Génesis 1:3 - Tte Pa̱'a̱li̱ Me' Skëköl tö Se' a̱

³ Eta̱ Skëköl tö iché: “¡Ká̱ ñinú!” Eta̱ ká̱ ñine.

Génesis 1:3 Iomraidhean Croise

Génesis 2:4

I' dör ká̱ jaì ena ká̱ i' tsá̱ yönea̱t, e' pakè. Mik Skëköl Jehová tö ká̱ jaì ena ká̱ i' e' yö',

Mateo 8:3

Jesús tö ikéwa̱ ulà wa ta̱ ichéitö ia̱: —Tö́, ye' ki̱ ikiane. Be' dene batse'r. E' wösha̱ ta̱ ie' buanene, kë̀ ki̱ lepra ku̱'ia̱.

Juan 1:5

Bö'wö ñe' tö se' e̱r suluë tso' we̱s stui a̱ es e' ñi'we̱mir. Kë̀ ì sulu e̱' alö̀paka̱ iki̱.

Juan 1:9

Yi dör bö'wö ñe' e' dör bö'wö chökle datse̱ ká̱ jaì a̱ sulitane e̱r ñi'wo̱ie e'.

Juan 11:43

E' chéitö o̱ne ta̱ ie' iché a̱neule: —A Lázaro, ¡be' e̱' yö́ttsa̱ se̱e̱!

Juan 3:19

Skëköl Alà dë'bitu̱ ká̱ i' a̱, e' dör we̱s bö'wö es se' e̱r ñi'wo̱ie. Erë s'tso' ì sulu wamblök, esepa dör we̱s s'tso' stui a̱ es, e' wa ie'pa wöbatsö bua'ie. Ie'pa kë̀ ki̱ ie' kiane. E' kue̱ki̱ wé̱pa kë̀ e̱rblëne ie' mik, esepa kichatënetke.

2 Corintios 4:6

Mik Skëköl tö ká̱ i' yö', eta̱ ie' iyë': “ká̱ ñinú,” eta̱ ká̱ ñine. Ie' wák tö se' e̱r ñi'wé̱ a̱s ie' olo tai̱ë burke Jesucristo wö ki̱, e' a̱r se' é̱na. E' kue̱ki̱ sa' tö ie' tté buaë e' pakeke sulitane a̱.

Efesios 5:8

A' bak se̱nuk suluë, e' dör we̱s a' bak se̱nuk ká̱ ttsettseë a̱ es. Erë i̱'ñe ta̱ a' tso' batsulewa̱ Skëkëpa Jesús mik, e' dör we̱s a' se̱rke ká̱ ñí a̱ es. E' kue̱ki̱ a' se̱nú we̱s s'se̱r ká̱ ñí a̱ es.

1 Timoteo 6:16

¡Ie' eköl ë̀ kë̀ duöta̱'wa̱! Ie' se̱rke ie' olo ta̱' tai̱ë e' shu̱a̱, kë̀ yi döpawa̱ e' ska'. Kë̀ yi wa̱ ie' su̱ule iwöbla wa, ñies kë̀ yi a̱ ie' su̱nukwa̱. ¡Ie' ë̀ ka̱wöta̱ ki̱kèka̱ ke̱kraë! ¡Ie' ë̀ diché ta̱' tai̱ë ke̱kraë! ¡Es e' idir!

1 Juan 1:5

Ttè wa Jesucristo tö sa' wöblao̱', e' wà pakeke sa' tö a' a̱, e' dör i': Skëköl dör buaë yësyësë, kë̀ ki̱ ì sulu ta̱' we̱s ká̱ ñí kë̀ a̱ ká̱ ttsettse ta̱' es.

1 Juan 2:8

Ttè e' menea̱t ká̱ ia̱ia̱ë, erë e' ké̱wö ska' ta̱ se' e̱r tso'ia̱ we̱s ká̱ ttsettse a̱ es, e' kue̱ki̱ kë̀ se' é̱na iwà a̱ne buaë. Erë i̱'ñe ta̱ se' e̱r a̱ ká̱ ñirketke Cristo ttè moki̱ e' kue̱ki̱. We̱s Cristo é̱na se' dalëne, ñies we̱s a' ñì dalër, e' wa iwër wësua tö ttè e' dör pa̱'a̱li̱.