Kɔlɔsɩ Sɛbɛ 2:7 - A NAAŊMƖN PƲLƖ̃-TA-PAALAA

⁷ Nyɩ́ bɔ̃w bá ɩraa a ʋ pʋɔ, mɩ de nɩ a nyɩ mɩ̃ɛ dɔɔl a ʋ juu, nʋ̃ɔnɔ nɩ a daar a jaa a ƴɔ̃w-nyãa pʋɔ tuure nɩ a ala ba na dãa jaan nyɩ, mɩ pɛwrɛ nɩ a Naaŋmɩn a daar a jaa.

Kɔlɔsɩ Sɛbɛ 2:7 Iomraidhean Croise

Luki Sɛbɛ 6:48

Ʋ wɔ̃ na taa nɩ daba na mɩɛrɛ yir ɩ̃ tuu a bɔw ʋ kpɛ, ʋ kpar a dacin a kubir-pan juu. A kʋ̃ɔ wa na a kʋlaa paal yi ŋmeere a yir ʋlɔ, ɩ̃-cɛ ꞌwaa tʋɔ ʋ wɛl bar wa, a-na-ɩ ba dãa na bɔ̃w mɛ ʋ.

Orom Sɛbɛ 16:25

Naaŋmɩn sɔ pɛwfʋ, a ʋlɔ na tʋɔrɔ maala nyɩ a nyɩ na ɩraa cĩcĩ, tu nɩ a ɩ̃ ƴɛr-son na ɩ a *Jeeju-Kirisi ƴɛrɩ̃ ɩ̃ na hiere. A ƴɛrɩ̃ ʋlɔ dãa na sɔɔlɩ̃ a sɩ jie a korĩ-cɛ-cɛ jaa,

1 Kɔrɛ̃tɩ Sɛbɛ 1:8

A ʋlɔ mɩ̃ɛ na tɛrɛ nyɩ na ɩraa nɩ cĩcĩ wa ta nɩ a baarfʋ daar, a mɩnɛ a sɩ Nɩ-kpɛ̃ɛ Jeeju-Kirisi waa dayen, a ba kɔ̃ tʋɔ nyɛ cɛfʋ jie a nyɩ jie wa.

1 Kɔrɛ̃tɩ Sɛbɛ 15:58

Ala-ɩ̃-sɔ ɩ̃ yɛ-nʋnɩsɩ, nyɩ́ ɩraa cĩcĩ kɔ̃ dama wa. Nyɩ́ nyɩrɛ tʋnɔ a Nɩ-kpɛ̃ɛ tʋmɔ, a mɩnɛ nyɩ na bɔ̃w ka a tʋmɔ ala nyɩ na tʋnɔ a Nɩ-kpɛ̃ɛ ɩnɛ ma ɩ pɔrɔ wa.

2 Kɔrɛ̃tɩ Sɛbɛ 1:21

A ɩ na a ʋna Naaŋmɩn na ow sɩ a kpee, a sɩmɩ nɩ a nyɩmɩ, ɩ̃ maal sɩ a sɩ ɩraa cĩcĩ a *Kirisi pʋɔ,

Ɛfɛɛsɩ Sɛbɛ 3:17

Ɩ̃ mɩ sʋɔrɔ ʋ na a mɩnɛ a *Kirisi na tʋɔrɔ beree a nyɩ suur pʋɔ a nyɩ ƴɔ̃w-nyãa ɩnɛ, a nyɩ na ba ɩraa cĩcĩ a ʋ nʋfʋ pʋɔ,

Ɛfɛɛsɩ Sɛbɛ 4:21

A mɩnɛ nyɩ na ɩ a Kirisi nɩbɛ, ɩ̃ bɔ̃w ka nyɩ wõ na a ba ƴɛr a *Jeeju ƴɛrɩ̃, ɩ̃ jaan nyɩ a yel-mɩ̃ɛ ʋlɔ na be a ʋ pʋɔ.

Ɛfɛɛsɩ Sɛbɛ 5:20

A daar a jaa, nyɩ́ puoro a Sãa Naaŋmɩn nɩ a sɩ Nɩ-kpɛ̃ɛ *Jeeju-Kirisi yuor a yele a jaa pʋɔ.

Kɔlɔsɩ Sɛbɛ 1:23

Ɩ̃-cɛ a sɛw na a nyɩ na cãa ba ɩraa a nyɩ ƴɔ̃w-nyãa pʋɔ kɔ̃ sɔw bar a tɩɛrɩ̃-son nyɩ na pɔw a lɛdaar nyɩ na dãa wõ a *Jeeju-Kirisi ƴɛr-son wa. A ɩ na a ƴɛr-son ʋlɔ ba na hier kʋ a tẽw nɩbɛ ba jaa, ɩ̃ a ala ɩnɛ a maa Pol lɩɛb ɩ a tʋ̃tʋnɔ.

Kɔlɔsɩ Sɛbɛ 3:17

A yele a jaa nyɩ na maala mɩɩ a ƴɛrɩ̃sɩ a jaa nyɩ na ƴɛrɛ, nyɩ́ maala a Nɩ-kpɛ̃ɛ *Jeeju yuor pʋɔ, pɛwrɛ nɩ a Sãa Naaŋmɩn nɩ a Kirisi yuor.

1 Tɛsaloniki Sɛbɛ 5:18

A bom lɛ na tara, nyɩ́ puoro a Naaŋmɩn, a-na-ɩ a lɛ ɩ̃ ɩ a ʋ pʋ-tɩɛrʋ̃ a *Jeeju-Kirisi pʋɔ a nyɩ ɩnɛ.

Eburo Sɛbɛ 13:15

Ala-ɩ̃-sɔ, sɩ́ de a Jeeju yuor pɛwrɛ nɩ a Naaŋmɩn a daar a jaa, a wɔ̃ taa nɩ baar-lo-bom na yi a sɩmɩ na kãkara ʋ nɔɛ pʋɔ.

Eburo Sɛbɛ 13:9

Nyɩ taa wa ɩ a ba taw nyɩ bɔrʼɩ̃ a jaan-kpe-paala pʋɔ wa. A vɩɛlɛ na a nyɩ sɩɛ na pɔw a kpɛ̃w a Naaŋmɩn sũofʋ ɩnɛ, ɩ̃ a kɔ̃ ɩ a bõ-dɩrɩsɩ ƴɛrɩ̃ jɔfʋ na ma mɩ dãa sũo nɩ-bõ-ƴen fɩ̃ɩ wa.

1 Pɩɛr Sɛbɛ 5:10

Ɩ̃-cɛ, a lɛdaar nyɩ na nyɛrɛ a nãw a daar fɩ̃ɩ pʋɔ baara, a Naaŋmɩn ʋlɔ jie a sũofʋ a jaa na yire, na mɩ dãa bʋɔl nyɩ a nyɩ na be a Kirisi pʋɔ lãa pɔw nɩ ʋ a yo-yifʋ ʋlɔ na ma baara wa, a ʋlɔ mɩ̃ɛ na cɔɔrɩ̃ nyɩ na, kʋ nɩ nyɩ a kpɛ̃w, a nyɩ na ɩraa cĩcĩ kɔ̃ tɛrɛ damfʋ jie wa.

Judi Sɛbɛ 1:12

Bala waara nɩ a sãwfʋ a nyɩ lãa-taa-dɩb dɩfʋ daar. Ba ma dɩrɛ na, maa mɩ bɛr nɩrɛ wa. Ba wɔ̃ na taa nɩ dɔ̃dɔrɩ̃sɩ a sɛsɛb na de ɩ̃ ma ɩ saa wa, ɩ̃ lɛ wɔ̃ taa nɩ tɩɩr na ta a wɔ̃fʋ ɩ̃ ma lɛ wɔ̃ wa, ɩ̃ kpi daadaa a ba vɔ̃ ba bar.

Judi Sɛbɛ 1:20

Ɩ̃-cɛ ɩ̃ badɛɛ, nyɩ́ ɩraa cĩcĩ a Naaŋmɩn ƴɛr-cɛcɛ ba na jaan nyɩ pʋɔ, karɛɛ nɩ dɔɔlɔ. Nyɩ́ sʋɔrɔ a Naaŋmɩn nɩ a ʋ Sɩɛ kpɛ̃w,

Judi Sɛbɛ 1:24

Naaŋmɩn sɔ pɛwfʋ, a ʋlɔ na tʋɔrɔ gure nyɩ a lofʋ pʋɔ a jiir a jaa, ɩ̃ mɩ maala nyɩ a nyɩ ɩrɛɛ a ʋ yo-yifʋ nii-sɔw nɩ nʋ̃ɔ kpɛ̃ɛ, kɔ̃ tɛrɛ cɛfʋ jie wa.