Kɔlɔsɩ Sɛbɛ 2:4 - A NAAŊMƖN PƲLƖ̃-TA-PAALAA

⁴ Ɩ̃ ƴɛrɛ nɩ nyɩ na a lɛ a mɩnɛ a nyɩ kɔ̃ wa bar nɩrɛ ʋ wa bɛlɛ nyɩ nɩ a ʋ nɔ-kãa ƴɛrɩ̃sɩ wa.

Kɔlɔsɩ Sɛbɛ 2:4 Iomraidhean Croise

Matie Sɛbɛ 24:24

A-na-ɩ a jir-ŋma-Kirisisɩ nɩ a jir-ŋma-ƴɛr-hierbe nɔɔ wa na tʋnɔ a nɔ-kofʋ tʋ̃-bɛrɛ miile nɩ a ba kpɛ̃w, bʋɔrɔ ba bɛlɛ nɩ a bala a Naaŋmɩn na vɛl ir.

Matie Sɛbɛ 24:4

A Jeeju yel ba: “Nyɩ́ tɛrɛ nyɩ mɩ̃ɛ a mɩnɛ a nɩrɛ kɔ̃ wa bɛlɩ̃ nyɩ wa.

Markɩ Sɛbɛ 13:22

A jir-ŋma-Kirisisɩ nɩ a jir-ŋma-ƴɛr-hierbe na irʼã tʋnɔ a nɔ-kofʋ tʋmɔ miile nɩ a ba kpɛ̃w, bʋɔrɔ a ala ɩ̃ ɩ ba tʋɔ na, ba bɛlɩ̃ nɩ a bala a Naaŋmɩn na vɛl ir.

Nɩ-tʋnɩsɩ tʋmɔ Sɛbɛ 20:30

Ɩ̃ a nyɩmɩ mɩ̃ɛ sɔ̃w, a ŋmɛɛ nɔɔ irʼã ŋmara a jirsɩ bɛlɛ nɩ a popuorbo a ba tuure ba.

1 Kɔrɛ̃tɩ Sɛbɛ 2:4

A ɩ̃ ƴɛrɩ̃sɩ ɩ̃ na dãa ƴɛrɛ mɩ hiere nɩ, ma dãa ɩ a tẽw na pʋɔ yɛ̃-ƴɛrɩ̃sɩ wa, ɩ̃-cɛ a miile na a Naaŋmɩn Sɩɛ tʋmɔ nɩ a ʋ kpɛ̃w,

2 Kɔrɛ̃tɩ Sɛbɛ 11:3

Ɩ̃ jɔrɔ na dãbɩ̃ɛ a mɩnɛ a waab ʋlɔ na dãa de a ʋ kpɩlfʋ bɛlɛ nɩ a Awa, a nʋmɔ-wa-sɔw ʋ na mɩ tʋɔ na lɛ de a ʋ kpɩlfʋ cʋrʼɩ̃ a nyɩ tɩɛrɩ̃sɩ, a nyɩ na bar a nyɩ yel-mɩ̃ɛ nɩ a nyɩ su-cɛcɛ a Kirisi tunɩfʋ pʋɔ.

Galatɩ Sɛbɛ 2:4

tuure nɩ a mɩnɛ a yɛ-kpansɩ bala na dãa sɔɔlɩ̃ kpɛ a sɩ pʋɔ na bʋɔrɔ wa. A bana nɩbɛ sɔɔlɩ̃ na kpɛ bʋɔrɔ ba jʋʋr a faafʋ ʋlɔ sɩ na pɔw a *Jeeju-Kirisi pʋɔ, a mɩnɛ a ba na tʋɔ lɩɛb sɩ a sɩ lɛ ɩ a gbãgbaar.

Ɛfɛɛsɩ Sɛbɛ 4:14

A nɔhɔ̃, saa lɛ ɩrɛ bibiir a jaan-kpeesɩ na ma de vavire yʋɔrɔ nɩ a kʋ̃ɔ sɛsɛb kaarɩ̃ wa. A jaanfʋ ala ma yi na a bɛbɛlbɛ bala na kpɩl jie, bɛlɛ nɩ a nɩbɛ a ba bɔrɔ.

Ɛfɛɛsɩ Sɛbɛ 4:17

Ala-ɩ̃-sɔ, nyɩ́ nyɛ a ala ɩ̃ na yele nyɩ nɩ a Nɩ-kpɛ̃ɛ yuor. Nyɩ taa cãa maala a mɩnɛ a nɩ-bʋlsɩ na maala, tuure nɩ a ba tɩɛrɩ̃-pɔrsɩ wa.

Ɛfɛɛsɩ Sɛbɛ 5:6

Nyɩ taa ɩ a nɩrɛ wa bɛlɩ̃ nɩ nyɩ a ƴɛr-pɔrsɩ wa. A yel-nɔhɔ̃ ɩnɛ a Naaŋmɩn su-tuo mɔɔ pɔw a bala na wõw ʋ a toor.

Kɔlɔsɩ Sɛbɛ 2:18

Nɩŋmɛɛ be na be na nʋ a ba mɩ̃ɛ lɔb-barfʋ. A ŋmɛɛ mɩ ma puoro a sɩ-tʋnɩsɩ, ma mɩ cɛ̃pɛrɛ a sɩɛ yele ala ba na ma nyɛ. A maal-bi-lɛ ɩ na yo-bɔb na yi a ɩ̃gan buur tɩɛrɩ̃sɩ pʋɔ na ma tɛrɛ par wa. Nyɩ taa wa sɔwrɔ a nɩ-lɛ nʋmɔ ƴɛrɩ̃sɩ ba na ƴɛrɛ ƴɔnɔ nyɩ wa.

Kɔlɔsɩ Sɛbɛ 2:8

Nyɩ́ tɛrɛ nyɩ mɩ̃ɛ a nɩrɛ kɔ̃ wa bɛlɩ̃ nyɩ pɔw nɩ a nɩbɛ yɛ̃ ƴɛrɩ̃sɩ nɩ a bɛlɩ̃fʋ ƴɛrɩ̃sɩ na ma tɛrɛ par wa. A ƴɛrɩ̃sɩ ala ma yi a *Kirisi jie wa, ɩ̃ a yi na a nyɩ sãa-kʋnbɔ jaanfʋ, nɩ a tẽw na pʋɔ sɩ-bʋrɔ bʋrɔ pʋɔ.

2 Timote Sɛbɛ 2:16

Ŋmaa yi a ƴɛr-pɔrsɩ ala na ma tɛrɛ a par wa pʋɔ, a-na-ɩ a bala na be tɔ, a ma tawra ba na jãana nɩ a Naaŋmɩn.

2 Timote Sɛbɛ 3:13

Ɩ̃-cɛ a nɩ-bebe nɩ a jɩ-bʋʋrbɔ na cere na nii-sɔw a ba fãa pʋɔ, bɛlɛ nɩ a nɩbɛ, ɩ̃ a ba mɩ bɛlɛ ba.

1 Jã Sɛbɛ 2:18

Ɩ̃ bibiir, nyɩ́ nyɛ, a tẽw baarfʋ daar tara na. Nyɩ wõ na a ba yel á *Kirisi San-Sʋbɔ waara na. Ɩ̃-cɛ a ƴɛ̃ƴɛrɩ̃, a *Kirisi sama-deme yaw gɔrʼã be ka. Ala ɩ̃ saa a sɩ bɔ̃w ka a tẽw baarfʋ daar tara na.

1 Jã Sɛbɛ 2:26

Ɩ̃ sɛb nyɩ na a asɩmɛ a bala na bʋɔrɔ ba bɛlɛ nyɩ a nyɩ bɔr ɩnɛ.

1 Jã Sɛbɛ 4:1

Ɩ̃ badɛɛ, nyɩ taa wa sɔwrɔ a bala ba jaa na yele áa Naaŋmɩn Sɩɛ ba tɛrɛ ƴɛrʼɩ̃ wa, ɩ̃-cɛ nyɩ́ jʋʋr ba je kãa, a ala ɩ ba sɩrɩ̃ na tɛrɛ a Naaŋmɩn Sɩɛ, a-na-ɩ jir-ŋma-ƴɛr-hierbe yaw yɛrʼã pɔw a tẽw.

2 Jã Sɛbɛ 1:7

A bɛbɛlbɛ yayaw yɛrʼã pɔw a tẽw. Ba maa sɔw áa *Jeeju-Kirisi sɩrɩ̃ na lɩɛb tɛrɛ a nɩrɛ ɩ̃gan wa. Bɛbɛlbɛ nɩ a *Kirisi sama-deme ba ɩ.

Miilfʋ Sɛbɛ 12:9

Ɩ̃ ba lɔbʼã a gbãgbacol kpɛ̃ɛ ʋlɔ bar a yẽw, a ʋlɔ na ɩ a tẽkorĩ waab, ba na bʋɔlɔ a cicile, nɩ a Satã, na bɛlɛ a tẽw nɩbɛ ba jaa. Ba lɔb ʋ na bar a ka a tẽw pʋɔ, nɩ a ʋ sɩ-tʋnɩsɩ ba jaa.

Miilfʋ Sɛbɛ 13:8

A tẽw pʋɔ nɩbɛ ba jaa, a bala a ba yoe na ma sɛb a baafʋ sɛbɛ pʋɔ wa, nɔɔ gbure na a dume puoro ʋ, a lɛ yelʼã a bala yoe na ma sɛb a Péle sɛbɛ pʋɔ wa, a ʋlɔ ba na dãa kú a tẽw nyɔwfʋ daar jaa.

Miilfʋ Sɛbɛ 20:3

Ʋ de ʋ na lɔb ƴɔ̃w a bɔw ʋlɔ pʋɔ na ma tɛrɛ a bɛwfʋ wa, ɩ̃ kpal ƴɔ̃w nɩ a jɩbaa, a mɩnɛ ʋ kɔ̃ lɛ tʋɔ cãa bɛlɛ a tẽw nɩbɛ wa ta nɩ a yomo tur ala na tɔlɔ. A ala ɩ̃ tɔl baar, a sɛw na a ba na ꞌlor ʋ bar daar fɩ̃ɩ pʋɔ.

Miilfʋ Sɛbɛ 20:8

na ʋ cen na bɛlɩ̃ a ten bʋrɔ bʋrɔ a lõbobo a jaa, ba na bʋɔlɔ a Gɔgɩ nɩ a Magɔgɩ, kpaarɩ̃ ba taa a jɛb ɩnɛ. Ba na waa na jɛ̃ taa nɩ a man gbẽgbere nʋɔr biire.