Éxodo 6:12 - Tte Pa̱'a̱li̱ Me' Skëköl tö Se' a̱

¹² Erë Moisés tö Jehová iu̱té: —Israel aleripa kë̀ tö ye' ttö̀ iu̱tè, eta̱ ¿we̱s Egipto blú ye' ttö̀ iu̱tèmi? Ye' kë̀ tto buaë.

Éxodo 6:12 Iomraidhean Croise

Éxodo 3:11

Erë Moisés tö iché ie' a̱: —¿Yi ye' dör e' döwa̱mi Egipto blú wörki̱ Israel aleripa yökulur ie' ulà a̱?

Éxodo 3:13

Erë Moisés tö ie' iu̱té: —Dö' ye' mía̱ ta̱ ye' tö ichè ie'pa a̱: “A' yë́pa bak ia̱ia̱ë e' Këköl tö ye' patkë' a' tsa̱tkök.” Dö' ie'pa tö ye' a̱ ichakè: “¿I̱ma e' kiè?”, e' ta̱ ¿ì chèmi ye' tö ie'pa a̱?

Éxodo 4:1

Erë Moisés tö iiu̱té: —Ie'pa kë̀ tö ye' ttö̀ klö'we̱pa. Kë̀ itö ye' ttö̀ iu̱tepa. Ie'pa tö ye' a̱ icheraë: “Jehová kë̀ dë'bitu̱ be' ska'.”

Éxodo 4:10

Moisés tö iiu̱té: —¡Ayëwë! ¡A ye' Këköl! Ye' sia̱rala, kë̀ tto buaë. E' kë̀ dör i̱'ñe ë̀me be' ttöke ye' ta̱ eta̱. Es ye' wák dër ká̱ ia̱ia̱ë. Ye' ttö̀ e̱naë. Ye' kë̀ a̱ s'iu̱tër buaë.

Éxodo 6:13

Eta̱ Jehová tö Moisés ena Aarón e'pa patkémi ichök Israel aleripa a̱ ena Egipto blú a̱ tö “Jehová tö sa' patké Israel aleripa yökulur Egipto.”

Éxodo 6:30

Erë Moisés iiu̱té: —A Jehová, ye' kë̀ tto buaë, eta̱ ¿we̱s Egipto blú ye' ttö̀ iu̱tèmi?

Éxodo 6:9

Eta̱ Moisés tö ttè e' skà chéne Israel aleripa a̱. Erë ie'pa e̱riarke tai̱ë kanè darërë kue̱ki̱. E' kue̱ki̱ ie'pa kë̀ wa̱ ittö̀ iu̱tëne.

Hechos 7:51

“Erë a' kë̀ tö Skëköl dalöieta̱'. A' e̱r darërë. A' kukuöña darërëë. Ke̱kraë Wiköl Batse'r wöklö'wè̱ a' tö. A' dör we̱s a' yë́pa bak ká̱ ia̱ia̱ë es.