Éxodo 7:4 - Tte Pa̱'a̱li̱ Me' Skëköl tö Se' a̱

⁴ Egipto blú kë̀ tö a' ttö̀ iu̱tepa. Erë ye' tö egiptowak we'ikeraë sia̱rë ye' diché tai̱ë e' wa. Es ye' tö Israel aleripa yeralur. Ie'pa dör ye' a̱ we̱s ñippökwakpa tso' tai̱ë es. Ie'pa dör ye' icha.

Éxodo 7:4 Iomraidhean Croise

Éxodo 10:1

E' ukuöki̱ ta̱ Jehová tö Moisés a̱ iché: —Be' yúne Egipto blú ska'. Ye' tö ie' ena ikue̱blupa e̱r téwa̱ darërëë a̱s ie'pa tö isa̱ù̱ tö ye' diché tai̱ë, e' wa ì kë̀ o̱r yi a̱ ese wè̱ ye' tö tai̱ë.

Éxodo 11:9

E' ukuöki̱ ta̱ Jehová tö iché Moisés a̱: —Egipto blu' kë̀ tö a' ttö̀ iu̱tepa a̱s ye' tö ì kë̀ o̱r yi a̱ ese kí̱ ù̱ tai̱ë Egipto.

Éxodo 12:51

E' diwö Jehová tö Israel aleripa yélur Egipto iditséwö wa iditséwö wa we̱s ñippökwakpa tai̱ë es.

Éxodo 13:3

Eta̱ Moisés tö iché Israel aleripa a̱: “I̱'ñe Jehová tö a' yekettsa̱ Egipto a̱ ie' diché tai̱ë e' wa. Ká̱ i' a̱ a' weine sia̱rë kaneblök egiptowak a̱ kë̀ patuè̱ ta̱'. E' kue̱ki̱ a' e̱r a̱nú diwö i' ska'. A' kë̀ ka̱wö ta̱' pan yöule iwölöwo̱ka̱ wa ese ñuk.

Éxodo 13:9

Ie' tö se' yë'ttsa̱ Egipto a̱ idiché tai̱ë wa, e' kue̱ki̱ se' dör ie' icha. Mik se' tö ka̱wö e' tkö'we̱ke, eta̱ e' tö se' ulitane a̱ ie̱ri meraë a̱s Jehová ttè ki̱ se' e̱r me'rie. E' dör we̱s se' e̱' wakyuö̀ se' wötsa̱ ki̱ ena se' ulà kkue ki̱ es.

Éxodo 18:8

We̱s Jehová tö Israel aleripa tsa̱tké Egipto blú ena egiptowak ulà a̱ ñies we̱s ie' tö ie'pa kkö'né ì sulu tka ie'pa ta̱ ñala̱ wa eta̱, e' ko̱s paké Moisés tö inua̱ki a̱.

Éxodo 3:19

Erë ye' wa̱ ijche̱r buaë tö ie' kë̀ tö ie'pa a̱ ka̱wö e' mepa ëanas. Ye' ka̱wöta̱ ie'pa yöktsa̱ ye' diché tai̱ë e' wa.

Éxodo 3:20

E' kue̱ki̱ ye' diché tai̱ë e' kkacheraëyö egiptowak a̱. Ì we̱raëyö ie'pa shu̱a̱ e' tö ie'pa tkiwe̱raë. E' wa ie'pa we'ikeraëyö sia̱rë. E' ukuöki̱ ta̱ Egipto blú tö Israel aleripa erami a̱s imi'yal.

Éxodo 6:1

Eta̱ Jehová tö ie' iu̱té: —Kukuie bö isue̱raë tö we̱s ye' tö Egipto blú we'ikeraë. Ye' diché tai̱ë e' wa ye' tö ie' keraë ie'pa ökmi. Ye' diché wa ye' tö ie' keraë ie'pa patkökmi iká̱ ki̱.

Éxodo 6:26

Aarón ena Moisés e'pa patkë' Jehová tö Israel aleripa yökulur Egipto a̱ dapauleka̱ we̱s ñippökwakpa tai̱ë e̱' dapa'ù̱ es.

Éxodo 6:6

E' kue̱ki̱ be' yú ichök ie'pa a̱ tö ye' dör Jehová. Egiptowak tö a' we'ikeke sia̱rë kanè darërëë wa, e' ko̱s ulà a̱ a' yerattsa̱ ye' tö. Ye' tö egiptowak we'ikeraë sia̱rë ye' diché tai̱ë e' wa. Es a' tsa̱tkeraë ye' tö egiptowak ulà a̱.

Éxodo 7:13

Erë Egipto blú e̱r téwa̱ darërëë we̱s Jehová tö iyë' es. Ie' kë̀ wa̱ ie'pa ttö̀ iu̱tëne yës.

Éxodo 7:16

Ie' a̱ ichö́: ‘Jehová dör hebreowak Këköl, e' tö ye' patké ichö́k be' a̱ tö ie' ala'r ö́mine a̱s imi'rak ie' ki̱kökka̱ ká̱ wé̱ ki̱ kë̀ yi se̱rku̱' ee̱. Ikkë ta̱ ka̱m bö ie' ttö̀ iu̱tö̀ yës.’

Éxodo 8:15

Erë mik Egipto blú tö isué̱ tö ie' tsa̱tkëne bukuë' ulà a̱, eta̱ ie̱r té̱wa̱ne darërëë we̱s Jehová tö iyë' es. Kë̀ ie' wa̱ Moisés ena Aarón ttö̀ iu̱tëne.

Éxodo 8:19

Eta̱ iwépa tö iché Egipto blú a̱: —¡I' dör Skëköl kanè moki̱! Erë ie' e̱r té̱wa̱ darërë we̱s Jehová tö iyë' es. Kë̀ ie' wa̱ ie'pa ttö̀ iu̱tëne.

Éxodo 9:12

Erë Jehová tö Egipto blú e̱r darë'wé̱wa̱ a̱s kë̀ itö Moisés ena Aarón ttö̀ iu̱tö̀ we̱s ie' tö iyë' es.

Éxodo 9:3

e' ta̱ ye' tö duè meka̱raë be' iyiwak ko̱s e' ki̱ ye' diché tai̱ë wa. Be' kabaio, be' burro, be' kameio, be' baka ena be' obeja ekkë ko̱s duölurdaë.

Apocalipsis 15:4

A Skëköl, sulitane tö be' dalöieraë. Sulitane tö be' ki̱keraka̱. Be' ë̀ dör batse'r. Sulitane wa̱ ijche̱r tö be' tö s'shu̱leke yësyësë, e' kue̱ki̱ ká̱ ulitane wakpa döraë be' ska' be' dalöiök.”

Apocalipsis 16:7

E' ukuöki̱ ta̱ ka̱' tso' íyi moka̱ Skëköl a̱ ee̱ ttö̀ ttséyö se' ttö̀ie e' tö iché: “A Skëköl, be' diché ta̱' tai̱ë íyi ulitane tsa̱ta̱, ayëcha e' dör moki̱ë, be' tö ie'pa nuí̱ shu̱lé moki̱ë yësyësë.”

Apocalipsis 19:2

Babilonia wakpa dör we̱s alaköl trër tai̱ë es. Ie'pa bak ká̱ ulitane wakpa e̱rkiöu̱k ì sulu wamblök we̱s ie'pa es. Ie'pa tö Skëköl kanè mésopa kötulur. E' nuí̱ ki̱ Skëköl tö ie'pa ká̱ sulu'wé̱wa̱ ta̱ iwakpa e̱wé̱waitö. E' kue̱ki̱ se' wa̱ ijche̱r tö ie' s'shu̱leke yësyësë moki̱ë.”