A Raukea e Paulus i Here Lakea ne Huriki a Rom 8:3 - A Nitana Vure

³ A Vinara ne Moses i keri ni korimule hita, a vuhuna a ningaru hale na kakaine hita i rata a vinara i uka nitora ni korimule hita. Lakea a Vure i ratea a leho, ra leho a vinara i keri ni rata. I rudua e Tuna, ge bele manga a bakovi na malala, ge vakalobo a naro hale. Na kakaine Isu ngane, a Vure i ratapile a nitora na naro hale pololilo na kakaine hita.

A Raukea e Paulus i Here Lakea ne Huriki a Rom 8:3 Iomraidhean Croise

Ni Gi 21:9

Lakea e Moses i ratea na bras tara hanuna mata i vakatavorea na kai i ola. Na tahuna a mata hale i kani ria, bara ri mata rike maia, bara ri mahuri.

Ni Gi 28:22

Mu habia tara meme a toga, ge a nihabi na naro hale. Ra nihabi iea bara i kavitagu mua.

Markus 15:27

A bakovi ru panaho ru rabalaki a viri, rua ranga ni paditata. I tavore na limana kanena tara, na maurina tara.

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Ioanes 9:24

Ri gale vilia tabua a bakovi i kepa muga, ri takia, “O kavurikea a Vure. Mi lohoka vona a bakovi iea a bakovi hale.”

Apostolo 13:39

A vinara ne Moses i uka ma i puga vuroki a naro hale legelege ne mua, ge rata mua mu malamala na matana Vure. Pali e rei a viri i luhoi torea e Isu, bara i puga vuroki a naro hale lobo vona, i ratea i malamala na matana Vure.

A Raukea e Paulus i Here Lakea ne Huriki a Rom 3:20

I uka tara viri ge ramai a vinara lobo, lakea a Vure ge takia, ta ia a bakovi malamala. A leho na vinara, i rata hita si gi matakilaka vona a naro hale ne hita.

A Raukea e Paulus i Here Lakea ne Huriki a Rom 6:6

Si lohoka vona, na tahuna i mate, hita ranga, a vilo hale hosi ne hita i mate. Ngane a ningaru hale na kakaine hita i uka nitora. I uka ma ge hita a vorakato tabu na naro hale.

A Raukea e Paulus i Here Lakea ne Huriki a Rom 7:18

A lohoka vona, i uka tara maki kamumu vona a ningaru hale na kakaigu. A ngaru ni rata a naro kamumu, pali iau a keri.

A Raukea e Paulus i Here Lakea ne Huriki a Rom 8:32

A Vure i uka ma i vakatokua e Tuna. I rudua i valai ge mate, ge korimule hita. I mavonga bara i rata kamumu hita, i habi ne hita a maki kamumu lobo.

A Raukea e Paulus i Here Lakea ne Huriki a Rom 9:3

A ngaru hateka ni kori e huriki a turagu a Iuda, re huriki a kabu nau. I mavonga kunana e Kristo ge ngaru ni muri mai a ningaru nau, ga vasileki vona, ge tono tala iau na kabu vona, ri gi bole a murigu e huriki a Israel.

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Galesia 3:13

A Vure ge ratapile vakaroro e huriki lobo i uka ma ri ramai a maka vinara lobo. Pali e Kristo i konamule hita na tahuna i bole a vuranga iea na murine hita, a vuhuna ni here hosi i maea, “E huriki ni paditata na kai, ni ruduraha.”

Galesia 3:21

Pali si gi ta navai ngane? A vinara i hehea a ngava a Vure i ta muholi ne Abraham vona? I uka liu! A Vure bara i habi a vinara tebi, ra ge habi a nimahuri ne hita, ngane a dala ni bele malamala na matana Vure bara i bele na naro ni ramai a vinara, i uka ma ge ramai a naro ni luhoi tora.

Pilipai 2:7

I vakakiroko liu ia, i bele manga a vora. Ni poda ia, i bele manga a bakovi. Na tahuna i bele manga a bakovi,

Hibru 10:12

Pali a nihabi ne Kristo, i habi balaka taku kunana. A nihabi vona i kara ni puga vuroki a naro hale ne huriki lobo na parava vakaroro. Muri i made puru na limana kanena Vure.

Hibru 10:14

Ra ni habi i taku iea, i rata e huriki a bakovi a ngatavine, ra Vure i ru here here ria ne vona, ri malamala liu.

Hibru 2:14

E Isu i bele manga kunana a bakovi, a vuhuna hita e huriki a Vure i gale hita e tuna a bakovi. I bele manga a bakovi, ge mate, ge ratapilea a viri i nugua a nitora na matenga, re Satan.

Hibru 2:17

Na naro iea kunana e Isu i bele manga muholi e huriki e turana, ge ia a prister dagi na Vure, ge rata lobo a leho a Vure i habi vona, ge dodo hita e huriki a bakovi, a ngatavine, ge puga vuroki a naro hale ne hita.

Hibru 4:15

A Prister Dagi ne hita i lohoka vona a maka nitoni hale ni rata virihi hita vona, lakea si boru, a vuhuna ia tara i hataki a maka nitoni lobo nga. Pali i uka ma i boru. I uka ma i rata a naro hale.

1 Petrus 2:24

Na tahuna i tavore na kai tavalavala, i bole na kakaina a naro hale ne hita. I rata mavonga, si gi mate na naro hale, si gi mahuri mule na naro malamala. A harena lebo na kakaina i vakatavaga mua.