Juan 13:23 - Tte Pa̱'a̱li̱ Me' Skëköl tö Se' a̱

²³ Ie'pa eköl dalër tai̱ë Jesús é̱na, e' tkër io̱'mik tsi̱net ie'pa chköke e' dalewa.

Juan 13:23 Iomraidhean Croise

Lucas 16:22

Ká̱ et ta̱ ie' sia̱rla blënewa̱, ta̱ Skëköl biyöchökwakpa tö ie' wimblu tsé̱mi ká̱ jaì a̱ chkök Abraham ta̱. Ñies inuköl blú ñe' blënewa̱ ta̱ inú wötënewa̱.

Juan 11:3

Ie' ena Marta e'pa tö Jesús a̱ ichök patké: —A Skëkëpa, Lázaro dalër tai̱ë be' é̱na, e' duöke.

Juan 11:36

Ie'pa tö iché: —Isa̱ú̱. Ie' é̱na Lázaro dalër tai̱ë.

Juan 11:5

Marta ena iël ena Lázaro, e'pa dalër tai̱ë Jesús é̱na.

Juan 13:24

Ie' a̱ Simón Pedro ulà kkaché tö ichakö́ yi cheke Jesús tö.

Juan 13:25

Ie' kí̱ e̱' skéwa̱ tsi̱net Jesús skà ta̱ ichakéitö ia̱: —A Skëkëpa, ¿yi idir?

Juan 19:26

Mik Jesús tö imì ena ittökata dalër tai̱ë ie' é̱na, e'pa sué̱ iëte̱r ee̱, eta̱ ichéitö imì a̱: —A tayë, se̱ be' alà dur.

Juan 20:2

Ie' tu̱nemi bet wé̱ Simón Pedro ena Jesús ttökata skà tso' ee̱. Ittökata e' dalëritsök ie' bak tai̱ë. Ta̱ ichéitö ie'pa a̱: —¡Yile wa̱ Skëkëpa nu minetse̱r! ¡Kë̀ sa' wa̱ ijche̱r tö we̱s ie'pa tö iwé̱!

Juan 21:20

Pedro e̱' wötrée tö isué̱ tö Jesús ttökata dalër tai̱ë ie' é̱na, e' datse̱ ie'pa itöki̱. Mik Jesús ttökatapa bata chka' ie' ta̱, eta̱ ittökata e' e̱' tkése̱r tkër Jesús o̱'mik ta̱ ie' a̱ ichakéitö, “A Skëkëpa, ¿yi tö be' wömerattsa̱?”

Juan 21:24

Jesús ttökata e' tso' ttè i' pakök a' a̱, e' tso' ttè i' shtök yëkkuö i' ki̱. Sa' wa̱ ijche̱r tö ttè i' dör moki̱ë.

Juan 21:7

Eta̱ ittökata dalër tai̱ë ie' é̱na, e' tö iché Pedro a̱: —¡Skëkëpa Jesús idir! Mik Simón Pedro tö ittsé tö Skëkëpa Jesús idir, eta̱ bet idatsi' iéka̱neitö, ie' dur kiparuó ë̀ mik kaneblök e' kue̱ki̱. Eta̱ ie' e̱' ppée di' a̱ ulaiklémi dö̀mi Jesús ska'.