A Raukea e Paulus i Here Lakea ne Huriki a Rom 9:8 - A Nitana Vure

⁸ A pelegona i maea: E huriki a hamone Abraham ri bele a vuhuna a Vure i ta muholi ne Abraham ri gi bele, ria a hamona muholi. Pali e huriki a hamona ranga, re Abraham i vakabele na ningaru vona, i uka ma ria a hamona muholi.

A Raukea e Paulus i Here Lakea ne Huriki a Rom 9:8 Iomraidhean Croise

A Vuhuna 31:15

I rata maria miri manga a mosi. I habi maria vomu, i vakalobo pali a mahala o kona maria vona.

Mateo 3:9

Naha ni luhoi mua, ge mua a hamone Abraham, mu gu malamala pali. Naha ni luhoi mavonga, a vuhuna a Vure i kara ni pulo a kedo nga, ge ria e huriki a hamone Abraham. I vai a kanena narone mua? Mu rata taro a naro kamumu ge vakasiri mua mu pulo muholi a vilone mua.

Ioanes 1:13

E huriki nga ria a tuna Vure, i uka ma i ramai a darane kinane ria o ne tamane ria, o na ningaru na kakaina viri, o na ningaru na bakovi. A Vure kunana i rata ria ge ria e huriki e tuna.

A Raukea e Paulus i Here Lakea ne Huriki a Rom 8:14

E huriki ri muri mai a Hanuna Vure, ria kunana a tuna Vure.

A Raukea e Paulus i Here Lakea ne Huriki a Rom 8:16

A Hanuna Vure i vakasiri, si ta muholi na tahuna si taki hita, hita e huriki a tuna Vure.

A Raukea e Paulus i Here Lakea ne Huriki a Rom 8:19

A maki lobo a Vure i ratarike ri dava, ri pasimata vona a parava a Vure ge vakasiri kavakava, ne rei e huriki e tuna muholi.

Vinara 14:1

E Moses i ta tabu i ta maea, “Mua o huriki a Israel, mua e tune BAKOVI DAGI a Vure ne mua. Na tahuna mu taringi a viri i mate, naha ni pala viliha a kuline mua, naha ni ali a vune mua, mu gu gigi marina.

Hibru 11:11

Hosi e Sara i gare liu, i keri ni vakabele a koma. Pali i luhoi torea a Vure, lakea a Vure i vakatorea a kakaina, i singou. A Vure i tuhoria, a vuhuna e Sara i lohoka vona, a Vure a viri i rata a maki i taki ge rata.