Lucas 1:72 - Tte Pa̱'a̱li̱ Me' Skëköl tö Se' a̱

⁷² Ie' tö ittè batse'r me' se' yë́pa bak ká̱ ia̱ia̱ë e'pa a̱ tö ie' se' sue̱raë e̱r sia̱rë wa, e' kë̀ ska' ie' e̱r chë'wa.

Lucas 1:72 Iomraidhean Croise

Génesis 12:3

Wé̱pa e̱r buaë ché be' a̱, esepa a̱ ye' e̱r bua' chöraë. Wé̱pa tö alibché be' ki̱, esepa we'ikerayö. Be' batamik ye' e̱r buaë chöraë ká̱ ulitane wakpa a̱.”

Génesis 22:18

Be' tö ye' ttö̀ dalöié, e' kue̱ki̱ be' aleripa batamik ye' e̱r buaë chöraë ká̱ ulitane wakpa a̱.’

Génesis 26:4

Be' aleripa alöwe̱raëyö tai̱ë we̱s bëkwö tso' tai̱ë es. Ká̱ i' ko̱s merayö be' aleripa a̱. Ñies ie'pa batamik ye' e̱r buaë chöraë ká̱ ulitane wakpa a̱.

Génesis 28:14

Ie'pa alördaë tai̱ë we̱s ká̱ po es. Ie'pa michoë se̱nuk ká̱ wa'ñe. Ye' e̱r buaë chöraë ká̱ ulitane wakpa a̱ be' ena be' aleripa e'pa batamik.

Romanos 11:28

Mik Skëköl tö s'shu̱shté e̱r buaë choie sia̱, eta̱ e' kë̀ mane'we̱paitö. Israel aleripa tö Jesús tté buaë watéttsa̱, e' kue̱ki̱ i̱'ñe ta̱ ie'pa dör Skëköl bolökpa. Erë ká̱ ia̱ia̱ë ie'pa yë́pa bak e'pa shu̱kititö e̱r buaë choie ie'pa a̱. E' kue̱ki̱ ie'pa aleripa dalërkeia̱ ie' é̱na. E' tka es ie'pa ta̱ a̱s a' tsa̱tkër.

Romanos 9:4

E'pa dör Israel aleripa. Ká̱ ia̱ia̱ë Skëköl tö ie'pa tse̱'tkö ie' ala'rie. Ie'pa a̱ ie' tö ilo tai̱ë e' kkayë'. Ie' ena ie'pa ttè me' ñì a̱ tsa̱ki̱ë ñies ittè dalöiëno e' me'itö ie'pa a̱. We̱s íyi wakanewè̱ ie' dalöioie e' wa ie'pa wöblao̱'itö. Ñies ie' kablë' ie'pa a̱ e̱r buaë chök.