1 Juan 5:3 - Tte Pa̱'a̱li̱ Me' Skëköl tö Se' a̱

³ Skëköl dalër se' é̱na e' wà dör tö ittè dalöiëno e' wà iu̱tekesö. Ie' ttè dalöiëno, e' kë̀ dör darërëë se' a̱ iu̱tè.

1 Juan 5:3 Iomraidhean Croise

Mateo 23:4

Ie'pa tö ttè dalöiëno tai̱ë darërëë ese meke s'male̱pa a̱ wà dalöiè. E' dör we̱s dalì e̱kke̱ë iè s'ki̱ es, erë ie'pa kë̀ tö iketa̱'wa̱ iulatska ë̀ wa s'ki̱moie.

Juan 14:15

“A' é̱na ye' dalër, e̱'ma ye' ttè dalöiëno e' dalöieraë a' tö.

Juan 15:10

Ye' ttè dalöiëno e' dalöieke a' tö, e' ta̱ ye' tö a' dalëritsè michoë. E' dör we̱s ye' tö ye' Yë́ ttè dalöiëno e' dalöieke ta̱ ie' tö ye' dalëritsè michoë es.

Juan 15:14

Ì u̱k ye' tö a' ké, ese we̱ke a' tö, e' ta̱ a' dör ye' sini'pa.

Romanos 7:12

Es Moisés ttè dalöiëno e' dör buaë, e' dör yësyësë, e' dör batse'r.

Romanos 7:22

Ttè dalöiëno me'a̱t Skëköl tö, e' wa ye' wöbatsö tai̱ë.

Hebreos 8:10

Ñies Skëköl tö ichè: Ttè pa̱'a̱li̱ meraëyö Israel aleripa a̱ aishkuö ta̱, e' dör i' es: Ye' ttè dalöiëno e' merdaë ie'pa e̱r a̱, ta̱ ie'pa tö iiu̱teraë e̱r bua' wa iwákpa e̱r wa. Ye' döraë ie'pa Këköl, ta̱ ie'pa döraë ye' icha.

1 Juan 2:3

Skëköl ttè dalöiëno e' dalöiekesö, e' ta̱ e' wa se' wa̱ ijche̱r buaë tö se' bàtse̱ ie' mik.

2 Juan 1:6

Se' se̱rke yësyësë we̱s Skëköl ttè dalöiëno tö ichè es, e' ta̱ se' tso' Skëköl dalëritsök moki̱ë. Ie' ttè dalöiëno tö ichè tö se' ka̱wöta̱ ñì dalëritsök. Ttè e' ttsë'bitu̱ a' tö tsa̱we.