A Raukea e Paulus i Here Lakea ne Huriki a Rom 9:16 - A Nitana Vure

¹⁶ Lakea a Vure i vulaki e huriki, i uka ma i ramai a ningaru na bakovi, i uka ma i ramai a nirura na bakovi. I vulaki e huriki na ningaru vona, a vuhuna ia a mari ni dodo.

A Raukea e Paulus i Here Lakea ne Huriki a Rom 9:16 Iomraidhean Croise

Mateo 11:27

“E Tata i ru na limagu a maki lobo. I uka tara viri ge lohoka nau, ra iau e Tuna. E Tata kunana i lohoka nau. E Tata tara i uka tara viri ge lohoka vona. Iau e Tuna kunana a lohoka vona. Na tahuna iau a vulaki e huriki ranga, bara vakasiria e Tata ne ria.

Mateo 4:8

Muri a hanitu i tuli tabua e Isu, ru lakea na mapana lolo dagi tara. I vakasiria vona a tanga lobo na malala, a bagetua ne ria.

Lukas 10:21

Muri a Hanu Kiripiripi i ratea e Isu i vivi, lakea i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa ne huriki ri luhoi ta ri lohoka hateka. I muholi, o Tata, o muri mai a ningaru vomu o rata mavonga.”

Ioanes 3:8

A vilu i pori viliha na ningaru vona. Si longoa a nangina, pali i uka ma si lohoka vona i ngalu valai vai o ge ngalu lokovai. E huriki a bakovi a ngatavine a Hanuna Vure i habi a nimahuri karaba ne ria, ri mavonga kunana. Si matakilaka vona a Hanuna Vure i habi a nimahuri karaba ne ria, pali i uka ma si lohoka vona i rata navia.”

A Raukea e Paulus i Here Lakea ne Huriki a Rom 9:11

A boge ne Rebeka, i uka ma ni poda rua ma. I uka ma ru rata ma a naro kamumu, o a naro hale. Lakea a Vure i takia e Rebeka, i ta maea, “A tabua bara ia a vora ne tarina.” I ratea a ngava iea, ge vakasiri hita vona, i uka ma i matai a rabuna bakovi, lakea i vulakia. I vulaki a viri na ningaru vona.

Galesia 2:2

A sike lakea, a vuhuna a Vure i vakasiri iau ga sike. Na tahuna a bele, a made kikeri turana e huriki ri mata dagi. A vakalongo ria vona a Velenga Kamumu a taki tala ne huriki i uka ma ria a Iuda. A rata mavonga, a vuhuna a leho a rata ngane turana leho a rata muga pali, ma ge velu tavula.

Epesus 2:8

A Vure i rata kamumu mua, i korimule mua, a vuhuna mu luhoi torea. Ra hini mu luhoi torea, i uka ma i valai ne mua. A Vure i habia ne mua a niluhoi iea.

Pilipai 2:13

a vuhuna a Vure i leho pololilo ne mua, i habi a ningaru ne mua, a nitora ne mua ni rata a maki i vivi vona.

Iakop 1:18

Na ningaru vona i vakasiri a nita muholi vona, ge rata hita ge hita e huriki e tuna. I rata mavonga, ge bole tala hita na maki lobo i ratarike, si gi muga ne ria.