Lucas 1:53 - Tte Pa̱'a̱li̱ Me' Skëköl tö Se' a̱

⁵³ Wé̱pa sia̱rë kë̀ wa̱ ì ku̱' ñè, esepa a̱ ì buaë méitö tai̱ë. Erë inuköl blúpa esepa patkémiitö ulà wöchka.

Lucas 1:53 Iomraidhean Croise

Mateo 5:6

“Wé̱pa tö se̱ne yësyësë ese ko̱s i̱e̱itseke chkè ena di'yè tsa̱ta̱, esepa ulà a̱ iwà döraë, e' kue̱ki̱ ayëcha buaë esepa.

Lucas 1:54

Israel aleripa dör ie' kanè mésopa. Ká̱ ia̱ia̱ë ie' tö ie'pa a̱ iyë' tö ie' tö ie'pa sue̱raë e̱r sia̱rë wa. Ttè e' kë̀ chë'wa ie' é̱na.

Lucas 6:21

“A' wé̱pa tteke bli tö ká̱ i' a̱, esepa ttsë'rdaë dö̀ wë', e' kue̱ki̱ ayëcha buaë a'. “A' wé̱pa i̱u̱ke ká̱ i' a̱, esepa ja̱ñurane buaë, e' kue̱ki̱ ayëcha buaë a'.

Lucas 6:24

“Erë wëstela i̱na a' wa̱ íyi tso' tai̱ë ká̱ i' a̱ esepa ta̱, e' ukuöki̱ ta̱ kë̀ ì skà ta̱'ia̱ a' ttsë'wo̱ie buaë.

Juan 6:35

Ie' tö ie'pa a̱ iché: —Ye' dör chkè tö se̱ne michoë meke e'. Yi bitu̱ke ye' ska' ena ie̱rblöke ye' mik, ese kë̀ tepaia̱ bli tö, ñies ese kë̀ e̱rsirpaia̱.

1 Corintios 1:26

A yamipa, mik Skëköl tö a' klöo̱'bak, eta̱ ¿we̱s a' dör? E' a̱nú a' é̱na. Ká̱ i' wakpa a̱ ta̱ a' kibiiepa kë̀ wa̱ siwa̱' i̱ski̱ë jche̱r. A' kibiiepa kë̀ ttö̀ dalöiërta̱'. A' kibiiepa kë̀ dör këkëpa tai̱ë ese ditséwö.

1 Corintios 4:8

Wësua a' ibikeitseke tö Skëköl siwa̱' jche̱r tai̱ë a' wa̱, e' dör wë', kë̀ ì kí̱ kianeia̱ a' ki̱. A' e̱' ttsö̀ tö a' s'wëttsé̱mitke blu'paie, erë ka̱m sa' döka̱ ekkë. Moki̱ a' mú s'wëttsé̱mitke blu'paie, e̱'ma sa' detke a' ta̱ ñita̱ s'wëttsu̱k.