Juan 6:32 - Tte Pa̱'a̱li̱ Me' Skëköl tö Se' a̱

³² Jesús tö ie'pa iu̱té: —Moki̱ ye' tö a' a̱ ichè tö Moisés kë̀ wa̱ chkè datse̱ ká̱ jaì a̱ e' mène a' yë́pa bak e'pa a̱. Ye' yë́ tö chkè e' me' ie'pa a̱. Erë chkè chökle datse̱ ká̱ jaì a̱ e' watkeke ie' tö a' a̱.

Juan 6:32 Iomraidhean Croise

Juan 15:1

“Ye' dör uva kicha chökle, e' kanewe̱ke ye' Yë́ tö.

Juan 6:58

Chkè dë'bitu̱ ká̱ jaì a̱, e' chök ye' tso' a' a̱. Chkè e' kë̀ dör we̱s chkè kiè maná ña' a' yë́pa bak ká̱ ia̱ia̱ë e'pa tö e' es. Ie'pa tö iña' erë ie'pa durulune. Erë wé̱pa tö chkè cheke ye' tö a' a̱ e' ñé, esepa se̱r michoë.

Éxodo 16:4

Jehová tö iché Moisés a̱: —Sú̱yö pan da'wè̱ siwa̱' ki̱ a' a̱. E' shtö́ ká̱ bit ekkë. Erë ishtö́ ko̱s iñar ká̱ etkë̀ ekkë ë̀. Ye' ki̱ ikiane suè̱ tö wé̱pa tö ye' ttö̀ iu̱tèmi ena wé̱pa kë̀ tö ye' ttö̀ iu̱tepa.

Gálatas 4:4

Erë mik ka̱wö bikeitsitö e' de, eta̱ ie' tö ilà patké ká̱ i' ki̱, e' ku̱ne' s'ditsöie se̱ne' Moisés ttè dalöiëno e' diki̱a̱.

Juan 6:50

Erë chkè datse̱ ká̱ jaì a̱, e' cheke ye' tö a' a̱. Wé̱pa tö chkè e' ñé, e'pa kë̀ duö̀pawa̱.

Juan 6:41

Jesús tö ichétke: “Ye' dör chkè datse̱ ká̱ jaì a̱ e'.” E' kue̱ki̱ ie'pa ukyënemi ie' ki̱ suluë.

Juan 6:35

Ie' tö ie'pa a̱ iché: —Ye' dör chkè tö se̱ne michoë meke e'. Yi bitu̱ke ye' ska' ena ie̱rblöke ye' mik, ese kë̀ tepaia̱ bli tö, ñies ese kë̀ e̱rsirpaia̱.

Juan 6:33

Chkè chökle meke Skëköl tö, e' dör yi datse̱ eköl ká̱ jaì a̱ tö se̱ne michoë mèmi sulitane a̱ e'.

Juan 1:9

Yi dör bö'wö ñe' e' dör bö'wö chökle datse̱ ká̱ jaì a̱ sulitane e̱r ñi'wo̱ie e'.

Éxodo 16:8

Ñies Moisés tö iché ia̱rak: —A' ulurke tai̱ë e' sué̱ Jehová tö. E' kue̱ki̱ i̱'ñe tsá̱li̱ ta̱ ie' tö iyiwak chkà patkeraë a' a̱. Bule bla'mi ta̱ pan patkeraëitö a' a̱ ñè tai̱ë ko̱s a' ki̱ ikiane ekkë. Sa' kë̀ dör yi, a̱s a' ulur sa' ki̱. A' ulurke Jehová ki̱.

1 Juan 5:20

Ñies se' wa̱ ijche̱r tö Skëköl Alà dë'bitu̱ ká̱ i' a̱, e' tö se' e̱r ñi'wé̱ a̱s se' e̱' batsö̀ yi dör Skëköl ichökle e' mik. I̱'ñe ta̱ se' se̱rke batsulewa̱ yi dör ichökle e' mik, se' batsulewa̱ ilà Jesucristo mik e' wa, e' dör Skëköl ichökle ena se̱ne michoë e' mukwak.

Juan 6:31

Se' yë́pa bak ká̱ ia̱ia̱ë e'pa tö ì kiè maná e' ña' ká̱ sir poë wé̱ kë̀ yi se̱rku̱' ee̱. E' tso' kitule Skëköl yëkkuö ki̱ wé̱ ichè: ‘Moisés tö ie'pa dë' chkè datse̱ ká̱ jaì a̱ e' wa.’