Génesis 2:2 - Tte Pa̱'a̱li̱ Me' Skëköl tö Se' a̱

² Ká̱ de kul eta̱ ì ko̱s yö'bitu̱itö e' yöne o̱ne, e' kue̱ki̱ diwö e' wa ie' kë̀ kaneblëne.

Génesis 2:2 Iomraidhean Croise

Génesis 1:31

Ie' isué̱ tö ekkë ko̱s dör buaë shu̱te̱. Ekkë kanewé̱itö eta̱ ká̱ de teröl.

Génesis 2:3

E' diwö wa kë̀ ie' kaneblëneia̱ ká̱ i' yuök e' kue̱ki̱ ie' iché tö diwö e' dör buaë. Ñies ie' iché tö semana bit e' diwö bata e' dör batse'r se' a̱.

Juan 5:17

Erë ie' tö iché ie'pa a̱: —Ye' yë́ kaneblöke ke̱kraë, es ñies ye' kaneblöke.

Hebreos 4:10

Wé̱pa dewa̱ Skëköl e̱ne e' a̱, esepa e̱nuraë we̱s ie' e̱ni' es.

Hebreos 4:4

Skëköl tö íyi ulitane yö' dö̀ ká̱ teröl. Ká̱ de kul ta̱ ie' e̱ni'. Es itso' kitule we̱le Skëköl yëkkuö ki̱. E' tö ichè: “Ká̱ de kul eta̱ ì ko̱s yö'bitu̱itö e' yöne o̱ne, e' kue̱ki̱ diwö e' wa ie' kë̀ kaneblëne.” E' kue̱ki̱ se' wa̱ ijche̱r tö moki̱ Skëköl tö se' e̱nuwe̱ke e' tso'tke.