Kɔlɔsɩ Sɛbɛ 4:5 - A NAAŊMƖN PƲLƖ̃-TA-PAALAA

⁵ Nyɩ́ tɛrɛ a kpaarfʋ a nyɩ maalfʋ pʋɔ a bala na ma puoro wa jie, nyɩrɛ tʋnɔ a daarʼã pʋɔ nyɩ na be.

Kɔlɔsɩ Sɛbɛ 4:5 Iomraidhean Croise

Matie Sɛbɛ 10:16

“Nyɩ́ nyɛ, ɩ̃ tʋnɔ nyɩ na wɔ̃ taa nɩ piir a wɛ-baar sɔ̃w. Ala-ɩ̃-sɔ, nyɩ́ ɩ nɩ-kpaarsɩ a wɩ́ɩr kaarɩ̃, ɩ̃ mɩ wɔ̃ taa nɩ a ŋmama na ma bɔ̃w a bier maalfʋ wa.

Markɩ Sɛbɛ 4:11

Ʋ yel ba: “A ala ɩ̃ ɩ nyɩmɩ ʋ, a Naaŋmɩn fãw ƴɛr-bɔ̃w-faarsɩ par nyɩrʼã a nyɩ jie, ɩ̃-cɛ a nɩ-kpeesɩ jie, a yele a jaa par sɔɔlɩ̃ na a sʋkpar pʋɔ,

Orom Sɛbɛ 16:19

A nyɩ toor wõfʋ ta na a jiir a jaa, ala-ɩ̃-sɔ ɩ̃ cɩlɛ na a nyɩ maalfʋ ɩnɛ. Ɩ̃-cɛ ɩ̃ bʋɔrɔ na nyɩ ɩ nɩ-kpaarsɩ maala nɩ a vɩlaa, ɩ̃ ɩ cɛcɛ, sɔmɔ nɩ a bier.

Kɔlɔsɩ Sɛbɛ 3:16

Nyɩ́ sɔw de a Kirisi ƴɛrɩ̃ ʋ nyɩrɩ̃ sɛw a nyɩ suur, a mɩnɛ nyɩ na jaana taa mɩ kpãkpana nɩ taa nɩ a kpaarfʋ ala a jaa a Naaŋmɩn na kʋ nyɩ. Nyɩ́ mɩ pɛwrɛ a Naaŋmɩn nɩ a nyɩ suur ʋ jaa, cɩɛrɛ nɩ a Naaŋmɩn Sɛbɛ yelsɩ, nɩ a yelsɩ ala nyɩ na ƴɔ̃w, nɩ a ala a Naaŋmɩn Sɩɛ na kʋ nyɩ.

1 Tɛsaloniki Sɛbɛ 4:12

A nyɩmɩ maala a nɔhɔ̃, a bala na ma puoro wa na ƴɔnɔ nyɩ na, ɩ̃-cɛ nyɩ kɔ̃ lɛ bʋɔrɔ a nɩrɛ bom wa.

1 Timote Sɛbɛ 3:7

A sɛw na ʋ ɩ nɩrɛ a bala na ma puoro wa na ƴɔnɔ, a mɩnɛ a ba kɔ̃ wa kpɛrɛ ʋ, ɩ̃ ʋ wa lo a Satã cakpo pʋɔ wa.

Jakɩ Sɛbɛ 1:5

Ɩ̃-cɛ a ala ɩ a nyɩ sɔ̃w, nɩrɛ kãw faa na a kpaarfʋ, a sɛw na ʋ̃ sʋɔr a Naaŋmɩn jie, ɩ̃ ʋ na kʋ ʋ na. A-na-ɩ a Naaŋmɩn ma tɩɩrʼã kʋ a nɩbɛ ba jaa nɩ su-son; ʋ maa gala tɩɩrɛ nɩ wa.

Jakɩ Sɛbɛ 3:13

Nɩrɛ be na a nyɩ sɔ̃w na kpaar, mɩ tɛrɛ nɩ a bɔ̃wfʋ mɩɩ? A sɛw na a ʋ yɛ̃ son á miil a ʋ maal-bie pʋɔ ʋ na maala nɩ a hɛlɛlɛ yɛ̃ nɩ a kpaarfʋ.

Jakɩ Sɛbɛ 3:17

Ɩ̃-cɛ a nɩrɛ ʋlɔ na tɛrɛ a kpaarfʋ ʋlɔ na yi a Naaŋmɩn jie ma ɩ na cɛcɛ sɛr, ɩ̃ pãa tɛrɛ a su-ɓaar, nɩ hɛlɛlɛ yɛ̃. Ʋ̃ ma balʼã, tɛrɛ nɩ a nã-bɔ̃wfʋ, maala nɩ a vɩlaa. ꞌWaa tuure wa, ɩ̃ ma ɩ poe ayi sʋbɔ wa.

1 Pɩɛr Sɛbɛ 3:1

A nyɩmɩ pɔɔbɔ mɩ, nyɩ́ wur a nyɩ mɩ̃ɛ a nyɩ sɩrbɛ jie, a mɩnɛ a ŋmɛɛ wa wõw a Naaŋmɩn ƴɛrɩ̃ a toor, ba na nyɛ na a nyɩ maal-bie ɩ̃ lɩɛb puoro ʋ a ala ɩnɛ. Nyɩ kɔ̃ bʋɔrɔ nyɩ haa nʋɔr ƴɛrʼɩ̃ ba a ala wa,