Ɛfɛɛsɩ Sɛbɛ 1:11 - A NAAŊMƖN PƲLƖ̃-TA-PAALAA

¹¹ A Kirisi jie sɩ na mɩ be, a Naaŋmɩn ow sɩ na biin kpee, a mɩnɛ ʋ na de nĩe vɛl sɩ ir tu nɩ a ʋ pʋ-tɩɛrʋ̃ tʋmɔ. A Naaŋmɩn ɩ̃ ɩ a ʋlɔ na maala a yele a jaa tuure nɩ a mɩnɛ ʋ na ƴɔ̃w nyãa.

Ɛfɛɛsɩ Sɛbɛ 1:11 Iomraidhean Croise

Nɩ-tʋnɩsɩ tʋmɔ Sɛbɛ 13:48

A mɩnɛ a bala na ma ɩ a Jufisɩ wa na wõ a ʋna ƴɛrɩ̃, ba cɩlɛ na yele nɩ áa Nɩ-kpɛ̃ɛ ƴɛrɩ̃ ɩ na bõ-son. A lɛ, a bala a Naaŋmɩn na vɛl ir a ba na tɛrɛ a baa-kɔ̃-tɛw sɔw na de a Jeeju.

Nɩ-tʋnɩsɩ tʋmɔ Sɛbɛ 2:23

Ba nyɔw na a ʋna daba ƴɔ̃w a nyɩ nuumɩ, tu nɩ a Naaŋmɩn pʋ-tɩɛrʋ̃ nɩ a mɩnɛ ʋ na dãa de nĩe bɔ̃w a yele ala nɔɔ tara. Ɩ nyɩ kú ʋ na, a-na-ɩ nyɩ ƴɔ̃w na a nɩ-faar a ba kpa ʋ yaal a nɩ-kʋ-daa juu.

Nɩ-tʋnɩsɩ tʋmɔ Sɛbɛ 20:27

A-na-ɩ ɩ̃ miil nyɩ na a Naaŋmɩn pʋ-tɩɛrʋ̃ tʋmɔ ʋ jaa. Maa sɔɔlɩ̃ bom kãw a nyɩ jie wa.

Nɩ-tʋnɩsɩ tʋmɔ Sɛbɛ 20:32

“Ɩ̃ a ƴɛ̃ƴɛrɩ̃ na, ɩ̃ de nyɩ na ƴɔ̃w a Naaŋmɩn nuumɩ, nɩ a ʋ sũofʋ ƴɛrɩ̃ pʋɔ. A ʋlɔ na tʋɔrɔ kʋrɔ nyɩ a fãw, ɩ̃ mɩ kʋrɔ nyɩ a yel-sono ala ʋ na bin a bala ba jaa ɩnɛ na ɩ a ʋ nɩbɛ.

Nɩ-tʋnɩsɩ tʋmɔ Sɛbɛ 26:18

Ɩ̃ tʋnɔ fʋ na a fʋ na yuo ba a mimie, a ba na yi a libe pʋɔ ɩ̃ kpɛ a cãa pʋɔ, ɩ̃ mɩ yi a Satã fãw pʋɔ ɩ̃ kpɛ a Naaŋmɩn fãw pʋɔ, a ba na sɔw de ma, a Naaŋmɩn na de a ba maal-faar bar kʋ ba, ɩ̃ a ba kpɛ a Naaŋmɩn nɩbɛ pʋɔ nyɛ a jɩnaafʋ jie.’

Nɩ-tʋnɩsɩ tʋmɔ Sɛbɛ 4:28

áa ba maal a ala a jaa a fʋ fãw nɩ a fʋ pʋ-tɩɛrʋ̃ na dãa de nĩe gbɛɛrɩ̃ a na ta.

Orom Sɛbɛ 11:34

A mɩnɛ a Naaŋmɩn Sɛbɛ na yel: “Ala ɩ̃ dãa bɔ̃w a Nɩ-kpɛ̃ɛ tɩɛrʋ̃? Ala mɩ dãa ɩ a ʋ yɛ̃-mana?

Orom Sɛbɛ 8:17

A ala ɩ sɩ ɩ na a Naaŋmɩn bibiir, sɩ na pɔw na a yel-sono ala a Naaŋmɩn na pʋlɩ̃ nɩ sɩ. Sɩ na lãa na pɔw a ala nɩ a Kirisi, a-na-ɩ sɩ lãa na be taa a ʋ hʋʋr pʋɔ, a mɩnɛ sɩ nɔɔ mɩ lãa beree nɩ ʋ a ʋ yo-yifʋ pʋɔ.

Orom Sɛbɛ 8:28

Sɩ bɔ̃w na ka a Naaŋmɩn gbɛɛrɛ na a yele a jaa a mɩnɛ a na ɩ a son a bala na nʋnɔ ʋ jie, nɩ a bala ʋ na bʋɔl tu nɩ a mɩnɛ ʋ na ƴɔ̃w nyãa.

Orom Sɛbɛ 8:29

A korĩ-cɛ jaa a Naaŋmɩn vɛlʼã ir a nɩbɛ bala ʋ na bɔ̃w, ɩ̃ ƴɔ̃w ba a ba na lɩɛb wɔ̃ a ʋ Bi-daba kaarɩ̃, a mɩnɛ a ʋ Bi-daba na tʋɔ ɩ a kpɛ̃ɛ a yɛɛr yaw sɔ̃w.

Orom Sɛbɛ 8:30

A bala a Naaŋmɩn na vɛl ir ƴɔ̃w a lɛ, ʋ mɩ bʋɔl ba na. Ɩ̃ a bala ʋ na bʋɔl, ʋ mɩ lɩɛb ba na a ba tor. Ɩ̃ a bala ʋ na lɩɛb a ba tor, ʋ mɩ maal ba na a ba pɔw a ʋ yo-yifʋ yele.

Orom Sɛbɛ 9:11

Ɩ̃-cɛ, a lɛ ba na ma dãa dɔw ba sɛr wa, a baa mɩ maal a fãa mɩɩ a son wa, a Naaŋmɩn yel ʋ na, áa kpɛ̃ɛ nɔɔ tʋnɔ na kʋrɔ a bile. A Naaŋmɩn bʋɔrɔ na ʋ miil a nɔhɔ̃ á ʋ tɛrɛ na a ʋ maalfʋ, vɛlɛ ire nɩ a nɩbɛ. Ʋ maa vɛl ir a ʋ nɩrɛ tu nɩ a ʋ maal-bie wa, ɩ̃-cɛ ʋ ma vɛl ʋ na ir tu nɩ a ʋlɔ Naaŋmɩn bʋɔlfʋ, a mɩnɛ a ʋ pʋ-tɩɛrʋ̃ na tʋɔ maal wa baar.

Galatɩ Sɛbɛ 3:18

A ala ɩ̃ ɩ a yel-sono ala a Naaŋmɩn na gbɛɛrɩ̃ bin sɩ yi na a ƴɛr-kpɛn jɔfʋ pʋɔ, aa lɛ tʋɔrɔ yire a pʋlɩ̃fʋ pʋɔ wa. Ɩ̃-cɛ a Abʋraham pɔw na a ana yele a Naaŋmɩn pʋlɩ̃fʋ pʋɔ.

Ɛfɛɛsɩ Sɛbɛ 1:14

A Sɩɛ ʋlɔ mɩ miile sɩ na a yele ala a Naaŋmɩn na gbɛɛrɩ̃ bin a ʋ nɩbɛ ɩnɛ, a yele ala sɩ na pɔwrɔ a lɛdaar a Naaŋmɩn na faara a ʋ mɩ̃ɛ nɩbɛ ba jaa baara, a ba pɛwrɛ ʋ, a ʋ yuor na yire.

Ɛfɛɛsɩ Sɛbɛ 1:18

Ɩ̃ mɩ sʋɔrɔ ʋ na á ʋ yuo a nyɩ tɩɛrʋ̃ a nyɩ na tʋɔ bɔ̃w a yele ala ɩnɛ a Naaŋmɩn na bʋɔl nyɩ, nyɩ nɔɔ mɩ pɔwrɔ a ʋ jie a nɩdaar kãw, nɩ a na-yel-ɓɔmɔ ala ʋ na gbɛɛrɩ̃ bin a ʋ nɩbɛ ɩnɛ,

Ɛfɛɛsɩ Sɛbɛ 1:5

ʋ dãa na de nĩe ow sɩ kpee a sɩ na lɩɛb ɩ a ʋ bibiir a Jeeju-Kirisi ɩnɛ, a-na-ɩ lɛ ʋ nyɛ a nʋmɔ ʋ ɩ̃ mɩ ɩ a ʋ pʋ-tɩɛrʋ̃.

Ɛfɛɛsɩ Sɛbɛ 1:8

ɩ̃ a ʋ maal-vɩlaa mɩ dɔɔlɔ taa a sɩ jie! Ʋ kʋ sɩ na a kpaarfʋ nɩ a yẽ a jaa

Ɛfɛɛsɩ Sɛbɛ 1:9

a sɩ na bɔ̃w nɩ a yel-sɔɔlsɩ ala na be a ʋ pʋ-tɩɛrʋ̃ pʋɔ, a-na-ɩ lɛ ʋ mɩ dãa bʋɔrɔ ʋ maal a ʋ tʋmɔ a Kirisi pʋɔ.

Ɛfɛɛsɩ Sɛbɛ 3:11

A ala a jaa maalʼã tu nɩ a Naaŋmɩn pʋ-tɩɛrʋ̃ ʋ na dãa tɛrɛ a korĩ-cɛ jaa ɩ̃ pãa de a sɩ Nɩ-kpɛ̃ɛ Jeeju-Kirisi maalʼɩ̃.

Kɔlɔsɩ Sɛbɛ 1:12

Nyɩ́ pɛwrɛ a Sãa Naaŋmɩn nɩ nʋ̃ɔ, na kʋ nyɩ a sɔr a nyɩ na tʋɔ pɔw a yele ala ʋ na gbɛɛrɩ̃ bin, nɩ a bala ʋ na sɔ, a tẽ-cãa pʋɔ.

Kɔlɔsɩ Sɛbɛ 3:24

bɔ̃w nɩ ka a Nɩ-kpɛ̃ɛ na ya nyɩ na. A ʋ jie nyɩ na pɔw a yele ala ʋ na gbɛɛrɩ̃ bin a ʋ nɩbɛ. A Nɩ-kpɛ̃ɛ ʋlɔ nyɩ na tʋnɔ kʋrɔ ɩ na a *Kirisi.

Tɩtɩ Sɛbɛ 2:14

Ʋ tɩɩrʼã a ʋ mɩ̃ɛ a sɩ ɩnɛ, na tʋɔ da sɩ faa a yel-faar a jaa pʋɔ, ɩ̃ pɛw sɩ bar a sɩ ɩ a ʋ mɩ̃ɛ tɛw ben, mɩ ɓĩɓine a tʋ̃-vɛlɛ a jaa maalfʋ ɩnɛ.

Tɩtɩ Sɛbɛ 3:7

a sɩ na ɩ a nɩ-torisɩ a ʋ sũofʋ ɩnɛ, ɩ̃ mɩ pɔw a baa-kɔ̃-tɛw ʋlɔ sɩ na gu nɩ a sɩ tɩɛrʋ̃ son.

Eburo Sɛbɛ 6:17

Ala-ɩ̃-sɔ a Naaŋmɩn de na a ʋ mɩ̃ɛ yuor pʋlɩ̃ nɩ, a-na-ɩ ʋ bʋɔrɔ na a ʋ miil cãa pʋɔ a bala nɔɔ pɔwrɔ a ʋ pʋlɩ̃fʋ bom, a ꞌwaa lɔɔ lɩɛbɛ a ʋ ƴɛr-bir fɩ̃ɩ wa.

Jakɩ Sɛbɛ 2:5

Ɩ̃ yɛ-nʋnɩsɩ, nyɩ́ cɛlɛ! A Naaŋmɩn vɛlʼã ir a bala na ɩ a tẽw na nɩ-kɔmsɩ, a mɩnɛ a ba na le a ƴɔ̃w-nyãa pʋɔ, na ba pɔw a Naaŋmɩn naa-tẽw ʋ na pʋlɩ̃ nɩ a bala na nʋnɔ ʋ.

1 Pɩɛr Sɛbɛ 1:4

cɛlɛ nɩ a yel-sono ala a Naaŋmɩn na gbɛɛrɩ̃ bin sɩ a saa juu, na ma tɛrɛ sãwfʋ mɩɩ a sɔbfʋ wa, ɩ̃ ma mɩ tʋɔrɔ kpooro wa.

1 Pɩɛr Sɛbɛ 3:9

Nyɩ taa lɩɛb maal a bier ya a bier ba na maal nyɩ wa, mɩɩ de a tʋ-bir tʋ ya a ʋlɔ na tʋ fʋ wa, ɩ̃ nyɩ́ ɛ̃ɛ ƴɛr nason ƴɔ̃w a sʋbɔ, a-na-ɩ a nason pɔwfʋ ɩnɛ a Naaŋmɩn bʋɔl nyɩ.