfʋ sɔr, nyɩ sɔw na de a Kirisi, ɩ̃ mɩ pɔw a Naaŋmɩn Sɩɛ ʋ na dãa pʋlɩ̃ nɩ, na miile á ʋlɔ ɩ̃ sɔ nyɩ.

Ɛfɛɛsɩ Sɛbɛ 1:13 Iomraidhean Croise

Luki Sɛbɛ 11:13

A ala ɩ a nyɩmɩ na ɩ a nɩ-faar, nyɩ bɔ̃w na yel-vɛlɛ ma kʋ a nyɩ bibiir, mɩnɛ ɩ̃ ɩ a kɔ̃ nyɩrɩ̃ nʋmɔ a nyɩ Sãa na be a saa juu ʋ na tɩɩr a ʋ Sɩɛ kʋ a bala na sʋɔrɔ ʋ wa?”

Luki Sɛbɛ 24:49

Ɩ̃ a maa, ɩ̃ na tʋ̃ na a ʋlɔ a ɩ̃ Sãa na pʋlɩ̃ nɩ nyɩ, ɩ̃ a nyɩmɩ, nyɩ́ jɛ a Jerujalɛm-tẽw pʋɔ wa ta nɩ a daar ʋlɔ a saa juu fãw na suure pɔwrɔ nyɩ.”

Jã Sɛbɛ 1:17

A-na-ɩ a Mowisi a Naaŋmɩn kʋ a ƴɛr-kpɛn ʋ tɩɩr, ɩ̃-cɛ a maal-vɩlaa nɩ a yel-mɩ̃ɛ yi na a *Jeeju-Kirisi jie.

Jã Sɛbɛ 14:26

Ɩ̃-cɛ a Sõsũono ʋlɔ na ɩ a Naaŋmɩn Sɩɛ a Sãa nɔɔ tʋnɔ nɩ a ɩ̃ yuor, ʋlɔ ɩ̃ na jaana nyɩ a yele a jaa ɩ̃ mɩ jawra nyɩ a ala a jaa ɩ̃ na dãa yel nyɩ.

Jã Sɛbɛ 15:26

“A Sõsũono ʋlɔ na ɩ a Yel-mɩ̃ɛ Sɩɛ na yi a Sãa jie na wa na. Ɩ̃ na tʋ̃ nɩ ʋ na ʋ yi a Sãa jie ɩ̃ wa a nyɩ sɛ̃ na mana a ɩ̃ yel-mɩ̃ɛ.

Jã Sɛbɛ 3:33

Ɩ̃ a ʋlɔ na sɔw a ʋ ƴɛrɩ̃ miilʼã áa Naaŋmɩn ɩ na yel-mɩ̃ɛ sʋbɔ.

Jã Sɛbɛ 6:27

Nyɩ taa tʋnɔ a tʋn a dɩb ala na sãwna ɩnɛ wa, ɩ̃-cɛ nyɩ́ tʋnɔ a dɩb ala na kamɛɛ ɩnɛ, na kʋrɔ nyɩ a baa-kɔ̃-tɛw. A ɩ na a dɩb ala a *Nɩbɛ Bie na kʋrɔ nyɩ, a-na-ɩ a ʋlɔ a Sãa Naaŋmɩn kʋ a ʋ tʋɔfʋ a nyɩ na tʋɔ bɔ̃w ʋ.”

Nɩ-tʋnɩsɩ tʋmɔ Sɛbɛ 1:4

Bibir kãw, a mɩnɛ ʋ na lãa dɩrɛ nɩ ba a dɩb, ʋ kʋ ba na a ƴɛrɩ̃ na na yele: “Nyɩ taa wa yire a Jerujalɛm wa, ɩ̃ nyɩ́ jɛ gu a Sɩɛ ʋlɔ a Sãa na pʋlɩ̃ nɩ nyɩ, a ʋlɔ ɩ̃ na mɩ dãa yel nyɩ.

Nɩ-tʋnɩsɩ tʋmɔ Sɛbɛ 13:26

“Ɩ̃ yɛɛr Abʋraham bibiir, nɩ a nyɩmɩ na be a ka puoro a Naaŋmɩn, sɩmɩ ba tʋ nɩ a faafʋ ƴɛrɩ̃ na kʋ.

Nɩ-tʋnɩsɩ tʋmɔ Sɛbɛ 2:33

Ɩ̃ a Naaŋmɩn ɓɔw ʋ na do nɩ biin a ʋ dʋrɩ̃ lõboorɩ̃ ɩ̃ kʋ ʋ a ʋ Sɩɛ ʋlɔ ʋ na dãa pʋlɩ̃ nɩ ʋ. A ala ʋ deer a ƴɛ̃ƴɛrɩ̃ a nyɩ nyɛ ɩ̃ mɩ wonaa.

Orom Sɛbɛ 1:16

Maa jɔrɔ a vĩ a Naaŋmɩn ƴɛr-son ƴɛrfʋ ɩnɛ wa, a-na-ɩ ʋ ɩ na a fãw ʋlɔ a Naaŋmɩn na faara nɩ a nɩrɛ lɛ na sɔw ʋ: a Jufisɩ jie sɛr, nɩ a nɩ-bʋrɔ bʋrɔ ba jaa jie mɩ.

Orom Sɛbɛ 4:11

A Naaŋmɩn bɩɛrʼã man ʋ a yʋɔr ŋmaafʋ ʋ ɩ a jɩbaa na miile á Naaŋmɩn de ʋ na ʋ ɩ a nɩ-toraa a ʋ ƴɔ̃w-nyãa ɩnɛ, ɩ̃-cɛ a ꞌwaa ŋmaa a yʋɔr sɛr wa. A nɔhɔ̃, a bala ba jaa na ma ŋmaa a yʋɔr wa ɩ̃ sɔw de a Naaŋmɩn ʋ na de ba na a ba ɩ a nɩ-torisɩ, a Abʋraham ɩ a ba sãa-kʋmɔ.

Orom Sɛbɛ 6:17

Ɩ̃ Naaŋmɩn sɔ puorfʋ, a-na-ɩ a nyɩmɩ na dãa ɩ a maal-fãa gbãgbaar, nyɩ sɔw na de a nyɩ mɩ̃ɛ nɩ a nyɩ suur ʋ jaa ƴɔ̃w a ana maal-bie ba na dãa jaan nyɩ pʋɔ.

2 Kɔrɛ̃tɩ Sɛbɛ 1:22

mɩ yɔ̃w sɩ a ʋ yuor jɩbaa, ɩ̃ lɛ kʋ sɩ a ʋ Sɩɛ a sɩ sube pʋʋr na miile a yele ala na cãa cɛ tuure.

2 Kɔrɛ̃tɩ Sɛbɛ 6:7

nɩ a sɩ yel-mɩ̃ɛ ƴɛrɩ̃, nɩ a Naaŋmɩn fãgã sɩ na tɛrɛ. A torfʋ ɩ na a sɩ jɛb yele na be a sɩ dʋrɩ̃ nuu nɩ a sɩ gʋbaa nuu pʋɔ.

Galatɩ Sɛbɛ 3:14

A ala a jaa maalʼã a lɛ a mɩnɛ a nason ʋlɔ a Naaŋmɩn na dãa pʋlɩ̃ nɩ a Abʋraham na mɩ tʋɔ ta a nɩ-bʋlsɩ a Jeeju-Kirisi ɩnɛ, nɩ a mɩnɛ a sɩ na mɩ tʋɔ pɔw a Naaŋmɩn Sɩɛ ʋlɔ ʋ na dãa pʋlɩ̃ nɩ sɩ a sɩ ƴɔ̃w-nyãa pʋɔ.

Ɛfɛɛsɩ Sɛbɛ 4:21

A mɩnɛ nyɩ na ɩ a Kirisi nɩbɛ, ɩ̃ bɔ̃w ka nyɩ wõ na a ba ƴɛr a *Jeeju ƴɛrɩ̃, ɩ̃ jaan nyɩ a yel-mɩ̃ɛ ʋlɔ na be a ʋ pʋɔ.

Ɛfɛɛsɩ Sɛbɛ 4:30

Nyɩ taa wa sãwna a Naaŋmɩn Sɩ-cɛcɛ suur wa. Ʋlɔ ɩ̃ ɩ a jɩbaa a Naaŋmɩn na ƴɔ̃w nyɩ, na miile a ʋ na faa nyɩ na a bibi-baaraa dayen.

1 Tɛsaloniki Sɛbɛ 2:13

A sɩmɩ mɩ, sɩ puoro na a Naaŋmɩn ma gala wa, a-na-ɩ a mɩnɛ nyɩ na wõ a Naaŋmɩn ƴɛrɩ̃ a sɩ jie, nyaa de ʋ ʋ ɩ a nɩbɛ ƴɛrɩ̃ wa, ɩ̃-cɛ nyɩ de ʋ na a mɩnɛ ʋ na sɩrɩ̃ ɩ a Naaŋmɩn ƴɛrɩ̃, na be a nyɩ pʋ̃ɔ lɩɛbɛ a nyɩmɩ na sɔw de ʋ.

2 Timote Sɛbɛ 2:15

Ƴɔ̃w fãw ɩ̃ miile a fʋ mɩ̃ɛ nɩ-toraa a Naaŋmɩn nii-sɔw, wɔ̃ taa nɩ a tʋ̃tʋnɔ na ma jɔrɔ a vĩ a ʋ tʋmɔ ɩnɛ wa, mɩ bɔ̃w mana nɩ a yel-mɩ̃ɛ ƴɛrɩ̃ a mɩnɛ a na sɛw.

2 Timote Sɛbɛ 2:19

Ɩ̃-cɛ a dacin kparaa a Naaŋmɩn na kpar tɛrɛ na kpɛ̃w, a ba sɛb a jɩbaa ƴɔ̃w a nɔhɔ̃: “A Nɩ-kpɛ̃ɛ bɔ̃w na a bala na ɩ a ʋ ben,” ɩ̃, “A nɩrɛ lɛ na yel áa Nɩ-kpɛ̃ɛ ben ʋ ɩ, sɛw na na taw a ʋ mɩ̃ɛ jãa nɩ a burbur.”

2 Timote Sɛbɛ 3:15

Wa nyɔw nɩ a fʋ bibile daar, fʋ bɔ̃w na a Naaŋmɩn Sɛbɛ ƴɛrɩ̃sɩ, na tʋɔrɔ kʋrɔ fʋ a kpaarfʋ ʋlɔ na miile a faafʋ sɩ na tɛrɛ a Jeeju-Kirisi pʋɔ a ƴɔ̃w-nyãa ɩnɛ.

Tɩtɩ Sɛbɛ 2:11

A-na-ɩ a Naaŋmɩn sũofʋ ʋlɔ na ɩ a faafʋ a nɩbɛ ba jaa jie nyɩrʼã cãa pʋɔ,

Eburo Sɛbɛ 2:3

Ala-ɩ̃-sɔ, mɩnɛ a sɩmɩ na ɩ ɩ̃ cɩ̃ɛ, a ala ɩ saa cɛlɛ tɔ a faafʋ ʋlɔ na nyɩrɩ̃ bɛrmɛ a lɛ wa? A ʋna faafʋ ƴɛrɩ̃, a Nɩ-kpɛ̃ɛ mɩ̃ɛ ɩ̃ dãa de nĩe ƴɛr, ɩ̃ a bala na dãa cɛl ʋ mɩ man sɩ na a sɩ bɔ̃w ka a yel-mɩ̃ɛ ʋ,

Jakɩ Sɛbɛ 1:18

Ʋlɔ ɩ̃ nʋ ɩ̃ de a yel-mɩ̃ɛ ƴɛrɩ̃ dɔw nɩ sɩ, a sɩ na ɩ a dãdãw deme a ala a jaa fɛw pʋɔ ʋ na ir.

Jakɩ Sɛbɛ 1:21

Ala-ɩ̃-sɔ, nyɩ́ ŋmelĩ kpaar cɔw a yel-dɛɛr a jaa, lãa nɩ a tʋ̃-kpansɩ a jaa, ɩ̃ na nyɩ́ sɔw nɩ hɛlɛlɛ yɛ̃ a ƴɛrɩ̃ ʋlɔ a Naaŋmɩn na ƴɔ̃w a nyɩ suur pʋɔ, a-na-ɩ a ʋlɔ na tʋɔ faa nyɩ.

1 Pɩɛr Sɛbɛ 2:10

A korĩ-cɛ, nyaa dãa ɩ bal bõ-ƴen wa, ɩ̃-cɛ a ƴɛ̃ƴɛrɩ̃, nyɩ ɩ na a Naaŋmɩn bal nɩbɛ. Nyaa mɩ dãa pɔw a Naaŋmɩn nã-bɔ̃wfʋ wa, ɩ̃-cɛ a ƴɛ̃ƴɛrɩ̃ na nyɩ pɔw ʋ na.

Miilfʋ Sɛbɛ 7:2

Ɩ̃ ɩ̃ nyɛ na a sɩ-tʋnaa ƴen sʋbɔ ʋ yi a tẽw parɩ̃ ɩ̃ tɛrɛ a Naaŋmɩn-mimir jɩbaa waara nɩ. Ɩ̃ ʋ wuurʼã nɩ kɔkɩr kpɛ̃w yele nɩ a sɩ-tʋnɩsɩ anaan bala ba na kʋ a sɔr a ba na sãw a tẽw nɩ a man bar: