Lucas 7:16 - Tte Pa̱'a̱li̱ Me' Skëköl tö Se' a̱

¹⁶ Ko̱s pë' tso' ie'pa ta̱ e'pa suane tai̱ë, Skëköl ki̱kéka̱ ie'pa tö tai̱ë ta̱ ichérakitö: —Skëköl tteköl chö́k eköl, e' de se' shu̱a̱. Ñies ie'pa tö iché: —Skëköl de se' dör ie' icha esepa ki̱muk.

Lucas 7:16 Iomraidhean Croise

Éxodo 4:31

Israel aleripa tö Aarón ttè klö'wé̱. Mik ie'pa é̱na ia̱ne tö Jehová é̱na ie'pa dalërke, ñies tö ie'pa weirke sia̱rë e' sué̱itö, eta̱ ie'pa e̱' wöéwa i̱ski̱ ie' dalöiök.

Mateo 15:31

Pë' ulitane tso' ee̱ isa̱u̱k e'pa wökrarulune. Ie'pa tö isué̱ tö kë̀ s'tto esepa ttéka̱ne, s'ulà ena s'klö̀ suluulewa̱ esepa buanene, kë̀ s'shko esepa shkéne, ñies kë̀ s'wöbla wawër, esepa wöbla wawëne. E' kue̱ki̱ ie'pa tso' Israel aleripa Këköl ki̱kökka̱ tai̱ë.

Mateo 21:11

Pë' datse̱ tai̱ë ie' ta̱, e'pa tö iu̱té: —E' dör Jesús. Ie' dör Skëköl tteköl datse̱ Nazaret a̱te̱ Galilea e'.

Mateo 28:8

Eta̱ alakölpa míyal shka̱la̱la̱ë. Ie'pa suane erë ñies ie'pa ttsë'ne buaë. Ie'pa tu̱nemirak ibiyö́ muk Jesús ttökatapa a̱.

Mateo 9:8

Mik e' sué̱ pë' tso' ee̱ e'pa tö, eta̱ ie'pa suane tai̱ë. Ie'pa tö isué̱ tö Skëköl tö diché tai̱ë mé s'ditsö eköl a̱, e' kue̱ki̱ ie'pa tö Skëköl ki̱kéka̱ tai̱ë.

Lucas 1:65

Pë' se̱rke tsi̱net, e'pa ko̱s tkirulune tai̱ë. Ñies pë' ko̱s se̱rke Judea ké̱bata a̱, e'pa shu̱a̱ itté buneka̱ tai̱ë.

Lucas 1:68

“Skëköl dör Israel aleripa Këköl, e' de ie' icha ko̱s tsa̱tkök, e' kue̱ki̱ iki̱köka̱sö tai̱ë.

Lucas 19:44

Ie'pa tö a' ká̱ ena a' wakpa ko̱s e̱we̱rawa. A' u ko̱s olordawa̱, e' éki kë̀ a̱tpa ñì bata ki̱. Skëköl de a' tsa̱tkök, e' ké̱wö de a' ki̱ erë iwatéttsa̱ a' tö. E' kue̱ki̱ e' ko̱s tköraë a' ta̱.

Lucas 2:20

Eta̱ obeja kkö'nukwakpa míyalne. Ì ko̱s ttsé ie'pa tö, sué̱ ie'pa tö, e' ki̱ ie'pa tö Skëköl ki̱keka̱rami.

Lucas 24:19

Ie' tö ie'pa a̱ ichaké: —¿Ì bak? Ie'pa iiu̱té: —Ì bak wëm kiè Jesús dör Nazaret wak e' ta̱ e'. Ie' dör Skëköl tteköl buaë, diché ta̱' tai̱ë Skëköl wöa̱. Ì kë̀ o̱r yi a̱ ese wé̱ ie' tö tai̱ë sulitane wörki̱. Ñies s'wöbla'wé̱itö ttè buaë moki̱ wa.

Lucas 5:26

Ie'pa wökrarulune iweblök ta̱ Skëköl ki̱kéka̱rakitö tai̱ë. Ie'pa suane ta̱ ichéitörak: —Ì sué̱ se' tö i̱'ñe, e' kë̀ su̱ule se' wa̱ yës.

Lucas 5:8

Mik e' sué̱ Simón Pedro tö, eta̱ ie' e̱' tkéwa̱ kuchë ki̱ Jesús klö̀ ska' ta̱ ichéitö ia̱: —¡A Skëkëpa, ye' dör pë' sulusi, be' e̱' skö́ttsa̱ ye' yöki̱!

Lucas 7:15

E' bet ta̱ s'nu shke̱neka̱ne e̱' tkése̱r ta̱ itté. Eta̱ Jesús tö imé imì a̱.

Lucas 7:39

Mik fariseowak tö Jesús kié chkök e' tö alaköl sué̱, eta̱ ibikeitséitö: “Wëm wí̱ mú dör Skëköl tteköl moki̱, e̱'ma ie' é̱na ia̱rmi alaköl wé̱se tso' ie' kök. Ie' é̱na ia̱rwa̱mi tö e' dör alaköl sulusi.”

Lucas 8:37

Ká̱ e' wakpa ulitane suane tai̱ë, e' kue̱ki̱ ie'pa kköché Jesús a̱: “Be' e̱' yö́ttsa̱ sa' ká̱ a̱.” Eta̱ Jesús e̱' iéka̱ kanò a̱ ittökatapa ta̱ ta̱ imía̱tke.

Lucas 9:19

Ie'pa tö iiu̱té: —We̱lepa tö icheke tö be' dör Juan S'wöskuökwak. We̱lepa skà tö icheke tö be' dör Skëköl tteköl bak kiè Elías e' shke̱neka̱ne. We̱lepa skà tö icheke tö be' dör Skëköl ttekölpa bak ká̱ ia̱ia̱ë e' we̱le shke̱neka̱ne.

Juan 1:21

Ie'pa tö iskà chaké: —E̱'ma ¿be' dör yi? ¿Be' dör Skëköl tteköl bak kiè Elías e'? Juan tö ie'pa iu̱té: —Au, ye' kë̀ dör ie'. Ie'pa tö iskà chaké: —¿Be' dör Skëköl tö iyë'a̱t tö itteköl skà datse̱ e'? Eta̱ Juan tö iiu̱té: —Au, ye' kë̀ dör ie'.

Juan 1:25

e'pa tö ie' a̱ iskà chaké: —Be' kë̀ dör wé̱ pairine'bitu̱ idi' wa s'blúie e', be' kë̀ dör Elías, be' kë̀ dör Skëköl tteköl ñe', e̱'ma ¿ì kue̱ki̱ be' tö s'wöskueke?

Juan 4:19

Eta̱ alaköl tö iché ie' a̱: —A këkëpa, ye' tö isué̱ tö wësua be' dör Skëköl tteköl.

Juan 6:14

Mik pë' isué̱ tö, ì kë̀ o̱r yi a̱ ese wé̱ Jesús tö, eta̱ ie'pa iché: —Moki̱ wëm wì̱ dör Skëköl tteköl cheke ká̱ ia̱ia̱ë tö idatse̱ e'.

Juan 9:17

Ie'pa tö iskà chakéne wëm buanene e' a̱: —Ie' tö be' wöbla bua'wé̱ne, ¿i̱ma e' wák bikeitsè be' tö? Ie' tö ie'pa iu̱té: —Ye' a̱ ta̱ ie' dör Skëköl tteköl.

Hechos 5:5

Mik e' ttsé Ananías tö eta̱ ia̱newa duowa̱ie. Eta̱ ie'pa ko̱s wa̱ ijche̱newa̱, e'pa suane tai̱ë.

Hechos 7:37

Ie' wák tö iché ie'pa a̱: ‘Skëköl tö itteköl keraka̱ eköl a' shu̱a̱ we̱s ye' es.’

Gálatas 1:24

E' kue̱ki̱ ie'pa tö Skëköl ki̱kéka̱ tai̱ë ye' kue̱ki̱.