Éxodo 18:8 - Tte Pa̱'a̱li̱ Me' Skëköl tö Se' a̱

⁸ We̱s Jehová tö Israel aleripa tsa̱tké Egipto blú ena egiptowak ulà a̱ ñies we̱s ie' tö ie'pa kkö'né ì sulu tka ie'pa ta̱ ñala̱ wa eta̱, e' ko̱s paké Moisés tö inua̱ki a̱.

Éxodo 18:8 Iomraidhean Croise

Génesis 44:34

Alà tsirla kë̀ minene ye' ta̱, e' ta̱ ¿we̱s ye' mi'mine ye' yë́ ska'? Ye' kë̀ ki̱ ye' yë́ kiane suè̱ weinuk sia̱rë.”

Éxodo 15:16

A Jehová, ¡a̱s ie'pa tkirwa̱! ¡a̱s ie'pa suar tai̱ë! Be' diché wa a̱s ie'pa a̱t kë̀ ti̱ria̱ suane kue̱ki̱ dö̀ mik sa' ulitane dör be' icha e'pa tka eta̱.

Éxodo 15:6

A Jehová, be' ulà bua'kka diché tai̱ë, e' wa be' tö be' bolökpa batsélor.

Éxodo 16:3

Ie'pa tö iché ia̱rak: —¡Jehová tö sa' ttö́palur Egipto! Ee̱ sa' e̱' tulökese̱r ù̱ tulurka̱ wà iëule chikchië chkè wa e' o̱'mik ta̱ sa' bak iwà katök wë' ko̱s sa' ki̱ ikiane ekkë. Erë a' wa̱ sa' dë'bitu̱ ká̱ sir po i' a̱ sa' ulitane ttowa̱ bli wa.

Éxodo 18:1

Jetró dör ká̱ kiè Madián e' sacerdote ena Moisés nua̱ki. Ko̱s Skëköl tö Moisés ena Israel aleripa ki̱me', e' jche̱r ie' wa̱. Ñies ie' wa̱ ijche̱r tö we̱s Jehová tö Israel aleripa yë'lur Egipto a̱.

Éxodo 2:25

Ie' tö ie'pa sué̱ ta̱ ie' é̱na ia̱ne tö ì tköke ie'pa ta̱.

Éxodo 4:23

Ye' tö be' a̱ ichétke tö ie'pa ö́mine a̱s imi'yalne ye' ki̱kökka̱. Erë be' kë̀ wa̱ ie'pa a̱ ka̱wö mène a̱s imi'yal. E' kue̱ki̱ be' alà wëm tsá̱ e' tterawa̱yö.’ Ttè e' chö́ ie' a̱.

Éxodo 7:4

Egipto blú kë̀ tö a' ttö̀ iu̱tepa. Erë ye' tö egiptowak we'ikeraë sia̱rë ye' diché tai̱ë e' wa. Es ye' tö Israel aleripa yeralur. Ie'pa dör ye' a̱ we̱s ñippökwakpa tso' tai̱ë es. Ie'pa dör ye' icha.

Éxodo 7:5

Egiptowak we'ikéyö sia̱rë ye' diché tai̱ë wa ñies Israel aleripa yéttsa̱yö e' ukuöki̱ ta̱ egiptowak tö isue̱raë tö moki̱ë ye' dör Jehová.