Apocalipsis 13:10 - Tte Pa̱'a̱li̱ Me' Skëköl tö Se' a̱

¹⁰ “Wé̱pa suletë'bak Skëköl tö klö'wè̱wa̱, esepa tse̱rdami klöulewa̱. Wé̱pa suletë'bak Skëköl tö duökwa̱ tabè kkö́ a̱, esepa tterawa̱ tabè wa.” E' wa s'batse'rpa e̱' tkö̀wa̱ darërë ena ie̱rblö̀ ie' mik e' wërdaë.

Apocalipsis 13:10 Iomraidhean Croise

Mateo 26:52

Jesús tö iché ie' a̱: —Wé̱pa ñippöke tabè wa, esepa döraka̱ tabè kkö̀ a̱. E' kue̱ki̱ be' tabè blö́wa̱ne ikkuölit a̱.

Lucas 21:19

A' e̱' tkéwa̱ darërë döka̱ bata ekkë, e' ta̱ a' tsa̱tkërdaë.

Colosenses 1:11

Sa' tö ikieke S'yë́ a̱ tö ie' tö a' e̱r diché iö̀, ie' olo tai̱ë, ie' diché tai̱ë, e' wa. Es idir, e' ta̱ a' weirke ko̱s e' dalë'ttsërmi a' a̱ e̱r bua' wa. Ñies ì ko̱s wé̱ S'yë́ tö a' a̱, e' ki̱ wëstela cheraë a' tö ie' a̱ ttsë'ne bua' wa. Ì tso' ie' wa̱ mè se' dör ie' icha batse'rpa e'pa a̱ ilo bur tai̱ë e' a̱, e' yök a' yuétkeitö a̱s idö̀ a' ulà a̱ ñies.

Hebreos 6:12

Sa' kë̀ ki̱ ikiane tö a' bikër. E' skéie sa' ki̱ ikiane tö a' dö̀ we̱s wé̱pa e̱rblöta̱' moki̱ Skëköl mik esepa es. Ì muk Skëköl kablë' se' a̱, e' wà panekesö e̱naë, e' wa iwà döraë se' ulà a̱.

Apocalipsis 1:9

Ye' dör a' yami Juan, e' batsulewa̱ Jesús mik e' wa ye' tso'ñak a' ta̱ wé̱pa blúie Skëköl tso' esepa shu̱a̱. Ñies ye' tso'ñak weinuk a' ta̱ ena idalë'ttsök a' ta̱ e̱r bua' wa. Ye' tö s'wöbla'wé̱ Skëköl ttè wa, ñies ye' tö Jesús tté paké sulitane a̱, e' kue̱ki̱ ie'pa tö ye' u̱ya'mi se̱nuk dayë nane kiè Patmos e' a̱.

Apocalipsis 11:18

Ká̱ ulitane wakpa wé̱pa dör be' bolökpa, esepa we'ikeketke be' tö kësik wa, e' ké̱wö de i' ta̱. E' kue̱ki̱ ie'pa ulune tai̱ë be' ki̱. S'duulewa̱ ko̱s e' shu̱lirke, e' ké̱wö detke. Ñies be' kanè mésopa ena be' ttekölpa ena s'batse'r male̱pa tö be' dalöieke, pë' dalöiërta̱' esepa ena pë' ësepa, e'pa ko̱s a̱ iské meketke be' tö, e' ké̱wö de. Wé̱pa tö s'ditsö e̱wé̱wa ká̱ i' ki̱, esepa e̱we̱kewa be' tö, e' ké̱wö detke.”

Apocalipsis 14:12

S'batse'rpa tö ie' ttè dalöiëno, e' iu̱té buaë, ñies ie'pa tkëulewa̱ darërëë Jesús mik. E' wa ie'pa diché wërdaë.

Apocalipsis 16:6

Ie'pa tö s'batse'rpa ena be' ttekölpa, e'pa kötulur pë́ tëne tai̱ë, e' kue̱ki̱ e' dör buaë tö be' tö ie'pa we'ikè es. I̱'ñe ta̱ be' tö ie'pa ské kéne pë́ yök. Es ie'pa ki̱ inuí̱ ské dene.”

Apocalipsis 17:11

Iyiwak sulusi bak se̱nuk ká̱ ia̱ia̱ë, e' kë̀ ku̱'ia̱ i̱'ñe ta̱, mik ie' dene blu'ie, eta̱ ide pàköl, ie' dör blu' bak kul e' eköl ñies. Erë ie' dene blu'ie weinuk ë̀.

Apocalipsis 17:8

Iyiwak sulusi sué̱ be' tö, e' bak se̱nuk ká̱ ia̱ia̱ë, e' kë̀ ku̱'ia̱ i̱'ñe ta̱, erë ie' döraka̱ ka̱uk tai̱ë i̱ski̱ë, kë̀ s'wö dë'mi ekkë, e' a̱. E' ukuöki̱ ta̱ Skëköl tö ie' we'ikök patkeraë ke̱kraë. Wé̱pa kiè kë̀ ku̱' kitule kuaë se̱ne michoë yëkkuö ki̱ ka̱m Skëköl tö ká̱ i' yuö̀ e' yöki̱, esepa ko̱s tkirdawa̱rak mik ie'pa tö iyiwak sulusi dë'ka̱ dayë a̱ e' sué̱ eta̱. Iyiwak sulusi e' bak se̱nuk, e' kë̀ ku̱'ia̱ i̱'ñe ta̱, erë ie' dörane.

Apocalipsis 2:19

We̱s a' se̱rke e' ko̱s jche̱r ye' wa̱. Ye' wa̱ ijche̱r tö a' ñì dalëritsöke buaë ena a' e̱rblöke ye' mik. Ñies ye' wa̱ ijche̱r tö a' ñì ki̱muke ñikkëë buaë ena a' weirke ko̱s, e' dalë'ttseke a' tö e̱r bua' wa. I̱'ñe a' tö ikí̱ we̱ke bua'ie, kuaë a' tö io̱' e' tsa̱ta̱.

Apocalipsis 2:2

We̱s a' se̱rke e' ko̱s jche̱r ye' wa̱. A' kaneblöke darërëë, a' weirke ko̱s ye' kue̱ki̱, e' dalë'ttseke a' tö e̱r bua' wa, e' ko̱s jche̱r ye' wa̱. Ye' wa̱ ijche̱r tö pë' sulusipa kë̀ wër a' wa buaë. Wé̱pa de a' ska' e̱' chök tö ie'pa dör ye' ttekölpa erë ika̱chörak, esepa ma'wé̱ a' tö ta̱ a' isué̱ tö ie'pa dör ka̱chökwakpa.

Apocalipsis 3:10

A' weirke ye' tté kue̱ki̱, e' dalë'ttsé a' tö e̱r bua' wa we̱s ye' tö a' patkë' iwà u̱k es. E' wà iu̱té a' tö buaë, e' kue̱ki̱ ye' tö a' tsa̱tkeraë mik s'weirke tai̱ë e' ké̱wö de ká̱ ulitane wakpa ki̱ ima'wo̱ie eta̱.

Apocalipsis 3:3

Ttè buaë wa a' wöblane, e' ska' a' e̱r a̱núne. Ttè e' iu̱tö́ne. Ì sulu wamblé a' tö, ese olo'yö́ ta̱ a' e̱r mane'ú̱ ye' a̱. A' kë̀ tö iwè̱ es, e' ta̱ ye' döraë a' ska' we̱s akblökwak es a' we'ikök, e' ké̱wö kë̀ jche̱rpa a' wa̱.