A Raukea e Paulus i Here Lakea ne Huriki a Rom 9:4 - A Nitana Vure

⁴ Re huriki a Israel, e huriki a tuna Vure. A Vure i vakasiri ne ria a bagetuanga vona. I rata turane ria a ngava dagi. I habi ne ria a vinara vona. I vakasiri ne ria ri gi lotu navai vona. I ta muholi ne ria na ngava i kupo.

A Raukea e Paulus i Here Lakea ne Huriki a Rom 9:4 Iomraidhean Croise

A Vuhuna 15:18

Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis,

A Vuhuna 17:10

Ra ngava dagi i lakea vomu, i lakea ne huriki a hamomu mu gu longototo kamumua: e huriki a bakovi lobo na kabu vomu ni gi pala a kuline ria.

A Vuhuna 17:2

Ga vakatorea a ngava dagi ne tarua, e huriki a hamomu ri gi bele kupo.”

A Vuhuna 17:7

Iau ga vakatorea vomu a ngava dagi. Ra ngava dagi iea ge tabuli vakaroro vomu, ne huriki a hamomu ri gi bele muri ma. A ngava dagi i maea: Iau a Vure Muholi vomu, a Vure ne huriki a hamomu.

A Vuhuna 32:28

Muri a bakovi i ta maea, “A ramu ngane i uka ma ge Iakop tabu. A ramu ngane ni gi gale ge Israel, a vuhuna o valoi turana Vure, o valoi turana e huriki a bakovi, o rangi ria pali.”

A Nimariu 12:25

Na tahuna mu dili vona a malala e BAKOVI DAGI i ta muholi vona ge habia ne mua, mu ratea a habu iea, mu luhoi mulea a parava iea.

A Nimariu 34:27

E BAKOVI DAGI i takia e Moses, “O here puru a ngava nga na puhu, a vuhuna a burena a maka ngava dagi a rata turamu, a rata turane huriki a Israel.”

A Nimariu 4:22

Muri o takia e Parao o ta maea, ‘A kabu ne Israel i manga a koma bakovi a tabua ne BAKOVI DAGI.

A Nimariu 40:34

A leho i lobo, muri a bubu i kavitagua a Kape na Vaponga, a parana e BAKOVI DAGI i paraia a mailo vona.

Ni Gi 7:89

Na tahuna e Moses i dili na Kape na Vaponga ge ta turane BAKOVI DAGI, i longoa a lohona, i ta tala na murina ni dodo, na kurukuruna a agelo i rua na Tava na Ngava Dagi, i ta turana.

Mateo 21:33

“Mu longo tabu tara nivakakika: A tahona malala tara i varoa a hania na vain vona. I tura haluia na nure. I kelia a lovo, i kisia a tabeke ni paha bebe a vain vona. I haea a roho tagari. Muri i habia a hania ne huriki a bakovi ranga ri gi leho taro vona, i vano i havai na robo basi ia.

Ioanes 1:17

A Vure i habi polo ne Moses a vinara, i habi ne hita. Pali a naro kamumu, a nita muholi, a Vure i habi polo ne Isu Kristo, i habi ne hita.

Ioanes 1:47

Na tahuna e Isu i masia e Nataniel i laho valai vona, lakea i takia, “Muholi, ra bakovi iea a koma o Israel. I uka ma ia a bakovi ni tatami.”

Apostolo 2:39

Hosi a Vure i ta muholi vona ge habi a Hanu Kiripiripi ne mua, e huriki a hamone mua, turane huriki ri made basi, re huriki a Bakovi Dagi, a Vure ne hita bara i gale ria ri gi valai vona.”

A Raukea e Paulus i Here Lakea ne Huriki a Rom 3:2

Iau bara koli maea, ‘Ra hini hita a Iuda vona, i tahoka a maki kamumu vona i kupo. A maki tara i kamumu vona, a Vure i habi ne huriki a gare ne hita a Hinere vona.’

A Raukea e Paulus i Here Lakea ne Huriki a Rom 8:15

A ta mavonga, a vuhuna a Hanuna Vure i uka ma i rata hita si gi vora tabu na naro hale, si gi mangenge. I rata hita, re hita e huriki a tuna Vure, si gi gale maea, “Tata! O tata!”

A Raukea e Paulus i Here Lakea ne Huriki a Rom 9:6

I uka ma a taki a Vure ge tatami, i uka ma ge ramai a ngavana, a vuhuna e huriki a hamone Israel ranga i uka ma ria a hamona muholi.

2 Korin 11:22

Ri taki ria, ta ria a Hibru. Iau tara, iau a Hibru. Ri taki ria, ta ria a koma o Israel. Iau tara, iau a koma o Israel. Ri taki ria, ta ria a hamone Abraham. Iau tara, iau a hamone Abraham.

Galesia 3:16

Hosi a Vure i habi a ngava ne Abraham rua a hamona, i ta muholi. A ngava ni here hosi i uka ma i ta maea, “ne huriki a hamomu,” i manga ri gi ala kupo. I taki a viri ala taku kunana, i ta maea, “na hamomu,” re Kristo.

Epesus 2:12

A ngaru mu gu longo visi tabu a hini, hosi i uka ma mu lohoka ne Kristo. I uka ma mu dili na tara ne huriki a Israel. I uka ma mu lohoka na ngava dagi a Vure i ta muholi ne huriki a Israel vona. Mu made na malala, i uka tara maki mu gu pasimata vona. I uka ma mu made turana Vure.

Vinara 14:1

E Moses i ta tabu i ta maea, “Mua o huriki a Israel, mua e tune BAKOVI DAGI a Vure ne mua. Na tahuna mu taringi a viri i mate, naha ni pala viliha a kuline mua, naha ni ali a vune mua, mu gu gigi marina.

Vinara 29:1

A ngava nga e BAKOVI DAGI i taki e Moses vona ge vakalongo e huriki a Israel na robo e Moab. I hudoa a ngava dagi i ratea ne ria na lolo e Sinai.

Vinara 29:14

Ra hita si pesi mona koea, a Vure i uka ma i rata virihi kunana hita vona ra ngava dagi iea. I uka, e huriki a hamone hita muri ma ranga i rata virihi ria vona. Hita lobo si gi ta muholi ni ramaia a ngava dagi iea.

Vinara 31:16

E BAKOVI DAGI i takia e Moses i ta maea, “Tabukoi ngane bara o mate. Muri e huriki bara ri pe iau ri ratapilea ra ngava dagi a taki ria vona. Bara ri ngalahere nau ri kavurike a maka vure na robo iea ra ri ngaru ni bolena.

Vinara 4:13

Na tahuna iea a Vure i habia ne mua a vinara vona i ravulu, i here na tabekena kedo i rua. Ra vinara nga, ri manga a maka ngava dagi i rata turane mua. I taki mua mu gu ramai a maka vinara nga.

Vinara 7:6

Mu rata mavonga, a vuhuna e BAKOVI DAGI a Vure ne hita i tabea a kabu ne mua ge vona kunana. A Vure i vulaki mua na kurukurune huriki lobo na malala, ge mua a ngate vona.

Hibru 9:1

A ngava dagi muga i tahoka a vinara na naro na nikavurikea a Vure. I tahoka tabu a naro ni hae a mailo na Vure koea na malala.

Hibru 9:10

A leho ne ria, ri habi kunana a vinara na rabu ni kani, ni ninu, ni hilolo, ni matakari mule a kakaina viri. A vinara nga, bara ni ramai, i harena kunana na tahuna a Vure i vakasiri a dala kamumu karaba.

Hibru 9:3

A tabeke ni dili vona muri ni gale a ‘Tabeke Nitaba Hateka.’ A lavalava dagi ni vulala kari a matana.

Hibru 9:5

Na matana tava iea i tahoka a murina na nidodo. I pesi langa vona a hanuna agelo i rua, ru vulala tala a karapane rua, ru kavitagu a matana tava. Ra hanuna agelo nga ru vakasiri a Vure i made vona a hini nga. Pali ngane i uka ma ga vakalongo lobo mua vona a maka ngava nga.

Hibru 9:6

Muri ni kisi puru lobo a maki na Mailo na Vure, e huriki a prister bara ri dili na Tabeke Nitaba, ri rata a leho ne ria.