A Raukea e Paulus i Here Lakea ne Huriki a Rom 9:1 - A Nitana Vure

^1-2 Iau a dodo hateka e huriki a turagu, re huriki a Israel. A dodo hateka ria, a loho lege lae. I uka ma a tatami, a ta muholi a vuhuna iau a rihi e Kristo. A hategu i vakasiri a ta muholi, a vuhuna a Hanuna Vure i matakaria a hategu.

A Raukea e Paulus i Here Lakea ne Huriki a Rom 9:1 Iomraidhean Croise

A Raukea e Paulus i Here Lakea ne Huriki a Rom 1:9

Iau a luhoi vakaroro mua, a vasileki. A Vure i lohoka vona a ta muholi, ra Vure, a viri a habi a hategu ni vora vona, a vakalongo e huriki na Velenga Kamumu ne Tuna.

A Raukea e Paulus i Here Lakea ne Huriki a Rom 2:15

Ri vakasiri ri lohoka na hatene ria a ngava na Vinara. A lohokanga ne ria na naro kamumu, a naro hale, i vakalongo ria maea, “a naro iea i hale” o “a naro iea i kamumu.”

A Raukea e Paulus i Here Lakea ne Huriki a Rom 8:16

A Hanuna Vure i vakasiri, si ta muholi na tahuna si taki hita, hita e huriki a tuna Vure.

2 Korin 1:12

A vivi vona a hini a hategu i uka ma i hataki hale vona tara maki a ratea. A nimadegu, a Vure i rata iau a made malamala. A maki lobo a rata, i uka ma a tami e huriki. I uka ma a luhoi tora a lohokanga na bakovi. A luhoi torea a naro kamumu na Vure. A naro nga a rata na matane huriki na malala. A rata hateka na matane mua.

2 Korin 1:23

A Vure i lohoka nau, iau a ta muholi na matana. I uka ma a lakene tabu o Korin, a vuhuna a koi ni vakamadihi mua.

2 Korin 11:10

Iau a vivi vona a hini i uka ma a vakapae mua na tahuna a made turane mua. A ngava muholi ne Kristo i tabuli na hategu, lakea a taki muholi mua: I uka tara viri na tabeke ne Akaia ge hatekakari iau vona a ngava nga.

2 Korin 11:31

A Vure, e Tamane Bakovi Dagi ne hita, e Isu, ra ni gi kavurike ia vakaroro, i lohoka nau, i uka ma a tami mua.

2 Korin 12:19

Mu luhoi navai, iau a herea a raukea iea ne vona ni tagari iau? I uka. Iau a rihi e Kristo, a herea a raukea iea na matana Vure ga vakatora a niluhoi ne mua. A maki lobo a rata ne vona ni vakatora mua kunana, mua e huriki a turagu.

Galesia 1:20

Ra ngava a vakalongo mua vona ngane, i uka ma a tatami. A ta muholi hateka na matana Vure.

Pilipai 1:8

A ngaru hateka mua na ningaru lobo ne Isu Kristo. A Vure i lohoka vona a ta muholi.

1 Tesalonika 2:5

Mu lohoka vona i uka ma mete tami mua na maka ngava kamumu ni bole dili mua. I uka ma mete tamilalu, mete ge bole kapiloho a moni ne mua. A Vure i lohoka vona, a ngava mete taki i muholi.

1 Timoti 1:5

Ria bara ri longototo ioe, bara ri luhoi muholia e Kristo, ri matakilaka vona a maki kamumu, a maki hale, a hatene ria ge malamala. Muri, bara ri ngaru e huriki.

1 Timoti 2:7

A Vure i vulaki iau ge iau a apostolo vona, ga vakalongo a ngava nga, ga tovo e huriki a kabu i uka ma ria a Iuda, ri gi luhoi torea e Kristo, ri gi lohoka vona a ngava muholi. Iau a ta muholi, i uka ma a tatami.

1 Timoti 5:21

Iau a vakuku ioe na matana Vure, e Isu Kristo, e huriki a agelo a Vure i vulaki ria, a taki ioe go ramai kamumu a maka ngava nga. A maka naro o rata ge palupulupu kunana ne huriki lobo.