Éxodo 3:13 - Tte Pa̱'a̱li̱ Me' Skëköl tö Se' a̱

¹³ Erë Moisés tö ie' iu̱té: —Dö' ye' mía̱ ta̱ ye' tö ichè ie'pa a̱: “A' yë́pa bak ia̱ia̱ë e' Këköl tö ye' patkë' a' tsa̱tkök.” Dö' ie'pa tö ye' a̱ ichakè: “¿I̱ma e' kiè?”, e' ta̱ ¿ì chèmi ye' tö ie'pa a̱?

Éxodo 3:13 Iomraidhean Croise

Génesis 32:29

Jacob tö ie' a̱ ichaké: —Ichö́ ña, ¿i̱ma be' kiè? Ie' iiu̱té: —¿Iö́k be' ki̱ ye' kiè kiane jche̱nuk? Ee̱ ta̱ wëm ñe' e̱r bua' ché ie' a̱.

Éxodo 15:3

Ie' dör ñippökwak darërëë bua'ie. Jehová e' dör ie' kiè.

Éxodo 3:12

Ie' tö iiu̱té: —Be' kë̀ mi'pa ekörla. Ye' tso' be' ta̱ be' ki̱muk. Mik be' tö Israel aleripa yélur Egipto a̱, eta̱ a' tö ye' dalöieraë ka̱bata i' ki̱. E' wa be' wa̱ ijche̱rdaë tö ye' wák tö be' patkë'.

Éxodo 3:14

Eta̱ ie' tö iiu̱té: —Ye' dör yi tso'tke e'. Ichö́ ie'pa a̱ tö Ye' Tso'tke e' tö ye' patké a' ska'.

Éxodo 3:15

Skëköl tö ikí̱ ché Moisés a̱: —Ñies ttè i' chö́ Israel aleripa a̱: ‘Se' yë́pa bak ká̱ ia̱ia̱ë kiè Abraham, Isaac ena Jacob, e'pa Këköl kiè Jehová e' tö ye' patké a' tsa̱tkök.’ Ttè e' chö́ ie'pa a̱. Ye' kiè dör Jehová i' dör ye' wák kiè ke̱kraë. Kiè i' wa ye' kirdaë aishkuö ta̱ ke̱kraë.

Éxodo 7:16

Ie' a̱ ichö́: ‘Jehová dör hebreowak Këköl, e' tö ye' patké ichö́k be' a̱ tö ie' ala'r ö́mine a̱s imi'rak ie' ki̱kökka̱ ká̱ wé̱ ki̱ kë̀ yi se̱rku̱' ee̱. Ikkë ta̱ ka̱m bö ie' ttö̀ iu̱tö̀ yës.’

Mateo 1:21

Ie' alà ku̱rdaë eköl wák wëm. Ikiè múka̱bö Jesús Ie' tö iwakpa tsa̱tkeraë se̱ne sulu nuí̱ yöki̱, e' kue̱ki̱ ikiè múka̱ es.” Es Skëköl biyöchökwak tté José ta̱.

Mateo 1:23

“Busi eköl kë̀ wa̱ wëm kaule e' buklurdaka̱, e' alà ku̱rdaë wák wëm, ikirdaë Emanuel.” (s'kiè e' wà kiane chè: “Skëköl tso' se' ta̱”).

Hechos 3:13

Erë Skëköl dör Abraham, Isaac, Jacob ena se' yë́pa male̱pa bak ká̱ ia̱ia̱ë, e'pa Këköl, e' tö ie' kanè méso kiè Jesús, e' ki̱kéka̱ íyi ulitane tsa̱ta̱, e' dör yi me'ttsa̱ ttèwa̱ a' tö e'. Ie' watë'ttsa̱ a' tö Pilato wörki̱ erë́ e' tö ibikeitsbak iökshka.