A Raukea e Paulus i Here Lakea ne Huriki a Rom 9:3 - A Nitana Vure

³ A ngaru hateka ni kori e huriki a turagu a Iuda, re huriki a kabu nau. I mavonga kunana e Kristo ge ngaru ni muri mai a ningaru nau, ga vasileki vona, ge tono tala iau na kabu vona, ri gi bole a murigu e huriki a Israel.

A Raukea e Paulus i Here Lakea ne Huriki a Rom 9:3 Iomraidhean Croise

A Vuhuna 29:14

Lakea e Leban i takia e Iakop, “Muholi, ioe a daragu.” E Iakop i made turane Leban na keva i taku,

A Nimariu 32:32

Pali ngane a nana ioe, ta go puga vuroki a naro hale ne ria. Pali ge uka, a ngaru ioe go ravunu vurokia a ragu na puhu vomu.”

Apostolo 13:26

“Mua o huriki a turagu, mua e huriki a hamone Abraham, mua e huriki i uka ma mua a Iuda pali mu togoa a Vure, mu longo kamumu. Ra ngava na Vure ge korimule e huriki, a Vure i vakaru vilia ne hita.

Apostolo 22:5

Mu nanea ra prister dagi turana e huriki a gare ne huriki a Iuda, bara ri vakalongo mua. Ri habia nau a raukea ga habia ne huriki a kabu kabu na Iuda o Damaskus. A lokovonga ta ga lakavu e huriki a tara ne Kristo, ga turari valai ria o Ierusalem, ni gi vakamadihi.

Apostolo 28:21

Muri e huriki a Iuda ri koli, ri ta maea, “Mia, i uka ma mi bolea o Iudea tara raukea ge vakalongo mia ne vomu. I uka tara Iuda ge valai vonga ge vakalongo mia vona tara maki, o ge padi virihi ioe vona tara ngava.

A Raukea e Paulus i Here Lakea ne Huriki a Rom 1:3

Ra Velenga Kamumu na Tuna Vure. I bele manga a bakovi, i valai na kabune Davit.

A Raukea e Paulus i Here Lakea ne Huriki a Rom 11:1

I navai? A Vure i marikoi pali ne huriki a tara vona, e huriki a Israel? I uka liu! Iau a Israel, a hamone Abraham, na kabu ne Bensamin. I uka ma i marikoi nau.

A Raukea e Paulus i Here Lakea ne Huriki a Rom 11:14

Bara i rata e huriki ranga na kabu nau ri gi ngutu vona a naro kamumu a Vure i ratea ne mua, bara i korimule ranga ne ria.

A Raukea e Paulus i Here Lakea ne Huriki a Rom 16:11

Mu habi a haro kamumu ne Herodion, a kabu nau. A haro kamumu ne huriki a kabu ne Narsisus, ra ri laho turane Bakovi Dagi.

A Raukea e Paulus i Here Lakea ne Huriki a Rom 16:21

E Timoti, a bakovi i leho turagu, i talo rike a haro kamumu ne mua lobo. E huriki a kabu nau, e Lusius, e Iason, e Sosipater, ria ranga ri talo rike a haro kamumu ne mua.

A Raukea e Paulus i Here Lakea ne Huriki a Rom 16:7

A haro kamumu ne Andronikus, e Iunias. Rua a kabu nau. Hosi mete dili palupu na bavi. E huriki a apostolo ri lohoka kamumu ne rua. Ru luhoi torea e Kristo muga ne nau.

1 Korin 12:3

I mavonga, a ngaru mu gu palala vona tara maki. E rei a viri i ta maea, “A rudurahea e Isu!”, a Hanuna Vure i uka ma i made turana bakovi iea. A Hanu Kiripiripi i uka ma ge made turana viri, bara i keri ni ta maea, “E Isu ia e Bakovi Dagi!”

1 Korin 16:22

E rei a viri i uka ma i ngarua e Bakovi Dagi, a Vure ge rudurahea. O valai, Bakovi Dagi ne mia!

2 Korin 12:15

Iau a vivi ni habi lobo ne mua a maki nau, ga kori a hanune mua. A vivi kunana ni kori mua na nitora lobo nau. Iau a ngaru hateka mua, pali mua i uka ma mu ngaru hateka iau.

Galesia 1:8

Pali mia, o a agelo tara na hunu ge vara mua na Velenga Kamumu ge tebi na Velenga Kamumu mi vara mua vona muga, a Vure ge rudurahea.

Galesia 1:9

Ra ngava nga, mi takia pali hosi, ngane ga taki tabua, i maea, e rei a viri i vara mua na Velenga Kamumu i tebi na Velenga Kamumu mu bolea pali, a Vure ge rudurahea.

Galesia 3:10

A ta maea, a vuhuna e huriki ri toni ni muri mai a vinara lakea a Vure ge gale ria ri malamala, e huriki nga ni ruduraha, a vuhuna a ngava ni here hosi i maea, “E huriki i uka ma ri ramai lobo a ngava ni here na Vinara, ni gi ruduraha.”

Galesia 3:13

A Vure ge ratapile vakaroro e huriki lobo i uka ma ri ramai a maka vinara lobo. Pali e Kristo i konamule hita na tahuna i bole a vuranga iea na murine hita, a vuhuna ni here hosi i maea, “E huriki ni paditata na kai, ni ruduraha.”

Epesus 6:5

Mua e huriki a vora, mu togo, mu mangenge ne huriki a matakari ne mua koea na malala, mu longototo ria. Naha ni tamilalu. Mu longototo muholi ria i manga kunana mu longototoa e Kristo.

Vinara 21:23

a podana nahea ge tavore mavonga na rodo ge palala tahoa a hini. A podana ni gi tanu na parava iea kunana, a vuhuna a Vure i rudurahea a bakovi ni vakatavore na kai. Mua i uka ma mu tanu malaviriria a podana, a malala e BAKOVI DAGI a Vure ne mua i habia ne mua bara i muto.”