A Raukea e Paulus i Here Lakea ne Huriki a Rom 8:1 - A Nitana Vure

¹ I mavonga, a Vure i uka ma ge habi a nimadihi ne huriki ri rihi e Isu Kristo.

A Raukea e Paulus i Here Lakea ne Huriki a Rom 8:1 Iomraidhean Croise

Ioanes 14:20

Na parava iea bara mu lohoka vona e Tata i made turagu, mua mu made turagu, iau a made turane mua.

Ioanes 15:4

Mu rihi iau i manga iau a rihi mua. A rahana vain i tuvu tala na bokona kai, a vain bara i tahoka a kanena. Pali a rahana vain ni tolo tala na bokona kai a vain, i uka ma ge tahoka a kanena. Mua ranga, na tahuna i uka ma mu rihi iau, bara i uka kanene mua.

Ioanes 5:24

“A taki muholi mua, e huriki ri longo mai a ngavagu, ri luhoi tora a viri i rudu iau a valai, bara ri bole a nimahuri vakaroro. A Vure i uka ma ge pelekado ria, a vuhuna ri pea pali a matenga, ri bole a nimahuri.

A Raukea e Paulus i Here Lakea ne Huriki a Rom 16:3

A haro kamumu ne Akuila rua e girihina e Prisila. Ru leho turagu na leho ne Isu Kristo.

A Raukea e Paulus i Here Lakea ne Huriki a Rom 16:7

A haro kamumu ne Andronikus, e Iunias. Rua a kabu nau. Hosi mete dili palupu na bavi. E huriki a apostolo ri lohoka kamumu ne rua. Ru luhoi torea e Kristo muga ne nau.

A Raukea e Paulus i Here Lakea ne Huriki a Rom 5:1

Ngane si made na nivalemu turana Vure na dala e Isu Kristo i kado purua ne hita, a vuhuna a Vure i taki hita si malamala na tahuna si luhoi torea a Bakovi Dagi e Isu Kristo.

A Raukea e Paulus i Here Lakea ne Huriki a Rom 5:16

Ra hini a Vure i ravunu vuroki tavula a naro hale ne huriki, i uka ma i manga a kanena naro hale ne Adam, a vuhuna e Adam i ratea a naro hale, lakea a Vure i pelekado hita, i taki hita lobo si hale, si gi vurua. Pali a hini a Vure i ravunu vuroki tavula a naro hale ne huriki ri tahoka a naro hale i kupo, a kanena, i gale hita si malamala.

A Raukea e Paulus i Here Lakea ne Huriki a Rom 7:17

I mavonga i uka ma a ningaru nau a rata a naro hale. A rata a vuhuna ra ningaru hale pololilo na kakaigu i tora hateka.

A Raukea e Paulus i Here Lakea ne Huriki a Rom 7:20

Na tahuna a rata a maki a koi ni ratana, i uka ma a rata a vuhuna a ngaru ni rata. A rata a vuhuna a ningaru hale na kakaigu i rata iau.

A Raukea e Paulus i Here Lakea ne Huriki a Rom 8:11

A Hanuna Vure i vakamahuri mulea e Isu Kristo. Hita ranga, na tahuna a Hanuna Vure i made pololilo ne hita, a Vure bara i vakamahuri mule hita na matenga. A Hanuna Vure, ra i made pololilo ne hita, ge ratea a naro iea.

A Raukea e Paulus i Here Lakea ne Huriki a Rom 8:14

E huriki ri muri mai a Hanuna Vure, ria kunana a tuna Vure.

A Raukea e Paulus i Here Lakea ne Huriki a Rom 8:2

Si rihi e Isu Kristo, lakea a nitora na Hanuna Vure, ra i habi a nimahuri, i vakamatukapaga hita na nitora na naro hale, ra i vakabele a matenga.

A Raukea e Paulus i Here Lakea ne Huriki a Rom 8:34

I uka tara viri ge taki hita si gi bole a nimadihi na naro hale ne hita, a vuhuna e Isu Kristo i mate. I uka ma i mate kunana. I pesi rike tabu na matenga. Ngane i made na limana a kanena na Vure, i takia a Vure ge tuhori hita.

A Raukea e Paulus i Here Lakea ne Huriki a Rom 8:4

A Vure i rata mavonga, ge rata hita si gi malamala na matana Vure, i manga a hini a vinara i taki hita si gi malamala. Re hita e huriki i uka ma si ramai a ningaru na kakaine hita, si ramai a ningaru na Hanuna Vure.

A Raukea e Paulus i Here Lakea ne Huriki a Rom 8:9

Pali hita, i uka ma si ramai a ningaru hale na kakaine hita. Si ramai a ningaru na Hanuna Vure. I muholi, a Hanuna Vure i made pololilo ne hita. E rei a viri, a Hanune Kristo i uka ma i made pololilo vona, i uka ma ia a tara ne Kristo.

1 Korin 1:30

Ia kunana a Viri i rata mua mu rihi e Isu Kristo. Na naro iea, e Kristo i habi a niluhoi kamumu lobo ne hita. Na limane Kristo kunana, a Vure i konamule hita, i rata hita si malamala, i kali here here hita, ge hita ne vona kunana.

1 Korin 15:22

E Adam ra viri i vakabelea a matenga, lakea hita lobo si mate. Pali e Kristo a viri i rata hita lobo si gi mahuri mule.

2 Korin 12:2

A lohoka vona tara bakovi i rihi e Kristo. Na pida i ravulu a polona i va (14) i lokovonga pali, a Vure i bole sikea na hunu. Na tahuna i sike lakea, i uka ma a lohoka vona, ia muholi, o i vurena kunana. A Vure i lohoka vona.

2 Korin 5:17

Na tahuna a viri i rihi e Kristo, a Vure i ratarike karabea, i manga a viri karaba. A rabu hosi vona i lobo. Ngane i ramai a rabu karaba.

Galesia 3:13

A Vure ge ratapile vakaroro e huriki lobo i uka ma ri ramai a maka vinara lobo. Pali e Kristo i konamule hita na tahuna i bole a vuranga iea na murine hita, a vuhuna ni here hosi i maea, “E huriki ni paditata na kai, ni ruduraha.”

Galesia 3:26

a vuhuna ngane mu bele manga e huriki a tuna Vure, a vuhuna mu luhoi torea e Isu Kristo.

Galesia 3:28

Mua lobo mu rihi e Kristo, ngane mua lobo mu manga a viri ala taku. I uka tabu a Iuda, o a viri i uka ma a Iuda. I uka tabu a vorakato, o a viri i uka ma a vorakato. I uka tabu a bakovi o a ngatavine. Mu palupulupu.

Galesia 5:16

Pali iau a ta maea, mu laho turana Hanu Kiripiripi, lakea i uka ma mu gu ramai a ningaru hale na kakaine mua.

Galesia 5:25

A Hanu Kiripiripi i habi ne hita a nimahuri karaba. I mavonga, si gi muri mai a ningaru na Hanu Kiripiripi.

Epesus 1:1

Iau e Paulus. A Vure i vulaki iau ge iau a apostolo ne Isu Kristo. A here lakea ne mua e huriki a tara ne Kristo o Epesus, ra mu pesi tora ni luhoi torea e Isu Kristo.

Pilipai 3:9

ga rihi ia. I mavonga i uka ma ga malamala a vuhuna a ramai lobo a vinara. A Vure i rata iau a malamala a vuhuna a luhoi torea e Kristo. A naro ni bele malamala na matana Vure i bele na tahuna si luhoi torea e Kristo.