A Raukea e Paulus i Here Lakea ne Huriki a Rom 8:13 - A Nitana Vure

¹³ E huriki ri muri mai a ningaru hale na kakaine ria bara ri mate. Pali e huriki ri lobo ni ramai a ningaru hale na kakaine ria na nitora na Hanu Kiripiripi, bara ri bole a nimahuri vakaroro.

A Raukea e Paulus i Here Lakea ne Huriki a Rom 8:13 Iomraidhean Croise

A Raukea e Paulus i Here Lakea ne Huriki a Rom 6:21

Ngane mu maruhu vona a maka rabu hale ne mua hosi. Pali a ra kanena maka naro hale nga? A kanene ria a matenga.

A Raukea e Paulus i Here Lakea ne Huriki a Rom 6:23

A mapana naro hale a matenga. Pali a nimahuri vakaroro, a Vure i habi tavula ne hita, a vuhuna si rihi e Isu Kristo, a Bakovi Dagi ne hita.

A Raukea e Paulus i Here Lakea ne Huriki a Rom 7:5

Hosi si ramai kunana a ningaru hale na kakaine hita. A vinara i vakarike a hatene hita ni rata a naro hale. A naro hale nga ri vakabele ne hita a matenga.

A Raukea e Paulus i Here Lakea ne Huriki a Rom 8:12

I mavonga, o huriki a turagu, nahea si gi muri mai a ningaru hale na kakaine hita.

1 Korin 9:27

Na tahuna a vara e huriki, a tovo mulea a kakaigu, a ratea i muri mai a ningaru nau, ma ni gi matai iau, i uka ma ga mulangi.

Galesia 5:24

E huriki a ngate ne Isu Kristo ri paditata pali na kai tavalavala a ningaru hale na kakaine ria.

Galesia 6:8

E huriki ri muri mai a ningaru hale na kakaine ria, bara ri vakabele a matenga. Pali e huriki ri ramai a ningaru na Hanu Kiripiripi, a Hanu Kiripiripi bara i habi ne ria a nimahuri vakaroro.

Epesus 4:22

ngane mu vuroki a vilo hale hosi ne mua, a nilaho hosi ne mua, ra i mavuru na maka ningaru na taminga.

Epesus 4:30

Naha ni ratea a Hanu Kiripiripi na Vure ge dodo, a vuhuna ia a kilakila ni ru ne mua, i vakasiri manga muri ma a Vure ge konamule mua.

Epesus 5:18

Naha ni ninu hateka a naru vagole, mu gu manga, a vuhuna a naro iea bara i ratapile mua. Pali mu vonu na Hanuna Vure.

Titus 2:12

A naro kamumu na Vure i tovo hita i uka ma si gi longotaroa a Vure, si gi lohopile a ningaru hale na malala. Ngane si made koea na malala, nahea si gi rata tavula a maki. Si gi ramai a niluhoi kamumu. Si gi ramai a naro kiripiripi na Vure.

1 Petrus 1:22

Naha ni tamilalu. Mu vangaru muholi na naro kiripiripi, i manga mua a maki tari, a vuhuna mu longo pali a ngava muholi, i rata a hanune mua i malamala pali.

1 Petrus 2:11

Mua o huriki a turagu, mu manga a mosi, mu laho polo kunanea a malala iea. A taki tora mua mu gu pile a ningaru hale na kakaine mua. A ningaru hale nga ri vaubi na hanune mua.