2 Kɔrɛ̃tɩ Sɛbɛ 3:1 - A NAAŊMƖN PƲLƖ̃-TA-PAALAA

¹ A sɩ mɩ̃ɛ sɩ lɛ nyɔw ɩ̃ pɛwrɛ mɩɩ? Mɩɩ sɩ sɛw na na tɛrɛ a tʋmɔ sɛbsɩ sɩ na tɩɩrɛ kʋrɔ taa a mɩnɛ a ŋmɛɛ na ma maal mɩɩ?

2 Kɔrɛ̃tɩ Sɛbɛ 3:1 Iomraidhean Croise

2 Kɔrɛ̃tɩ Sɛbɛ 12:11

Ɩ̃ lɩɛbʼã ɩ a dãbol, ɩ̃ a nyɩ maalfʋ ɩ̃ fɛr ma ƴɔ̃w, a nyɩmɩ na dãa sɛw nyɩ ɓã ma. A ala saarɩ̃ ɩ maa ɩ bom wa, ɩ̃-cɛ maa pab bom kãw ɩnɛ a nyɩ nɩ-tʋ̃-vɛlɛ jie wa.

2 Kɔrɛ̃tɩ Sɛbɛ 10:12

A-na-ɩ saa ꞌlara beree a bala na yele á nɩ-sono ba ɩ pʋɔ wa, mɩɩ diere a sɩ mɩ̃ɛ mana nɩ ba wa. Ba ma lɛ de na a ba mɩ̃ɛ lɛ mɩɩnɛ nɩ a ba mɩ̃ɛ, ɩ̃ ma lɛ de a ba mɩ̃ɛ ƴɛrɩ̃sɩ lɛ mana nɩ a ba mɩ̃ɛ. A mɩnɛ ba na maala a nɔhɔ̃, baa bɔ̃w bom wa.

2 Kɔrɛ̃tɩ Sɛbɛ 5:12

Aa ɩ sɩ pɛwrɛ na a sɩ mɩ̃ɛ a nyɩ jie go wa, ɩ̃-cɛ sɩ bʋɔrɔ na sɩ kʋ nyɩ sɔr a nyɩ na bar tɩɛrʋ̃ a sɩ ɩnɛ, a mɩnɛ nyɩ na tʋɔrɔ yele a bala na bar a suur pʋɔ yele, ɩ̃ bʋɔrɔ a yuor a ɩ̃gan pʋɔ.

Nɩ-tʋnɩsɩ tʋmɔ Sɛbɛ 18:27

A ɩ na fɩ̃ɩ, a Apolosi bʋɔrɔ ʋ cen a Akayi, a yɛɛr ƴɔ̃w ʋ a sɔr vɩlaa, ɩ̃ sɛb sɛbɛ tɩɩr kʋ a popuorbo a ʋna tẽw naa pʋɔ, á ba de ʋ vɩlaa. A mɩnɛ ʋ na ta a be, ʋ nyɩrɩ̃ na sũo a bala a Naaŋmɩn maal-vɩlaa na saa a ba sɔw de a Jeeju.

1 Kɔrɛ̃tɩ Sɛbɛ 16:3

Ɩ a lɛdaar ɩ̃ na wɩɛrɛ, ɩ̃ na tʋ na a nɩbɛ bala nyɩ na vɛlɛ ire, nɩ a sɛbsɩ, a ba na cenʼɩ̃ a libie ala tɩɩr a Jerujalɛm.

2 Kɔrɛ̃tɩ Sɛbɛ 12:19

Yɛ-nʋnɩsɩ, nyɩ ma tɩɛrʼã a korĩ-cɛ á sɩ ma bʋɔrɔ na sɩ miil a sɩ torfʋ a nyɩ nii-sɔw, ɩ̃-cɛ aa ɩ lɛ ʋ wa. Sɩ ma ƴɛrɛ na a ala a jaa a Naaŋmɩn nii-sɔw a *Kirisi pʋɔ, a mɩnɛ nyɩ na tʋɔrɔ karɛɛ dɔɔlɔ a nyɩ ƴɔ̃w-nyãa pʋɔ.

2 Kɔrɛ̃tɩ Sɛbɛ 10:8

A ala saarɩ̃ ɩ ɩ̃ dɔɔlʼã fɩ̃ɩ a tʋɔfʋ ʋlɔ a Nɩ-kpee na kʋ sɩ juu, ɩ̃-cɛ vĩ ma nyɔw ma wa, a-na-ɩ a Nɩ-kpɛ̃ɛ ma kʋ sɩ a ʋna tʋɔfʋ a sɩ na wɛl nyɩ bar wa, ɩ̃-cɛ a nyɩ na tʋɔ karɩ̃ dɔɔl.

2 Kɔrɛ̃tɩ Sɛbɛ 2:17

Saa wɔ̃ taa nɩ a yaw jie bala na ma yʋɔrɔ nɩ a Naaŋmɩn ƴɛrɩ̃ bʋɔrɔ nɩ a libie wa, ɩ-cɛ, a mɩnɛ a Naaŋmɩn na tʋ̃ sɩ, sɩ ma ƴɛrɛ na a cãa pʋɔ a ʋ nii-sɔw, a mɩnɛ sɩ na ɩ a Kirisi nɩbɛ.

1 Kɔrɛ̃tɩ Sɛbɛ 10:33

Nyɩ́ maala a ɩ̃ kaarɩ̃. Ɩ̃ bʋɔrɔ na ɩ̃ maala a yele a jaa a na nʋmɔ a nɩbɛ ba jaa. Maa bʋɔrɔ ɩ̃ mɩ̃ɛ bom wa, ɩ̃ ɩ̃ bʋɔrɔ na a nɩbɛ ba jaa son, a mɩnɛ a ba na tʋɔ pɔw a faafʋ.

1 Kɔrɛ̃tɩ Sɛbɛ 4:15

A nyɩmɩ saarɩ̃ tɛrɛ tɔtɔɔrbɔ ture pie na tɔwrɔ nyɩ a Kirisi sɔr pʋɔ, ɩ̃ sãa bõ-ƴen tɛw nyɩ tɛrɛ. A Naaŋmɩn ƴɛr-son ɩ̃ na dãa wɩ nɩ ƴɛr kʋ nyɩ ɩnɛ ɩ̃ lɩɛb ɩ a nyɩ sãa a *Jeeju-Kirisi pʋɔ.

1 Kɔrɛ̃tɩ Sɛbɛ 3:10

A mɩnɛ a Naaŋmɩn na sũo ma ɩ̃ ɩ a yi-mɛ-gãdaa, ɩ̃ binʼã a dacin kparaa, ɩ̃ a ƴen sʋbɔ mɩɛrɛ dɔɔlɔ. Ɩ̃-cɛ a nɩrɛ lɛ sɛw na ʋ bɔ̃w mɩɛrɛ dɔɔlɔ.

Orom Sɛbɛ 16:1

Ɩ̃ sʋɔr nyɩ na a sɩ yɛ-pɔw Febe ɩnɛ, a ʋlɔ na tʋnɔ a Naaŋmɩn tʋn a Sãkire-tẽw *duo-puorbo sɔ̃w,

2 Kɔrɛ̃tɩ Sɛbɛ 10:18

Aa ɩ a nɩrɛ ʋlɔ na yel á nɩ-son ʋ ɩ, na sɩrɩ̃ ɩ a nɩ-son wa, ɩ̃-cɛ a nɩ-son ɩ na a ʋlɔ a Naaŋmɩn na pɛwrɛ.