Lucas 7:43 - Tte Pa̱'a̱li̱ Me' Skëköl tö Se' a̱

⁴³ Ie' iiu̱té: —Ye' a̱ ta̱, wé̱ne nuì̱ olone kibiie e' ë́k. Jesús tö iché: —Buaë be' iiu̱té.

Lucas 7:43 Iomraidhean Croise

Mateo 18:27

Blu' ie' sué̱ e̱r sia̱rë wa, e' kue̱ki̱ iñarke ko̱s e' olo'yéitö iki̱ se̱raa̱ ta̱ iémine bë̀rë.

Marcos 12:34

Mik ie' isué̱ tö s'wöbla'u̱kwak ttè dalöiëno wa, e' tö ie' iu̱té buaë yësyësë, eta̱ ie' tö iché ia̱: —Ì blúie Skëköl tso' e' o̱'mik tsi̱net be' tso'. Eta̱ kë̀ yi kësik dë'ka̱ia̱ ie' a̱ ì skà chakök.

Lucas 10:38

Jesús ena ittökatapa míyal ñala̱ wa dö̀ Jerusalén, ta̱ ie'pa de ká̱ tsir ese a̱. Ee̱ alaköl se̱rke eköl kiè Marta, e' tö Jesús kiéwa̱ buaë ie' u a̱.

Lucas 7:42

Ie'pa böl kë̀ a̱ ipato̱r, e' kue̱ki̱ inuköl peitökwak tö inuì̱ olo'yé ie'pa ki̱. Ye' tö be' a̱ ichakè tö ie'pa böl, ¿wé̱ne ë́k é̱na inuköl peitökwak dalërmi kibiie?

Lucas 7:44

Eta̱ Jesús tö alaköl sué̱ ta̱ ichéitö Simón a̱: —Alaköl i' sa̱ú̱. Mik ye' dewa̱ be' u a̱, eta̱ be' kë̀ wa̱ ye' a̱ di' mène ye' klö̀ skuoie, erë alaköl i' tö ye' klö̀ skué iwöriö wa ta̱ ipasiwé̱itö itsà̱ wa.

Lucas 7:47

E' kue̱ki̱ ye' ichè be' a̱ tö ie' é̱na ye' dalër tai̱ë e' wa iwënewa̱ tö ì sulu wamblé ie' tö tai̱ë, e' nuí̱ olone ie' ki̱. Erë wé̱pa kë̀ é̱na ye' dalërta̱' tai̱ë, e' wa iwënewa̱ tö esepa ki̱ inuì̱ olone elkela ë̀.