Éxodo 19:9 - Tte Pa̱'a̱li̱ Me' Skëköl tö Se' a̱

⁹ Eta̱ Jehová tö iché ia̱: —Ye' ttö̀ ttsö́. Mochka tërdawa̱ ka̱bata ki̱ tai̱ë e' shu̱a̱ ye' datse̱ ttök be' ta̱ a̱s Israel aleripa ulitane tö ye' ttöke be' ta̱ e' ttsö̀. Es ie'pa tö be' ttè klö'we̱raë ke̱kraë. Eta̱ i̱ma Israel aleripa tö iiu̱té e' chéne Moisés tö Jehová a̱.

Éxodo 19:9 Iomraidhean Croise

Éxodo 14:31

Mik ie'pa tö isué̱ tö we̱s Jehová tö egiptowak e̱wé̱wa idiché tai̱ë e' wa, eta̱ ie'pa tö ie' dalöié tai̱ë. Ie'pa e̱r blé ie' mik ñies itteköl Moisés e' mik.

Éxodo 19:16

Böiki es bla'mi ta̱ ka̱bata a̱ ká̱ wöñane alá blane tai̱ë. Mò tai̱ë dettsa̱ ka̱bata e' ki̱. Ie'pa tö ittsé tö duk blane tai̱ë, e' tö ie'pa suawé̱ tai̱ë painéka̱ie.

Éxodo 20:21

Ie'pa a̱te̱ isa̱u̱k ka̱mië. Moisés ë̀ mía̱ tsi̱net mò tai̱ë wé̱ Skëköl tso' ee̱.

Éxodo 4:31

Israel aleripa tö Aarón ttè klö'wé̱. Mik ie'pa é̱na ia̱ne tö Jehová é̱na ie'pa dalërke, ñies tö ie'pa weirke sia̱rë e' sué̱itö, eta̱ ie'pa e̱' wöéwa i̱ski̱ ie' dalöiök.

Éxodo 4:5

Eta̱ Jehová tö iché ia̱: —Mik be' dene Egipto, eta̱ be' tö iú̱ es a̱s ie'pa tö iklö'ù̱ moki̱ tö ye' dör a' yë́pa bak ká̱ ia̱ia̱ë kiè Abraham, Isaac ena Jacob e'pa Këköl e' e̱' kkaché be' a̱.

Mateo 17:5

Ie' ttökeia̱ e' wösha̱ ta̱ mochka wöñarke dalölöë ese tö ie'pa ki̱téwa̱. Mochka shu̱a̱ ie'pa tö ttö̀ ttsé tö ichè: “Se̱ dör ye' alà dalër tai̱ë ye' é̱na, e' wër buaë shu̱te̱ ye' wa. Ie' ttö̀ iu̱tö́.”

Marcos 9:7

Eta̱ mochka tö ie'pa ki̱téwa̱ ta̱ e' shu̱a̱ ie'pa tö ttö̀ ttsé tö ichè: “Se̱ dör ye' alà dalër tai̱ë ye' é̱na, e' ttö̀ ttsö́.”

Lucas 10:16

Eta̱ Jesús tö iché ittökatapa a̱: “Yi tö a' ttö̀ ttseke ta̱ iu̱tekeitö, ñies ese tö ye' ttö̀ ttseke ta̱ iu̱tekeitö. Yi tö a' wateke, ñies ese tö ye' wateke. Ñies yi tö ye' wateke, ese tö Skëköl tö ye' patkë', e' wateke.”

Apocalipsis 1:7

¡Ittsö́! Jesucristo datse̱ mò a̱. Sulitane tö ie' sue̱raë, ñies wé̱pa tö ie' kötwa̱, ie' tkë'rakitö kuaböt wa, e'pa tö isue̱raë. Mik ká̱ ulitane wakpa tö isué̱, eta̱ ie'pa i̱u̱raë sia̱rë suane yöki̱. Es iwà tköraë. Es e' idir.