A Raukea e Paulus i Here Lakea ne Huriki a Rom 7:9 - A Nitana Vure

⁹ Hosi i uka ma a lohoka na vinara, i uka ma a luhoi legelege. Pali na tahuna a lohoka na Vinara na Vure, a matakilaka vona a naro hale nau, ngane a lohoka vona, a marava basi na Vure.

A Raukea e Paulus i Here Lakea ne Huriki a Rom 7:9 Iomraidhean Croise

Mateo 19:20

A riau i koli, i ta maea, “A muri mai lobo a vinara nga. A ra maki tabu ga ratea?”

Lukas 15:29

Pali i takia e tamana i ta maea, ‘Mata valai! Na pida i kupo pali a vora mavonga vomu. I uka ma a longotaroa tara nitamu. Pali o uka ma o ratea nau tara habu ga kani turana e huriki a turagu.

Lukas 18:21

Lakea i ta maea, “A vinara lobo nga a muri mai, a vakatubu na tahuna a kiroko vona.”

A Raukea e Paulus i Here Lakea ne Huriki a Rom 10:5

A ta mavonga, a vuhuna e Moses i here hosi, e rei a viri i ramai lobo a vinara, a Vure bara i takia a bakovi malamala, i habi a nimahuri vakaroro vona.

A Raukea e Paulus i Here Lakea ne Huriki a Rom 7:10

A luhoi ta a vinara ge habi nau a nimahuri vakaroro na tahuna a longototo lobo ria. Pali i uka ma i mavonga. I rata iau a marava basi na Vure, a vuhuna a keri ni longototo lobo a vinara.

A Raukea e Paulus i Here Lakea ne Huriki a Rom 7:11

A naro hale i tami iau, ta ga ramai lobo a Vinara na Vure, ga bole a nimahuri vakaroro. Pali iau a keri, lakea i rata iau a marava basi na Vure.

A Raukea e Paulus i Here Lakea ne Huriki a Rom 7:4

I mavonga kunana o huriki a turagu, mua ranga mu mate turane Kristo, lakea a vinara i uka ma i matakari tabu mua. Ngane a viri tara i matakari mua, ra Viri i pesi rike mule na matenga. Ngane si gi rata kunana a leho na Vure.

A Raukea e Paulus i Here Lakea ne Huriki a Rom 7:6

Pali ngane si matukapaga na vinara, i manga a vorakato i mate, i matukapaga na hini ia a vorakato vona. Ngane a Vinara ne Moses i uka ma i matakari tabu hita. A Hanuna Vure i habi a nimahuri karaba ne hita, i matakari hita.

A Raukea e Paulus i Here Lakea ne Huriki a Rom 7:8

A ningaru hale nau i rata iau a ngutu na maki i kupo legelege, a vuhuna a vinara i hatekakari iau nahea ga ngutu na maki na viri tara. Pali a ningaru ne hita ni rata a naro hale i uka ma i tora hateka na tahuna i uka vinara.

A Raukea e Paulus i Here Lakea ne Huriki a Rom 8:7

A ta maea, a vuhuna e huriki ri luhoi kunana a ningaru hale na kakaine ria, ri marikoi a Vure, a vuhuna i uka ma ri longototo a vinara vona. Ri keri ni longototo.

Galesia 2:19

A vinara i rata iau a mate pali, a matukapaga na nitora vona. I bele mavonga, ga muri mai kunanea a Vure. I manga iau ni paditata na kai tavalavala turane Kristo.

Galesia 3:10

A ta maea, a vuhuna e huriki ri toni ni muri mai a vinara lakea a Vure ge gale ria ri malamala, e huriki nga ni ruduraha, a vuhuna a ngava ni here hosi i maea, “E huriki i uka ma ri ramai lobo a ngava ni here na Vinara, ni gi ruduraha.”