Génesis 1:5 - Tte Pa̱'a̱li̱ Me' Skëköl tö Se' a̱

⁵ Ñiwe, e' kiéitö ñiwe. Ká̱ ttsettseë, e' kiéitö nañewe. Ekkë kanewé̱itö ká̱ tsa̱we a̱.

Génesis 1:5 Iomraidhean Croise

Génesis 1:13

Ekkë kanewé̱itö eta̱ ká̱ de mañat.

Génesis 1:19

Ekkë kanewé̱itö eta̱ ká̱ de tkël.

Génesis 1:23

Ekkëpa kanewé̱itö eta̱ ká̱ de ske̱l.

Génesis 1:31

Ie' isué̱ tö ekkë ko̱s dör buaë shu̱te̱. Ekkë kanewé̱itö eta̱ ká̱ de teröl.

Génesis 1:8

Ì yuéitö, e' kiéitö ka̱költtö. Ekkë kanewé̱itö eta̱ ká̱ de böt.

Génesis 8:22

“Ká̱ i' tso'ia̱, eta̱ dalì kuatkërmi, iwà wörmi; ka̱ba tso', ka̱se̱ tso' ñies; ka̱li̱ tso', duas tso' ñies; ká̱ ñiwe tso', ká̱ nañewe tso' ñies.”

1 Corintios 3:13

Mik Jesucristo datskene, eta̱ iwërdaë tö is iwà yuésö. E' ké̱wö ska' ta̱ se' kanè ma'o̱rdaë bö' wa isuo̱ie tö is idir.

Efesios 5:13

Erë ká̱ ñiwe tö íyi ulitane kkachèwa̱ buaë mía̱ ñiweie. E' kue̱ki̱ mik ì sulu wambleke ie'pa tö e' kkachésö ie'pa a̱, e' ta̱ ie'pa we̱lepa é̱na ia̱rmi tö e' dör suluë ta̱ ie̱r mane'u̱mi ta̱ imía̱ se̱r buaë we̱s ká̱ ñiwe wakpa es. E' kue̱ki̱ ttè tö ichè i' es: “A' dör we̱s s'kapötkëte̱r es, esepa ti̱'nú, a' dör we̱s s'duulewa̱ es, esepa shke̱núka̱ne, eta̱ Cristo tö a' e̱r ñi'we̱raë.”

1 Tesalonicenses 5:5

A' ko̱s se̱rke yësyësë Jesús ttè diki̱a̱, e' dör we̱s se' se̱rke ká̱ ñiwe a̱ es. Skëkëpa Jesús ké̱wö, e' tö a' ttsë'we̱raë buaë. Kë̀ se' tö ì sulu wambleku̱'ia̱ we̱s ká̱ ttsettse wakpa es.