Éxodo 15:1 - Tte Pa̱'a̱li̱ Me' Skëköl tö Se' a̱

¹ Moisés ena Israel aleripa ttsé Jehová ki̱koka̱ ttsè i' wa: “Ye' ttsöke Jehová dalöioie. Kabaio tai̱ë ena iwákpa ko̱s e' e̱wé̱waitö dayë a̱. Es ie' e̱' alé tai̱ë shu̱te̱ ie'pa ki̱.

Éxodo 15:1 Iomraidhean Croise

Éxodo 14:26

Jehová tö iché Moisés a̱: —Be' ulà kö́ka̱ dayë tsa̱ka̱ a̱s iwöiërwa̱ne Egipto ñippökwakpa ki̱.

Éxodo 14:27

Moisés ulà kéka̱ dayë tsa̱ka̱. Mik ká̱ ñine, eta̱ dayë wöiënewa̱ne es. Mik egiptowak mí tkökshkar, eta̱ dayë wöiënewa̱ ie'pa ki̱. Es Jehová tö ie'pa e̱wé̱wa dayë a̱.

Éxodo 15:21

E' dalewa María ttsöke i' es: ¡A' ulitane ttsö́ Jehová ki̱koka̱! Kabaio ena iwákpa u̱yéwa̱itö dayë a̱. Es ie' e̱' aléka̱ ie'pa ki̱.

Éxodo 18:11

Ire' ye' tö isué̱ tö moki̱ Jehová dör wé̱pa kiekerakitö “skëköl” esepa ulitane tsa̱ta̱. Yi bak a' we'ikök kësik wa, e'pa ko̱s we'ikéitö sia̱rë.

Colosenses 2:15

Cristo batamik ie' tö íyi wökir ena íyi wák wa̱ diché ta̱' kë̀ wërta̱'wa̱ esepa diché yë'lur. Ie' e̱' ali'ka̱ ie'pa ki̱ ta̱ ijaëo̱'itö we̱s s'klöulewa̱ ñippè shu̱a̱ jaëwè̱ sulitane wörki̱ yi e̱' aléka̱ iki̱ e' tö es.

Apocalipsis 15:3

Skëköl kanè méso kiè Moisés e' ttsè, ñies Obeja Pupula ttsè, e' ttseittseke ie'pa tö, e' tö ichè i' es: “A Skëköl, be' diché ta̱' tai̱ë íyi ulitane tsa̱ta̱. Ì ko̱s wé̱ be' tö, e' dör tai̱ë buaë, e' tö sa' tkiwé̱wa̱. Be' ë̀ dör ká̱ ulitane wakpa blú. Be' dör yësyësë, be' ttö̀ etkë̀.