Juan 9:8 - Tte Pa̱'a̱li̱ Me' Skëköl tö Se' a̱

⁸ Pë' se̱rke ie' o̱'mik ena pë' wa̱ ie' su̱ule inuköl kak kiök e'pa ñì chaké: —¿Wëm wí̱ kë̀ dör wëm e̱' tkökese̱r inuköl kak kiök e'?

Juan 9:8 Iomraidhean Croise

Marcos 10:46

Ie'pa demi Jericó. Mik Jesús e̱' yökettsa̱tke ittökatapa ta̱ ena pë' dami tai̱ë itöki̱ e'pa ta̱, eta̱ ee̱ wëm eköl sia̱rë tkër ñala̱ ska'. E' dör inuköl kak kiökwak kiè Bartimeo dör Timeo alà, e' wöbla kë̀ wawër.

Lucas 1:58

Mik pë' se̱rke tsi̱net ena iyamipa e̱kka, e'pa ibiyö́ ttsé tö Elisabet sué̱ Skëköl tö e̱r sia̱rë wa, eta̱ ie'pa ko̱s ttsë'ne buaë we̱s Elisabet es.

Lucas 18:35

Mik Jesús demi tsi̱net Jericó, eta̱ ee̱ wëm tkër eköl ñala̱ ska' inuköl kak kiök. Ie' wöbla kë̀ wawër.

Juan 9:9

We̱lepa tö iché: —Tö́, ie' idir. Erë we̱lepa skà tö iché: —Au, kë̀ dör ie' erë́ ie' sù̱ idir. Erë ie' wák tö iché: —Tö́, ye' je' idir.