A Raukea e Paulus i Here Lakea ne Huriki a Rom 8:10 - A Nitana Vure

¹⁰ Si rata pali a naro hale. I mavonga, a kakaine hita bara i mate. Pali a hanune hita bara i mahuri vakaroro, a vuhuna e Kristo i made pololilo ne hita, i rata hita si malamala na matana Vure.

A Raukea e Paulus i Here Lakea ne Huriki a Rom 8:10 Iomraidhean Croise

E Levi 13:40

“Na tahuna a vuna bakovi i makudu tala na gina i lete, ra bakovi iea i mata­pado.

Ioanes 14:23

E Isu i koli, i ta maea, “E rei a viri i ngaru iau, bara i longo mai a ngavagu. E Tata bara i ngarua, lakea bara miri bele vona, miri made turana.

Ioanes 15:5

“Iau kunana a bokona kai a vain, pali mua a rahana. E huriki ri rihi iau, iau tara a rihi ria, ria kunana ri gi vakabele a kanene ria ge kupo. E huriki i uka ma ri rihi iau, bara ri keri ni rata a maki.

Ioanes 17:23

A ngaru iau ga made turane ria, ioe go made turagu. A ngaru ri gi pesi taku muholi, lakea e huriki a bakovi a ngatavine na malala ri gi matakilala ioe, o rudu iau a valai, ri gi matakilaka vona ioe o ngaru hateka e huriki a muri­muri nau i manga ioe o ngaru iau.

Ioanes 4:14

Pali e huriki ri ninua a naru iau a habi, i uka ma ri gi marohu tabu. Muholi hateka a naru iau a habi bara i bele manga a narubele i tua pololilo ne ria, i habi a nimahuri vaka­roro ne ria.”

Ioanes 6:54

A viri i kani a bobogu, i ninu a daragu bara i bole a nimahuri vakaroro, muri na nilobona parava bara vakamahuri mulea na matenga.

Ioanes 6:56

E huriki ri kani a bobogu ri ninu a daragu, bara ri made turagu. Iau tara bara made turane ria.

A Raukea e Paulus i Here Lakea ne Huriki a Rom 5:12

A bakovi ala taku kunana, re Adam, i vakabele na malala a naro hale. A naro hale i vakabele a matenga. I mavonga a matenga i bele ne huriki a bakovi a ngatavine na malala, a vuhuna hita lobo si rata a naro hale.

A Raukea e Paulus i Here Lakea ne Huriki a Rom 5:21

I rata mavonga, a vuhuna a naro hale i matakari hita. A nitora na naro hale, a matenga. Na naro iea kunana, ngane a naro kamumu na Vure ge matakari hita. A nitora vona ni matakari hita, ra naro a Vure i gale hita si malamala na matana, si bole a nimahuri vakaroro na tahuna si luhoi torea e Isu Kristo, a Bakovi Dagi ne hita.

A Raukea e Paulus i Here Lakea ne Huriki a Rom 8:11

A Hanuna Vure i vakamahuri mulea e Isu Kristo. Hita ranga, na tahuna a Hanuna Vure i made pololilo ne hita, a Vure bara i vakamahuri mule hita na matenga. A Hanuna Vure, ra i made pololilo ne hita, ge ratea a naro iea.

1 Korin 15:45

Ni here puru hosi, i maea, “A bakovi muga, re Adam, ni ratarike, i bele a bakovi mahuri.” Pali e Adam muri, re Kristo, ia a hanu ni habi a nimahuri ne huriki.

2 Korin 13:5

Mu luhoi kado a nimadene mua, mu luhoi tora muholi, o i uka? Bara mu luhoi tora muholi, e Isu Kristo bara i made pololilo ne mua. O ge uka, i uka ma i made pololilo ne mua.

2 Korin 4:11

Na tahuna a made na malala, i tahoka e huriki ri ngaru ni rabalaki iau a vuhuna a ramaia e Isu. Na naro iea, e huriki bara ri matakilaka vona e Isu i mahuri mule pali na matenga.

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Galesia 2:20

Ngane iau i uka ma a viri a mahuri, pali e Kristo i mahuri pololilo nau. A maki lobo a rata koea na malala, a rata a vuhuna a luhoi torea a Tuna Vure, ra i ngaru hateka iau, i mate na murigu.

Epesus 3:17

lakea e Kristo ge made pololilo ne mua a vuhuna mu luhoi torea. A vasileki mu gu pesi tora na naro na nivangaru,

Pilipai 1:23

A hate varua. A ngaru ni vano, ga made turane Kristo, a vuhuna a naro iea i rangi a naro lobo.

Pilipai 3:9

ga rihi ia. I mavonga i uka ma ga malamala a vuhuna a ramai lobo a vinara. A Vure i rata iau a malamala a vuhuna a luhoi torea e Kristo. A naro ni bele malamala na matana Vure i bele na tahuna si luhoi torea e Kristo.

Kolosi 1:27

Na ningaru vona kunana, a Vure i puka talea a niluhoi kapiloho vona ne ria. I ngaru ri gi lohoka vona a niluhoi kapiloho. Ra niluhoi kapiloho vona i kamumu hateka, i habi a nipara dagi ne huriki i uka ma ria a Iuda. A niluhoi kapiloho i maea: a Vure i ngaru e Kristo ge made pololilo ne mua e huriki i uka ma mua a Iuda. Ngane mu malamala bara mu pasimata vona a Vure ge bole dili mua na hunu.

1 Tesalonika 4:16

E Bakovi Dagi kunana ge puru valai na hunu ge gale tala dagi. A ubu na agelo vona bara i gale dagi, a tavure na Vure bara ni pupu. E huriki ri luhoi torea e Kristo, ri mate pali, bara ri mahuri mule muga.

Hibru 12:23

A tabeke mu bele vona, i vapopo vona e huriki a tara na Tuna Vure a Tabua. A rane ria, a Vure i here puru meli na hunu. Mu bele na matana Vure, a Mari Ni Pelekado, ge pelekado e huriki lobo. A tabeke mu bele vona, i made vona a hanune huriki a viri hosi, ri ramaia a Vure. Ngane a Vure i rata ria ri malamala liu.

Hibru 9:27

Hita lobo bara si mate balaka taku kunana. Muri bara si pesi na matana Vure, ge pelekado hita.

Kapiloho 14:13

Muri a longo a lohona viri i gale na hunu, i ta maea, “O here maea: I vakatubu ngane, e huriki ri luhoi torea e Bakovi Dagi, pali ri mate, ri gi vivi.” A Hanuna Vure i ta maea, “I muholi hateka ri gi vivi. Ri gi malo na leho dagi ri ratea, a vuhuna ni lohoka vona pali a naro kamumu ri ratea!”