Apocalipsis 18:3 - Tte Pa̱'a̱li̱ Me' Skëköl tö Se' a̱

³ Ká̱ ulitane wakpa e̱rkiöwé̱ka̱ Babilonia wakpa tö trënuk we̱s s'tteke blo' tö es. Ká̱ ulitane blúpa se̱néka̱ ie' ta̱. Ì sulu ko̱s tue̱ke ie' tö ì sulu wambloie, e' tö dalì watau̱kwakpa ulitane blu'wé̱ka̱ tai̱ë.”

Apocalipsis 18:3 Iomraidhean Croise

Lucas 7:25

A' kë̀ dë'rö wëm ese sa̱u̱k, e' ta̱ ¿wëm wé̱se sa̱u̱k a' dë'rö? A' kë̀ dë'rö wëm e̱' paiö̀ datsi' bua'bua wa, ese sa̱u̱k. A' wa̱ ijche̱r tö wé̱pa e̱' paiö̀ es ena íyi bua'bua tso' iwa̱ tai̱ë e̱' ttsë'wo̱ie buaë, esepa se̱rke blu' u a̱.

1 Timoteo 5:11

Erë alakölpa schö́ ka̱m ki̱ duas dö̀ dabom teryök (60) esepa kiè kë̀ shtar yëkkuö ki̱, esepa kë̀ ka̱wöta̱ ki̱mè. Ie'pa tö ichèmi Cristo a̱ tö kë̀ sa' se̱rpawa̱ne, erë ie'pa e̱rkiöwé̱ne wëpa tö, e' ta̱ ie'pa se̱rdawa̱ne. Es ie'pa ttè me' kuaë, e' kë̀ dalöiëne ie'pa wa̱, e' ta̱ e' nuí̱ a̱te̱ ie'pa ki̱. E' kue̱ki̱ esepa kiè kë̀ shtar yëkkuö ki̱ a̱s kë̀ itkö̀ ie'pa ta̱ es.

Apocalipsis 14:8

Eta̱ Skëköl biyöchökwak skà debitu̱ idë'bitu̱ ke̱we, e' itöki̱, e' tö iché: “Ká̱ kibi tai̱ë bua'iewa̱ kiè Babilonia, e' e̱newa se̱raa̱, sulunewa̱. Babilonia wakpa tö ká̱ male̱pa wakpa e̱rkiöwé̱ ì sulu wamblök ie'pa ta̱ we̱s s'ttèka̱ blo' wa se̱nokka̱ ita̱ es. E' kue̱ki̱ ká̱ e' wakpa e̱newa.”

Apocalipsis 17:2

Ká̱ ulitane blúpa e̱' mettsa̱ trënuk ie' ta̱. Ñies ká̱ ulitane wakpa e̱' mettsa̱ ì sulu wamblök we̱s ie' es kë̀ wöklörta̱' we̱s s'tteke blo' tö es.”

Apocalipsis 18:19

Ie'pa tö ká̱ po tkéka̱ e̱' wökir ki̱ iwà kkachoie tö ie'pa e̱rianerak tai̱ë ta̱ i̱u̱ke tai̱ë ta̱ ichérakitö a̱neule: “¡Wëstela i̱na ká̱ e' buaë tai̱ë, e' wakpa ta̱! Sa' ko̱s wa̱ kanò tso', e'pa blune tai̱ë ie'pa batamik. ¡Ká̱ etkë̀ ta̱ ká̱ e' sulunewa̱!”

Apocalipsis 18:23

Bö'wö ñarke e' kë̀ wöñarpaia̱ a' ká̱ a̱. Kë̀ yi ku̱'ia̱ ulabatsök. A' dalì watau̱kwakpa e'pa kkeauleka̱ tai̱ë, ie'pa dör pë' tai̱ë ká̱ i' ki̱. Es a' tö ká̱ ulitane wakpa ki̱tö'wé̱ alibchö̀ wa, e' kue̱ki̱ íyi ikkë sulu de a' ki̱.”

Apocalipsis 18:7

Ie'pa e̱' kkeö̀ka̱ tai̱ë, ie'pa wa̱ íyi bua'bua tso' tai̱ë shu̱te̱, ekkë ie'pa we'ikö́ tai̱ë shu̱te̱. Ie'pa e̱' bikeitsö̀: ‘Se' tso' buaë we̱s alaköl dör blu' es, se' kë̀ dör we̱s schö́ es weir sia̱rë.’

Apocalipsis 18:9

Ì sulu wambleke Babilonia wakpa tö, ese wamblë'ñak ká̱ blúpa tö ie'pa ta̱. Ñies íyi bua'bua tso' tai̱ë Babilonia, e' tö ie'pa ttsë'wé̱ buaë. Mik ie'pa tö Babilonia ñarkewa e' shkle̱ sué̱, eta̱ ie'pa e̱riardaë tai̱ë, i̱u̱raë sia̱rë.