A Raukea e Paulus i Here Lakea ne Huriki a Rom 8:8 - A Nitana Vure

⁸ E huriki ri ramai kunana a ningaru hale na kakaine ria, a Vure i uka ma i vivi ne ria.

A Raukea e Paulus i Here Lakea ne Huriki a Rom 8:8 Iomraidhean Croise

Mateo 3:17

Lakea a lohona viri i ta valai na hunu, i ta maea, “Iea e tugu a hategu. A vivi hateka vona.”

Ioanes 3:3

E Isu i koli, i ta maea, “A taki muholi ioe, a viri i uka ma ni poda tabu, i uka ma ge dili na harikianga na Vure.”

Ioanes 8:29

A viri i rudu iau a valai i made turagu, i uka ma i pe iau, a vuhuna a rata vakaroro a maki ge vivi vona.”

A Raukea e Paulus i Here Lakea ne Huriki a Rom 1:21

Ri lohoka na Vure, pali i uka ma ri togoa manga ge ia a Vure Muholi. I uka ma ri kavurikea na naro kamumu vona. A niluhoi ne ria i bele manga manga, lakea ri keri ni lohoka vona a maki na Vure.

A Raukea e Paulus i Here Lakea ne Huriki a Rom 7:5

Hosi si ramai kunana a ningaru hale na kakaine hita. A vinara i vakarike a hatene hita ni rata a naro hale. A naro hale nga ri vakabele ne hita a matenga.

A Raukea e Paulus i Here Lakea ne Huriki a Rom 8:9

Pali hita, i uka ma si ramai a ningaru hale na kakaine hita. Si ramai a ningaru na Hanuna Vure. I muholi, a Hanuna Vure i made pololilo ne hita. E rei a viri, a Hanune Kristo i uka ma i made pololilo vona, i uka ma ia a tara ne Kristo.

1 Korin 7:32

A ngaru ge uka tara maki mu gu loho lege vona. A bakovi i uka ma i parangi ma bara i luhoi hateka a leho ne Bakovi Dagi, a ra ge ratea, ge vivi vona e Bakovi Dagi.

Pilipai 4:18

Pali ngane i uka ma a bala tara maki. A tahoka i kupo hateka, a vuhuna e Paproditus i habi polo nau a kinori mu vakaru valai turana. I manga a nihabi manginoro, a Vure i burongia, i vivi.

Kolosi 1:10

Miri vasileki mavonga, a vuhuna miri ngaru mu gu laho na naro e Bakovi Dagi i ngaru mu gu laho vona, ge vivi ne mua, a leho kamumu ne mua ge tahoka a kanena, mu gu lohoka kamumu tabu na Vure.

Kolosi 3:20

Mua o huriki a koma mu longototo e tamane mua e kinane mua, a vuhuna e Bakovi Dagi i vivi vona a naro iea.

1 Tesalonika 4:1

Mua e huriki a turagu, mete vara mua pali mu gu laho navai, a Vure ge vivi ne mua. I muholi, mu laho maea pali. Ngane mete nana tora mua, mete taki mua na rana Bakovi Dagi ne hita e Isu, mu gu ramai vakaroro tabu a maka naro nga.

Hibru 13:16

Naha ni longo kaburungi ni rata a naro kamumu ne huriki a turane mua, a vuhuna a Vure i ngarua ra naro iea. E huriki ranga ri bala a maki, mu habi ne ria ranga maki mu tahoka.

Hibru 13:21

ge habi ne mua a maka maki ge tuhori mua mu gu rata a maki lobo i ngaru mu gu rata. I rata pololilo ne hita tara maki i vivi vona na nitora ne Isu Kristo. Si gi kavurikea, si gi vakabagetua ngane, na parava vakaroro. I muholi.

1 Ioanes 3:22

A ra maki si takia vona, bara i habi, a vuhuna si longototo a vinara vona, si rata a naro i vivi vona.