Éxodo 19:1 - Tte Pa̱'a̱li̱ Me' Skëköl tö Se' a̱

^1-2 E' ukuöki̱ ta̱ Israel aleripa e̱' yélur Refidim a̱ demirak Sinaí. Ie'pa e̱' yë'lur Egipto, e' ki̱ si' de böt kí̱ ká̱ et. Sinaí dör ká̱ sir poë. Ee̱ ie'pa e̱' tsé̱a̱t Sinaí ké̱bata o̱'mik tsi̱net.

Éxodo 19:1 Iomraidhean Croise

Éxodo 12:2

“Si' i' döraë a' a̱ duas si' tsa̱we ke̱kraë.

Éxodo 12:51

E' diwö Jehová tö Israel aleripa yélur Egipto iditséwö wa iditséwö wa we̱s ñippökwakpa tai̱ë es.

Éxodo 12:6

E' blö́. Si' i' e' diwö de dabop ki̱ tkël (14) e' tsá̱li̱ eta̱ a' wa̱ iyiwak tso' blëule ese ttö́ u a̱ u a̱.

Éxodo 16:1

E' ukuöki̱ ta̱ Israel aleripa ulitane e̱' yélur ká̱ kiè Elim míyal ká̱ sir poë kiè Sin ee̱. Ká̱ e' a̱te̱ Elim ena Sinaí, e' shu̱sha̱. Ie'pa e̱' yë'ttsa̱ Egipto e' ki̱ si' de et ki̱ sha̱böts.

Éxodo 3:12

Ie' tö iiu̱té: —Be' kë̀ mi'pa ekörla. Ye' tso' be' ta̱ be' ki̱muk. Mik be' tö Israel aleripa yélur Egipto a̱, eta̱ a' tö ye' dalöieraë ka̱bata i' ki̱. E' wa be' wa̱ ijche̱rdaë tö ye' wák tö be' patkë'.