Juan 9:2 - Tte Pa̱'a̱li̱ Me' Skëköl tö Se' a̱

² Eta̱ ittökatapa tö ie' a̱ ichaké: —A S'wöbla'u̱kwak, ¿yi tö ì sulu wamblë', e' nuí̱ kue̱ki̱ wëm i' ku̱ne' wöbla kë̀ wawër, ie' wák ö iyë́ ö imì?

Juan 9:2 Iomraidhean Croise

Éxodo 20:5

Ye' dör Jehová. Ye' dör a' Këköl. A' tö këkölpa kua̱'ki̱ dalöié, e' kë̀ dalë'ttsënuk ye' a̱. Wé̱pa ye' suè̱ suluë esepa we'ikeraëyö, ñies ileripa dö̀ inukököpaë e'pa we'ikeraëyö. Erë wé̱pa tö ye' dalëritseke ena ye' ttè dalöiëno e' iu̱teke, esepa ena iëtkuöpa döka̱ mil e' dalëritseraëyö. E' kue̱ki̱ kë̀ a' e̱' tulökwa̱ kuchëwö ki̱ íyi ñekkë ko̱s wörki̱ idalöioie.

Mateo 16:14

Ie'pa iiu̱té: —We̱lepa tö icheke tö be' dör Juan S'wöskuökwak. We̱lepa skà tö icheke tö be' dör Skëköl tteköl bak kiè Elías shke̱neka̱ne e'. We̱lepa skà tö icheke tö be' dör Skëköl tteköl bak kiè Jeremías ö Skëköl ttekölpa skà bak e' we̱le.

Mateo 23:7

Ñies ie'pa ki̱ ikiar tö pë' tö ie'pa shke̱'wè̱ we̱s këkëpa dalöiërta̱' tai̱ë ese shke̱'wè̱ es wé̱ pë' tso' tai̱ë e'pa wöwa. Ie'pa wöbatsö tö pë' tö ie'pa kiè ‘s'wöbla'u̱kwak’.

Mateo 23:8

“Erë a' ulitane dör ñies ë̀, e' kue̱ki̱ kë̀ a' ñì kiök ‘s'wöbla'u̱kwak.’ A' wöbla'u̱kwak e' dör eköl ë̀me e' kue̱ki̱ kë̀ a' ñì kiök es.

Lucas 13:2

Jesús tö iché ie'pa a̱: “¿I̱ma a' e̱rbikö̀? ¿Galilea wakpa kötulur ñe'pa dör pë' sulusipa tkö̀ka̱ imale̱pa tsa̱ta̱, e' kue̱ki̱ ie'pa weine es?

Juan 4:31

E' dalewa Jesús ttökatapa tö iché ia̱: —A S'wöbla'u̱kwak, be' chkö́.

Juan 9:1

Jesús shkörami e' tö wëm ku̱ne' wöbla kë̀ wawër ese sué̱ eköl.

Juan 9:34

Ie'pa tö iiu̱té: —Be' ku̱ne', be' talane ì sulu ë̀ a̱. ¿We̱s be' kësik deka̱ sa' wöbla'u̱k? Eta̱ ie'pa tö itrë'wé̱shkar.

Hechos 28:4

Mik ká̱ e' wakpa tö isué̱ tö tkabë̀ moar Pablo ulà mik, eta̱ ichérakitö ñì a̱: “Wëm i' wa̱ s'kötulewa̱ alè. Erë́ dayë a̱ itsa̱tkëne, erë s'shu̱lökwak tso' ká̱ jaì a̱ e' kë̀ wa̱ ka̱wö mène ia̱ a̱s ise̱r.”