Éxodo 17:2 - Tte Pa̱'a̱li̱ Me' Skëköl tö Se' a̱

² E' kue̱ki̱ ie'pa tö Moisés a̱ di' kié kësik wa. Ie'pa tö iché ie' a̱: —¡Sa' a̱ di' mú yè! Moisés iiu̱té: —¿Ì kue̱ki̱ a' tö ye' a̱ di' kié kësik wa? ¿Iö́k a' tö Jehová wöñatkeke?

Éxodo 17:2 Iomraidhean Croise

Éxodo 15:24

Eta̱ Israel aleripa tö Moisés chémi suluë. Moisés chakérakitö: “¿Ì yèmisö?”

Éxodo 16:8

Ñies Moisés tö iché ia̱rak: —A' ulurke tai̱ë e' sué̱ Jehová tö. E' kue̱ki̱ i̱'ñe tsá̱li̱ ta̱ ie' tö iyiwak chkà patkeraë a' a̱. Bule bla'mi ta̱ pan patkeraëitö a' a̱ ñè tai̱ë ko̱s a' ki̱ ikiane ekkë. Sa' kë̀ dör yi, a̱s a' ulur sa' ki̱. A' ulurke Jehová ki̱.

Éxodo 17:7

Israel aleripa tö di' ki' kësik wa, e' kue̱ki̱ Moisés tö ká̱ e' kiè méka̱ Meribá. Ñies ie'pa tö iyë', “Sa' kë̀ wa̱ iklöne tö Jehová tö sa' ki̱mèmi.” E' kue̱ki̱ Moisés tö ká̱ e' skà kiè méka̱ Masá. Ee̱ ie'pa tö Jehová wöñatkë' e' kue̱ki̱.

Éxodo 5:21

Ie'pa tö iché ia̱rak: —Ì wamblé a' tö sa' ki̱ e' kue̱ki̱ a̱s Jehová tö a' we'ikö̀. Egipto blú ena ikue̱blupa e'pa é̱na sa' a̱r suluë. A' iane iwiie. E' dör we̱s a' wakpa tö tabè mé ie'pa a̱ a̱s sa' ttö̀wa̱ ie'pa tö es.

Mateo 4:7

Eta̱ Jesús tö iiu̱té: —Au. Ñies Skëköl yëkkuö tö ichè: ‘A' kë̀ ka̱wö ta̱' Skëköl dör a' Këköl e' wötsiriu̱k.’

Lucas 15:12

Ilà tsirla tö iché iyë́ a̱: ‘A yë́wö, ì mekea̱t be' tö ye' a̱ mik be' duökewa̱tke eta̱, e' mútke be' tö ye' a̱.’ Eta̱ iyë́ íyi ko̱s, e' blabatséitö méitö ila'r böl a̱ eköl eköl ko̱s ika̱wöta̱ imuk ia̱ ekkë.

Lucas 4:12

Erë Jesús iiu̱té: —Ñies Skëköl yëkkuö tö ichè: ‘A' kë̀ ka̱wö ta̱' a' Këköl wötsiriu̱k.’

Hechos 15:10

A' tö ie'pa ké Moisés ttè darërëë e' dalöiök, erë e' kë̀ dalöiëne' se' a̱, ñies se' bak ká̱ ia̱ia̱ë e'pa kë̀ a̱ idalöiëne'. I̱'ñe ta̱ ¿iö́k a' tso' Skëköl wöñatkök es?

Hechos 5:9

Pedro tö iché ia̱: ¿Iö́k a' tö ka̱wö mé ñì a̱ Skëköl Wiköl wötsiriu̱k? Wé̱pa wa̱ be' wëm nu mí blèwa̱, se̱ e' wakpa doyalne ta̱ írö ie'pa wa̱ be' nu michoë blèwa̱ ñies.

1 Corintios 10:9

Kë̀ se' kàne Cristo wöñatkök ì sulu wa we̱s ie'pa we̱lepa iwöñatkë' es, e' nuí̱ ki̱ ie'pa kötulur tkabë̀ wa.

Hebreos 3:9

Skëköl tö iché tö duas döka̱ dabom tkëyök (40), e' dalewa ye' tö ì kë̀ o̱r yi a̱ ese wé̱ tai̱ë ie'pa se̱'wo̱ie, ie'pa kkö'noie, erë ie'pa tö ye' wöñatkë' tai̱ë.